ဆိုဂျူးသည် လတ်တလောမှာ ရေပန်းစားနေတဲ့ ကိုရီးယားစတိုင်လ် အယ်လ်ကိုဟောဖျော်ရည်တစ်မျိုး ဖြစ်ပါတယ်။ အမိုက်စား ကော့တေး တစ်ခွက်ရရှိအောင် ဆိုဂျူး နဲ့ ရောစပ်ကာ ဖော်စပ်လို့ရတဲ့ နည်းလမ်းကောင်းများကို ကော့တေးချစ်သူများအတွက် ဝေမျှပေးလိုက်ရပါတယ်။
နည်းလမ်း (၁)
Photo: Noobcook
ဒီနည်းလမ်းအသုံးပြုမယ်ဆိုရင်တော့ လိုအပ်မယ့်ပစ္စည်းတွေက ဆိုဂျူး ၄၀၀ မီလီလီတာ၊ ဒိန်ချဉ် ၁၀၀ မီလီလီတာ၊ Sprite ၅၀ မီလီလီတာနှင့် ရေခဲတုံး အနည်းငယ်တို့ လိုအပ်ပါလိမ့်မယ်။
ရေကရားထဲသို့ ရေခဲတုံးများထည့်လိုက်ပါ။ ထို့နောက် ဆိုဂျူ၊ ဒိန်ချဉ်နှင့် Sprite တို့ထည့်ကာ သမအောင် မွှေပေးလိုက်ပါ။
ဒီလွယ်ကူရိုးရှင်းတဲ့ အဆင့်နဲ့တင် အမိုက်စား ကော့တေး ဆိုဂျူး တစ်ခွက် ရရှိသွားပြီပဲ ဖြစ်ပါတယ်။
နည်းလမ်း (၂)
Photo: Noobcook
ဒီ ကော့တေး ရဲ့ နာမည်ကတော့ နာနတ်သီး ဆိုဂျူး ကော့တေးပဲဖြစ်ပါတယ်။
ပါဝင်မယ့်ပစ္စည်းတွေကတော့ ဆိုဂျူး ၁ ပုလင်း၊ နာနတ်သီးဖျော်ရည် ၂၄၀ မီလီလီတာနှင့် သံပုရာသီး ၁ စိပ်၊ ၂ စိပ်ခန့်တို့ လိုအပ်ပါလိမ့်မယ်။ သံပုရာသီးကတော့ အလှဆင်ဖို့ရန်အတွက် အသုံးပြုရမှာ ဖြစ်ပါတယ်။
ပြုလုပ်နည်းကတော့ …
ဖန်ခွက် (သို့) ရေကရားထဲသို့ နာနတ်သီးဖျော်ရည်ထည့်ပါ။ ထို့နောက် ဆိုဂျူများထည့်ကာ သမအောင် မွှေပါ။ အေးအေးလေး သောက်ချင်တယ်ဆိုရင်တော့ ရေခဲတုံးများ ထည့်နိုင်ပါတယ်။ ထို့နောက် သံပုရာသီးစိပ်ကို ရေကရားနဲ့ နှုတ်ခမ်းဝပေါ်မှာ အလှဆင်ထားနိုင်ပါတယ်။
ဒါဆိုရင်တော့ ကွီးတို့အတွက် လျှာကျွမ်းပြန်သွားစေမယ့် နာနတ်သီးဆိုဂျူး ကော့တေးတစ်ခွက်ရရှိသွားပြီပဲ ဖြစ်ပါတယ်။
နည်းလမ်း (၃)
Photo: Thesmartlocal
ဒီကော့တေးလေးကတော့ ကော်ဖီချစ်သူ ကွီးတို့ရော ကော့တေးချစ်သူများပါ အကြိုက်တွေ့သွားကြမယ့် ဖျော်စပ်နည်းလေးပဲဖြစ်ပါတယ်။
လိုအပ်မယ့်ပါဝင်ပစ္စည်းများကတော့ ရေခဲတုံးအနည်းငယ်၊ ဆိုဂျူ (ဆိုဂျူသောက်သော ခွက်အသေး ၂ ခွက်စာ)၊ ဆိုဂျူ ဖန်ခွက်အသေး ၂ ခွက်စာနှင့် သကြားရည်အနည်းငယ်တို့ လိုအပ်ပါလိမ့်မယ်။ သကြားရည်ကတော့ မထည့်လည်းရပါတယ်။
ပြုလုပ်နည်းကတော့ ဖန်ခွက်တစ်လုံးထဲတွင် ပါဝင်ပစ္စည်းများအားလုံးကို ပေါင်းထည့်ကာ သမအောင် မွှေပေးလိုက်ရုံပါပဲ။ ဒါဆိုရင်တော့ ကော်ဖီကော့တေး ဖျော်ရည်လေး ရရှိသွားပါပြီ။
နည်းလမ်း (၄)
Photo: Thesmartlocal
နောက်ထပ်ဖျော်ရည်တစ်ခုကတော့ ဘီယာချစ်သူများအတွက် ဘဝင်ခိုက်သွားစေမယ့် ဖျော်နည်းပဲဖြစ်ပါတယ်။
ပါဝင်ပစ္စည်းများကတော့ ကိုကာကိုလာ (သို့) ပက်စီ၊ ဆိုဂျူနှင့် ဘီယာတို့ လိုအပ်ပါလိမ့်မယ်။
အရင်ဦးဆုံး ဘီယာဖန်ခွက်ထဲသို့ ကိုကာကိုလာ (သို့) ပက်စီကို ခွက် တစ်ဝက် ဖြည့်လိုက်ပါ။ ထို့နောက် ဆိုဂျူအနည်းငယ်၊ ဘီယာအနည်းငယ်တို့ကို အညီအမျှ ခွဲထည့်ကာ ဘီယာဖန်ခွက် ပြည့်သွားအောင် ဖြည့်လိုက်ပါ။
ဒါဆိုရင်တော့ ကွီးတို့ရဲ့အသည်းစွဲ ဆိုဂျူးဘီယာတစ်ခွက် ရရှိသွားပြီပဲဖြစ်ပါတယ်။
Featured Image: Carvingajourney
