စည်ပိုင်းခန္ဓာကိုယ်မှ ကြွက်သား တောင့်တင်းတဲ့ ခန္ဓာကိုယ်ဆီသို့ ရုတ်ချည်း ကူးပြောင်းနည်း

ကွီးတို့ရဲ့ ခန္ဓာကိုယ်က အဆီပိုတွေ စုနေပြီး စည်ပိုင်းခန္ဓာကိုယ်ဖြစ်နေလို့ စိတ်ညစ်နေပါသလား။ အဆီပိုတွေ စုနေတဲ့ ခန္ဓာကိုယ်အဖြစ်ကနေ ကြွက်သား တောင့်တင်းတဲ့ ခန္ဓာကိုယ်ဆီသို့ ရုတ်ချည်း ကူးပြောင်းချင်ပါသလား။

ဒါဆိုရင်တော့ အခုဖော်ပြပေးမယ့် လေ့ကျင့်ခန်းများကို ပြုလုပ်နိုင်ပါတယ်။

အရင်ဦးဆုံး သွေးပူလေ့ကျင့်ခန်းနဲ့ အစပြုလိုက်ရအောင်။

သွေးပူလေ့ကျင့်ခန်းများကိုတော့ ၃ မိနစ်ပြည့်အောင် ပြုလုပ်ပေးရမှာဖြစ်ပါတယ်။

ထို့နောက် အခုဖော်ပြပေးမယ့် လေ့ကျင့်ခန်းများကို ဆက်လက်ပြုလုပ်ပေးလိုက်ပါ။

လေ့ကျင့်ခန်း (၁)

အရင်ဦး မတ်တပ်ရပ်နေပါ။ ထို့နောက် ညာဒူးကို နောက်ပစ်ကာ Lunges ပြုလုပ်ရမှာဖြစ်ပါတယ်။ ဘယ် ညာ တစ်လှည့်စီ ပြုလုပ်ရမှာဖြစ်ပါတယ်။ စုစုပေါင်း ၄၅ စက္ကန့် ပြုလုပ်ရပါမယ်။

လေ့ကျင့်ခန်း (၂)

ဒီလေ့ကျင့်ခန်းကတော့ Jumping Jacks လေ့ကျင့်ခန်းပဲ ဖြစ်ပါတယ်။ ကွီးတို့အနေနဲ့ ဝိတ်ကျဖို့အတွက် ခုန်ပြီး လေ့ကျင့်ခန်း ပြုလုပ်ရမှာဖြစ်ပါတယ်။ စုစုပေါင်း ၄၅ စက္ကန့် ပြုလုပ်ပါ။

လေ့ကျင့်ခန်း (၃)

တင်ပါးကို နောက်ပစ်ပြီး Squat ထိုင်ရမှာဖြစ်ပါတယ်။ ကွီးတို့အနေနဲ့ လေ့ကျင့်ခန်း ပြုလုပ်တာ ကျွမ်းကျင်လာပြီဆိုရင်တော့ ရိုးရိုး Squat ထိုင်မယ့်အစား ခုန်ပြီး Squat ထိုင်ပေးနိုင်ပါတယ်။

လေ့ကျင့်ခန်း (၄)

ဒီလေ့ကျင့်ခန်းကတော့ ဒူးထောက်ကာ Push-Ups ပြုလုပ်ရမှာပဲဖြစ်ပါတယ်။ စုစုပေါင်း ၁၅ ကြိမ်၊ ၃ ကျော့ ပြုလုပ်ပေးလိုက်ပါ။

လေ့ကျင့်ခန်း (၅)

Mountain Climbers လေ့ကျင့်ခန်းကိုတော့ စုစုပေါင်း ၁၅ ကြိမ်၊ ၃ ကျော့ ပြုလုပ်ပေးလိုက်ပါ။ ဒီလေ့ကျင့်ခန်းကတော့ ကွီးတို့ရဲ့ ဝမ်းဗိုက်က အဆီပိုများကို ဖယ်ရှားပေးပြီး ကြွက်သား များ တောင့်တင်းလာကာ ခန္ဓာကိုယ်ကို ရုတ်ချည်း ပြောင်းလဲသွားအောင် ကူညီပေးမှာပါ။

လေ့ကျင့်ခန်း (၆)

ကြမ်းပြင်ပေါ်မှာ လှဲလျောင်းနေပါ။ ထို့နောက် ခြေထောက်နှစ်ဖက်ကို အပေါ် အောက် ယှက်ကာ တစ်လှည့်စီ လွှဲရမှာဖြစ်ပါတယ်။ စုစုပေါင်း ၁ မိနစ် ပြုလုပ်ရပါမယ်။

လေ့ကျင့်ခန်း တစ်ခုနဲ့ တစ်ခုကြား စက္ကန့် ၃၀ အနားယူနိုင်ပါတယ်။

ကွီးတို့ရော ကိုယ့်ရဲ့ စည်ပိုင်းခန္ဓာကိုယ်ကို ကြွက်သား တွေ တောင့်တင်းတဲ့ ခန္ဓာကိုယ်အဖြစ် ရုတ်ချည်း ပြောင်းလဲဖို့ ရယ်ဒီဖြစ်ပြီလား။

Source: Themanual

Featured Image: Freepik