Belly Fat လို့ခေါ်တဲ့ ဝမ်းဗိုက်တဝိုက်က အဆီပိုတွေဟာ အဓိကအားဖြင့် အစားအသောက်ပုံစံမမှန်တာ ၊ ကိုယ်လက်လှုပ်ရှားမှု မရှိတာ ၊ စိတ်ဖိစီးမှုများပြီး ခဏခဏ အိပ်ရေးပျက်တာ စတဲ့ ပြဿနာတွေကြောင့် ဖြစ်ပါတယ်။ ဗိုက်မှာအဆီတွေများတာက အမျိုးသားတစ်ယောက်အတွက် ဆွဲဆောင်မှုနည်းစေသလို ကျန်းမာရေးအရလည်း ဆိုးကျိုးတွေအများကြီး ရှိနေတယ်လို့ အထောက်အထားများစွာက ဖော်ပြထားပါတယ်။ ဗိုက်အဆီကျဖို့ အဓိအားဖြင့် စားသောက်နေထိုင်မှုပုံစံကို ပြောင်းလဲရမှာဖြစ်သလို လေ့ကျင့်ခန်းလည်း လုပ်ဖို့လိုပါတယ်။ ဒီတစ်ခေါက်မှာတော့ ကွီးတို့ကို ဆော်ကြည်နှုန်းကျစေတဲ့ ဗိုက်အဆီတွေကိုဖြုတ်ဖို့ ထိရောက်တဲ့ လေ့ကျင့်ခန်း နည်းလေးတွေကို မျှဝေပေးပါမယ်။
(၁) High Knees
Source : Jenny Schatzle
High Knees လေ့ကျင်ခန်းက ကယ်လိုရီများများ လောင်ကျွမ်းစေရုံမက Belly Fat တွေကို ကျစေတဲ့အပြင် ဝမ်းဗိုက်မှာရှိတဲ့ ကြွက်သားတွေကို ကျစ်လစ်သန်မာစေပါတယ်။ Cardiovascular Endurance ကိုလည်း တိုးတက်ကောင်းမွန်စေပြီး အမောခံနိုင်ကာ သက်လုံစွမ်းအား တိုးတက်ကောင်းမွန်လာစေမှာ ဖြစ်ပါတယ်။ High Knees လေ့ကျင်ခန်းကို ၄၅ – စက္ကန့်ခန့် ပြုလုပ်ပေးပါ။
(၂) Low Plank to High Plank
Source : Live Being Fit
Belly Fat အပြုတ်ဖြုတ်ဖို့အတွက် နောက်ထပ်လေ့ကျင့်ခန်းနည်းတစ်ခုကတော့ Low Plank to High Plank ပါ။ ဒီလေ့ကျင့်ခန်းက ခန္ဓာကိုယ်တစ်ခုလုံးမှာရှိတဲ့ ကြွက်သားအားလုံးအပေါ် သက်ရောက်မှုရှိစေပါတယ်။ ဝမ်းဗိုက်နဲ့ နောက်ကျောကြွက်သားတွေကို ကျစ်လစ်သန်မာစေပြီး ကိုယ်ဟန်အနေအထား မှန်ကန်ဖို့ ပြုပြင်ပေးပါတယ်။ Low Plank to High Plank လေ့ကျင်ခန်းကိုလည်း ၄၅ – စက္ကန့်ခန့် ပြုလုပ်ပေးပါ။
(၃) Half Burpee
Source : YunaPRO
Half Burpee လေ့ကျင့်ခန်းက လုပ်ရတာလွယ်ပါတယ်။ အရမ်းလည်း မပြင်းထန်သလို ဝမ်းဗိုက်ကြွက်သားတွေကိုလည်း ထိရောက်မှုအားကောင်းပါတယ်။ ကြံ့ခိုင်မှုနဲ့ သက်လုံအားကောင်းချင်သူတွေ ကစားသင့်တဲ့ လေ့ကျင့်ခန်းတစ်ခုပါပဲ။ Half Burpee လေ့ကျင့်ခန်းဟာ ကယ်လိုရီအများကြီး လောင်ကျွမ်းစေပြီး ခန္ဓာကိုယ်ရဲ့ ဇီဝဖြစ်ပျက်မှုကို တိုးတက်စေကာ ကြွက်သားများ ကျစ်လစ်သန်မာလာအောင် တည်ဆောက်ပေးနိုင်ပါတယ်။ Half Burpee လေ့ကျင့်ခန်းကို ၄၅ – စက္ကန့်ခန့် ပြုလုပ်ပေးပါ။
(၄) Toe Touches
Source : Toe Touches
Toe Touches လေ့ကျင့်ခန်းက ခန္ဓာကိုယ်အောက်ပိုင်းရဲ့ Flexibility ကို တိုးတက်စေပါတယ်။ ဗိုက်ကြွက်သားတွေကို အကွေးအဆန့်ပြုလုပ်ပေးရတာ ဖြစ်တဲ့အတွက် Belly Fat တွေ အဓိကအားဖြင့် အပေါ်ဗိုက်အဆီတွေကို ကျစေဖို့ ကူညီပေးပါတယ်။ Toe Touches လေ့ကျင့်ခန်းကိုလည်း ၄၅ – စက္ကန့်ခန့် ပြုလုပ်ပေးပါ။
(၅) Squat Jump
Source : Les Mills
Squat Jump လေ့ကျင့်ခန်းကတော့ အဓိက Power အများကြီးသုံးပြီး ကစားရတဲ့ လေ့ကျင့်ခန်းဖြစ်ပါတယ်။ ဒီ ပြင်းအားများတဲ့ လှုပ်ရှားမှုက ကယ်လိုရီလောင်ကျွမ်းမှုကို မြှင့်တင်ပေးပြီး ကြံ့ခိုင်မှုတိုးစေဖို့ ကူညီပေးပါတယ်။ Belly Fat တွေ ရှယ်လောင်ကျွမ်းချင်ရင်တော့ Squat Jump လေ့ကျင့်ခန်းကိုလည်း ပြုလုပ်ပေးဖို့ မမေ့ပါနဲ့။ Squat Jump လေ့ကျင့်ခန်းကို ၄၅ – စက္ကန့်ခန့် ပြုလုပ်ပေးပါ။
အခုပြောပြတဲ့ လေ့ကျင့်ခန်း ၅ ခုကို မနက်ခင်း အိပ်ရာထတဲ့အချိန် သို့မဟုတ် ညနေ ရေချိုးခါနီး အချိန်တွေမှာ ပြုလုပ်ပေးနိုင်ပါတယ်။ လေ့ကျင့်ခန်းတစ်ခုကို ၄၅ – စက္ကန့်စီပြုလုပ်ပြီး တစ်ခုနဲ့တစ်ခုကြား ၁၅ စက္ကန့်နားပေးနိုင်ပါတယ်။ လေ့ကျင့်ခန်း ၅ ခုလုံးကို ၂ ကျော့မှ ၃ ကျော့အထိ ကစားပေးပါ။ Belly Fat တွေ ပြုတ်သွားဖို့ အာမခံပါတယ်။
Featured Photo : New Body Plan
