ဇက်ကြောများ တောင့်တင်းနေခြင်း၊ ဇက်ကြောတက်ခြင်းတို့သည် လူတစ်ယောက်ရဲ့ အာရုံစူးစိုက်နိုင်စွမ်းနှင့် စွမ်းဆောင်ရည်တို့ကို ကျဆင်းစေပါတယ်။ ပိုမိုဆိုးရွားလာပါက လည်ပင်းနာခြင်းနှင့် ခေါင်းကိုက်ခြင်းတို့ကိုပါ ခံစားရစေပါတယ်။ ဒီလိုမျိုး မကြာခဏ ဇက်ကြောတက် တတ်ပြီး ညောင်းညာနေတတ်တဲ့ ကွီး တို့အတွက် ထိရောက်မှုရှိတဲ့ လေ့ကျင့်ခန်း (၇) မျိုးရှိပါတယ်။

လေ့ကျင့်ခန်း (၁)

Photo: Bupa UK

ဒီလေ့ကျင့်ခန်းကတော့ လည်ပင်းကို အကြောလျော့ရမယ့် လေ့ကျင့်ခန်းပဲဖြစ်ပါတယ်။ ပုခုံးနှင့် လည်ပင်းကြားရှိ ညောင်းညာတောင့်တင်းနေမှုကို လျော့ပါးသက်သာစေပါတယ်။

အဆင့် (၁) ခြေထောက်နှစ်ဖက်ကို အနည်းငယ် ချဲထားကာ ထိုင်နေပါ။

အဆင့် (၂) လက်နှစ်ဖက်က ခန္ဓာကိုယ် ဘေးတစ်ဖက်တစ်ချက်စီတွင် ချထားပါ။ အရှေ့တူရှုသို့ ကြည့်နေပါ။

အဆင့် (၃) ခေါင်းကို ညာဘက်သို့ ဖြည်းဖြည်းချင်းစီ စောင်းလိုက်ပါ။ ညာနားရွက်က ညာပုခုံးနဲ့ ထိကပ်နေရပါမယ်။ ထိုအနေအထားအတိုင်း ၁၀ စက္ကန့်ခန့်နေပါ။

တစ်ခုသတိထားရမှာကတော့ ပုခုံးကို အပေါ်သို့ မကြွမိစေဖို့ပါပဲ။ ခေါင်းကိုသာ အောက်သို့ နိမ့်ချရမှာဖြစ်ပါတယ်။

အဆင့် (၄) ခေါင်းကို တည့်တည့်ပြန်ထားပါ။ တစ်ဖက် ဘယ်နားရွက်က ဘယ်ပုခုံးကို ထိကပ်ပေးလိုက်ပါ။ ထိုအနေအထားအတိုင်း ၁၀ စက္ကန့်ခန့်နေပါ။

ဘယ် ညာကို တစ်ကြိမ်လို့ သတ်မှတ်ပြီး စုစုပေါင်း ၃ ကြိမ်ခန့် ပြုလုပ်ရမှာဖြစ်ပါတယ်။

လေ့ကျင့်ခန်း (၂)

Source: Gfycat

ဒီလေ့ကျင့်ခန်းကတော့ ဇက်ကြောတက် တဲ့ ကွီး တို့အတွက် ပုခုံးကြောများကို ပြေလျော့ပေးမယ့် အလွယ်ကူဆုံး လေ့ကျင့်ခန်း တစ်ခုပဲဖြစ်ပါတယ်။

အဆင့် (၁) ခါးမတ်မတ်ထားပြီး ထိုင်ခုံတစ်လုံးပေါ်တွင် ထိုင်နေပါ။

အဆင့် (၂) အသက်ပြင်းပြင်းရှူသွင်းလိုက်ပြီး ပုခုံးက အပေါ်ကနေ အနောက်သို့ ဝိုက်ချလိုက်ပါ။ အသက်ရှူထုတ်လိုက်ပါ။

အဆင့် (၃) အသက်ပြင်းပြင်း ရှူသွင်းလိုက်ပါ။ ပုခုံးကို အနောက်ကနေ အရှေ့သို့ ဝိုက်ချလိုက်ပါ။ အသက်ပြင်းပြင်းရှူထုတ်ပါ။

စုစုပေါင်း ၁၀ ကြိမ် ပြုလုပ်ရမှာဖြစ်ပါတယ်။

လေ့ကျင့်ခန်း (၃)

Source: Vissco

အဆင့် (၁) ပုံပါအတိုင်း မတ်တပ်ရပ်နေပါ။ ခန္ဓာကိုယ်ကို အရှေ့သို့ အနည်းငယ် ကွေးညွှတ်ထားပြီး လက်တစ်ဖက်က အလေးတုံးကို ကိုင်ထားပါ။

အဆင့် (၂) အလေးတုံး ကိုင်ထားတဲ့လက်က နာရီလက်တံအတိုင်း စက်ဝိုင်းပုံသဏ္ဍာန် ဝိုင်းလိုက်ပါ။ စက္ကန့် ၃၀ မှ တစ်မိနစ်ကြာသည်အထိ ပြုလုပ်ပါ။

အဆင့် (၃) တစ်ဖန် နာရီလက်တံပြောင်းပြန် ပြန်ပတ်ကာ စက်ဝိုင်းပုံသဏ္ဍာန် ပတ်ပေးလိုက်ပါ။ စက္ကန့် ၃၀ မှ တစ်မိနစ်ကြာသည်အထိ ပြုလုပ်ပါ။

အဆင့် (၄) ပြီးရင်တော့ အလေးတုံးကို အခြားလက်တစ်ဖက်ဖြင့် ပြောင်းကိုင်လိုက်ပါ။ စောစောကနည်းအတိုင်း ပြုလုပ်ရမှာဖြစ်ပါတယ်။

လေ့ကျင့်ခန်း (၄)

Source: Flab Fix

အဆင့် (၁) ခြေထောက်နှစ်ဖက်ကို အနည်းငယ်ချဲထားပြီး လက်နှစ်ဖက်က ပုခုံးနဲ့ တစ်တန်းတည်းဖြစ်အောင် ဆန့်တန်းလိုက်ပါ။

အဆင့် (၂) လက်နှစ်ဖက်ကို ခန္ဓာကိုယ် အရှေ့ဘက်သို့ ဆွဲယူလိုက်ကာ ဘယ်လက်က ညာလက်အပေါ်မှာ ဖြစ်နေရပါမယ်။

အဆင့် (၃) လက်နှစ်ဖက်ကို ပုခုံးနဲ့ တစ်တန်းတည်းပြန်ထားပါ။ ထို့နောက် ခန္ဓာကိုယ်အှေ့ဘက်သို့ ပြန်ဆွဲယူတဲ့အခါ ညာလက်က ဘယ်လက်အပေါ်မှာ ရှိနေရပါမယ်။

ဘယ် ညာကို တစ်ကြိမ်လို့ သတ်မှတ်ပြီး စုစုပေါင်း ၁၀ ကြိမ် ပြုလုပ်ရပါမယ်။

လေ့ကျင့်ခန်း (၅)

အဆင့် (၁) ခါးမတ်မတ်ထားကာ မတ်တပ်ရပ်နေပါ။

အဆင့် (၂) ညာလက်ကို ဘယ်တံတောင်နှင့် ညှပ်ကာ ခန္ဓာကိုယ်ရဲ့ ဘက်ဘက်အခြမ်းကို ဆွဲဆန့်လိုက်ပါ။ ထိုအနေအထားအတိုင်း စက္ကန့် ၂၀ ခန့် တောင့်ထားပါ။

အဆင့် (၃) တစ်ဖက် ဘယ်လက်ကို ညာတံတောင်ကြားဖြင့် ညှပ်ကာ ခန္ဓာကိုယ်ရဲ့ ညာဘက်အခြမ်းသို့ ဆွဲဆန့်လိုက်ပါ။ စက္ကန့် ၂၀ ခန့် တောင့်ထားပါ။

လေ့ကျင့်ခန်း (၆)

Source: 24Life

အဆင့် (၁) လေးဖက်ထောက်အနေအထားဖြင့် အသင့်ပြင်ရပါမယ်။

အဆင့် (၂) တင်ပါးကို ခြေဖနောင့်နှင့် တဖြည်းဖြည်း ထိကပ်ပေးလိုက်ပါ။ တင်ပါးနှင့် ခြေဖနောင့် ထိကပ်သွားတဲ့အခါ လက်နှစ်ဖက်သည်လည်း တစ်ဖြောင့်တည်းဆန့်တန်းနေရမှာဖြစ်ပါတယ်။

ထိုအနေအထားအတိုင်း အသက်ပြင်းပြင်း ရှူသွင်းရှူထုတ်ခြင်းကို ၁ မိနစ် (သို့) မိမိလုပ်နိုင်တဲ့ကြာချိန်အထိ ပြုလုပ်ပေးရမှာဖြစ်ပါတယ်။

မကြာခဏ ဇက်ကြောတက် တတ်တဲ့ ကွီး တို့အတွက် ထိရောက်မှုရှိတဲ့ လေ့ကျင့်ခန်း ကောင်းတစ်ခုပဲဖြစ်ပါတယ်။

လေ့ကျင့်ခန်း (၇)

Source: Yoga Pose

အဆင့် (၁) ညာခြေကို ဘယ်ခြေပေါ်တွင် တင်ထားကာ ခါးမတ်မတ်ထိုင်နေပါ။

အဆင့် (၂) ဘယ်လက်က ညာလက်ဖျံနားမှာ ကပ်ထားလိုက်ပါ။ တစ်ချိန်တည်းမှာပါ။ ညာလက်မောင်းကို ညာနားရွက်နဲ့ ထိကပ်ပေးလိုက်ပါ။ ထို့နောက် ညာလက်က ဘယ်လက်ကို လှမ်းဆွဲလိုက်ပါ။

ထိုအနေအထားတိုင်း အသက်ရှူလေ့ကျင့်ခန်းကို (၃) ကြိမ်လောက် ပြုလုပ်ပါ။

အဆင့် (၃) လက်နှစ်ဖက်ကို ဘက်ပြောင်းလိုက်ပါ။ စောစောကနည်းအတိုင်း ဆက်လက်ပြုလုပ်ပေးရမှာဖြစ်ပါတယ်။

Source: Medicalnewstoday

Featured Image: Planetfitness