အသက်အရွယ်ကြောင့် သော်လည်းကောင်း၊ ဒဏ်ရာအနာတရကြောင့် သော်လည်းကောင်း၊ ဒူးပေါ်တွင် တစ်စုံတစ်ခု ဖိအား ကျရောက်ခြင်းကြောင့်သော်လည်းကောင်း ဒူးနာဝေဒနာ ခံစားရတတ်ပါတယ်။ အကြောင်းအမျိုးမျိုးကြောင့် ဒူးနာ တဲ့အခါ သက်သာပျောက်ကင်းစေမယ့် အစွမ်းထက် လေ့ကျင့်ခန်းများကိုသာ သတိရလိုက်ပါ။
ဒီလေ့ကျင့်ခန်းများသည် ပေါ့ပေါ့ပါးပါးနှင့် ပြုလုပ်ရလွယ်ကူတဲ့ လေ့ကျင့်ခန်းများဖြစ်ပြီး ကွီးတို့ရဲ့ ဒူးနာ ဝေဒနာကို သက်သာပျောက်ကင်းစေတဲ့အထိ အစွမ်းထက် ပါတယ်။
လေ့ကျင့်ခန်း (၁)
Source: Vissco
အဆင့် (၁) ကြမ်းပြင်ပေါ်မှာ အရင်ဦးဆုံး လှဲလျောင်းလိုက်ပါ။
အဆင့် (၂) ဒူးနှစ်ဖက်ကို ကွေးကာ ရင်ဘတ်ဆီသို့ ဆွဲယူကာ ခပ်တင်းတင်းလေး ဖိထားလိုက်ပါ။
အဆင့် (၃) ထို့နောက် ဒူးနှစ်ဖက်ကို မူလအနေအထားအတိုင်း ပြန်ဆန့်တန်းလိုက်ပါ။
အဆင့် (၄) ဒီအဆင့်မှာတော့ ညာဒူးတစ်ဖက်တည်းကိုပဲ ကွေးကာ ရင်ဘတ်ဆီသို့ ဆွဲယူကာ လက်နှစ်ဖက်နှင့် ဖိထားလိုက်ပါ။ ဒူးပြန်ချပါ။
အဆင့် (၅) ဒီအဆင့်မှာတော့ ဘယ်ဒူးကို ပြုလုပ်ပေးရမှာဖြစ်ပါတယ်။
လေ့ကျင့်ခန်း (၂)
Source: GIPHY
အဆင့် (၁) ကြမ်းပြင်ပေါ်မှာ လှဲလျောင်းနေကာ လက်နှစ်ဖက်က တင်ပါး အောက်နားမှာ ထားထားလိုက်ပါ။
အဆင့် (၂) ခြေထောက်နှစ်ဖက်ကို ဘယ် ညာ တစ်ဖက် အပေါ်လွှဲလိုက် အောက်လွှဲလိုက်ဖြင့် တစ်လှည့်စီ ပြုလုပ်ပေးရမှာဖြစ်ပါတယ်။
လေ့ကျင့်ခန်း (၃)
Source: Gfycat
အဆင့် (၁) ညာခြေကို ခုံပေါ်မှာ တင်ထားကာ ဘယ်လက်ကို ကြမ်းပြင်ပေါ်မှာ ထောက်ထားပါ။
အဆင့် (၂) ဘယ်ခြေကို ခုံနှင့် ထိလိုက်၊ ကြမ်းပြင်နှင့် ထိလိုက်ဖြင့် တစ်လှည့်စီ ပြုလုပ်ပေးလိုက်ပါ။ စုစုပေါင်း ၁၀ ကြိမ် ပြုလုပ်ရပါမယ်။
၁၀ ကြိမ် ပြည့်ပါက ဘယ်ခြေနှင့် ညာခြေကို ပြောင်းကာ စောစောကအတိုင်း ဆက်လက်ပြုလုပ်ပေးလိုက်ပါ။
လေ့ကျင့်ခန်း (၄)
Source: Vissco
ဒီလေ့ကျင့်ခန်း ပြုလုပ်ဖို့ရန်အတွက် ခုံတစ်လုံး လိုအပ်ပါလိမ့်မယ်။
အဆင့် (၁) လက်နှစ်ဖက်က ခုံပေါ်မှာ ခပ်သာသာလေး တင်ထားပါ။ ခုံအနောက် နည်းနည်းခြားကာ မတ်တပ်ရပ်နေပါ။
အဆင့် (၂) ဘယ်ခြေကို အနောက်သို့ ခပ်ဖြည်းဖြည်းချင်းစီ ရွေ့ကာ မလိုက်ပါ။ ထို့နောက် ပြန်ချပါ။ ၁၀ ကြိမ် ပြုလုပ်ရပါမယ်။
ထို့နောက် ညာခြေကို စောစောက နည်းအတိုင်း ဆက်လက်ပြုလုပ်ရပါမယ်။
လေ့ကျင့်ခန်း (၅)
Source: Vissco
အဆင့် (၁) ခုံတစ်လုံးပေါ်မှာ ခါးမတ်မတ်ထားပြီး ထိုင်နေပါ။
အဆင့် (၂) ထို့နောက် ဘယ်ခြေကို မြှောက်ကာ အရှေ့တည့်တည့်သို့ ဆန့်တန်းလိုက်ပါ။ ၁၂ ကြိမ် ပြုလုပ်ပေးလိုက်ပါ။
အဆင့် (၃) ညာခြေကိုလည်း ထိုနည်းအတိုင်း ၁၂ ကြိမ် ပြုလုပ်ပေးရပါမယ်။
လေ့ကျင့်ခန်း (၆)
Source: Healthline
အဆင့် (၁) ကြမ်းပြင်ပေါ်မှာ ခြေထောက်နှစ်ဖက် ဆန့်တန်းကာ ထိုင်နေပါ။
အဆင့် (၂) ပုဝါတစ်ခု အသုံးပြုကာ ခြေဖဝါးအလယ်တည့်တည့်မှာ ထားထားလိုက်ပါ။
အဆင့် (၃) ဒူးမကွေးစေဘဲ ပုဝါကို ဆွဲယူလိုက်ပါ။ ၅ စက္ကန့်ခန့် ငြိမ်နေပါ။ ထို့နောက် မူလအနေအထားအတိုင်း ပြန်နေပါ။
ထိုနည်းအတိုင်း အကြိမ် ၂၀ ပြုလုပ်ရပါမယ်။
လေ့ကျင့်ခန်း (၇)
Source: Gfycat
အဆင့် (၁) ဘယ်ခြေကို အရှေ့တည့်တည့်သို့ ဆန့်တန်းပါ။ ညာခြေဖဝါးကိုတော့ ဘယ်ဒူးနားမှာ ကပ်ထားလိုက်ပါ။
အဆင့် (၂) ဘယ်လက်က ဘယ်ခြေဖဝါးထိပ်ကို လှမ်းကိုင်လိုက်ပါ။ ဘယ်ဒူးကိုတော့ ကြမ်းပြင်ကနေ မကွာပါစေနဲ့။ ထိုအနေအထားအတိုင်း ၁၀ စက္ကန့်ခန့် တောင့်ထားပါ။
ထို့နောက် ခြေထောက်နှစ်ဖက်ကို ဘက်ပြောင်းကာ စောစောကအတိုင်း ဆက်လက်ပြုလုပ်ပေးရပါမယ်။
ဒီလေ့ကျင့်ခန်းလေးတွေကတော့ ကွီးတို့ရဲ့ ဒူးနာ ဝေဒနာကို သိသိသာသာပျောက်ကင်းသွားစေမယ့် အစွမ်းထက် လေ့ကျင့်ခန်းများပဲဖြစ်ပါတယ်။
Featured Image: Truefitness
