ပေါင် ရှိ အဆီပို များက လုံးတုတ်နေလို့ ဘောင်းဘီများ ဝတ်မရဖြစ်ကာ စိတ်ညစ်နေရပါသလား။ ပေါင် ရှိ အဆီပို များအနေရာမှာ ကြွက်သားများ အစားထိုးချင်တဲ့ ကွီး တို့ရှိပါသလား။ ဒါဆိုရင်တော့ အခုဖော်ပြပေးမယ့် လေ့ကျင့်ခန်းများက ကွီးတို့အတွက်ပါပဲ။
လေ့ကျင့်ခန်း (၁)
Source: Menshealth
အဆင့် (၁) အရင်ဦးဆုံး ခြေထောက်နှစ်ဖက်ကို အနည်းငယ် ချဲထားပါ။
အဆင့် (၂) ဒူးနှစ်ဖက် ကွေးပြီး တင်ပါးကို နောက်ပစ်ကာ Squat ထိုင်လိုက်ပါ။ တစ်ချိန်တည်းမှာပဲ လက်နှစ်ဖက်က အရှေ့သို့ အလိုက်သင့်လေး ဆန့်တန်းလိုက်ပါ။ တင်ပါးနှစ်ဖက်ကလည်း ထိုင်ခုံ တစ်လုံးပေါ်မှာ ထိုင်နေသည့်အလား ပြုလုပ်ထားရပါမယ်။ ပေါင်နှစ်ဖက်ကလည်း ကြမ်းပြင်နှင့် မျဥ်းပြိုင်ပုံသဏ္ဍာန် ဖြစ်နေရပါမယ်။
အဆင့် (၃) ထို့နောက် မူလအနေအထားအတိုင်း မတ်တပ်ပြန်ရပ်လိုက်ပါ။
စုစုပေါင်း ၁၅ ကြိမ်၊ ၃ ကျော့မှ ၄ ကျော့ခန့်အထိ ပြုလုပ်ရမှာဖြစ်ပါတယ်။
လေ့ကျင့်ခန်း (၂)
Source: Greatist
အဆင့် (၁) ခြေထောက်နှစ်ဖက်ကို ပုခုံးအကျယ်အတိုင်း အနည်းငယ် ချဲထားပြီး ခါးထောက်နေပါ။
အဆင့် (၂) ဘယ်ခြေကို အရှေ့သို့ ဆန့်တန်းကာ ညာဒူးကို ကွေးချလိုက်ပါ။ ထို့နောက် မူလအနေအထားအတိုင်း မတ်တပ် ပြန်ရပ်ပါ။
အဆင့် (၃) ညာခြေကိုလည်း စောစောကနည်းအတိုင်း အရှေ့သို့ ဆန့်တန်းကာ ဘယ်ဒူးကို ကွေးချလိုက်ပါ။ ထို့နောက် မူလ အနေအထားအတိုင်း မတ်တပ် ပြန်ရပ်လိုက်ပါ။
ဒါဆိုရင်တော့ တစ်ကြိမ် ပြည့်သွားပါပြီ။ စုစုပေါင်း ၁၅ ကြိမ်၊ ၃ ကျော့ (သို့) ၄ ကျော့ခန့် ပြုလုပ်ရမှာဖြစ်ပါတယ်။
လေ့ကျင့်ခန်း (၃)
Source: Gfycat
အဆင့် (၁) အရင်ဦးဆုံး မတ်တပ်အနေအထားနဲ့ အသင့်ပြင်ပါ။ ထို့နောက် ကြမ်းပြင်ပေါ်တွင် ဒိုက်ထိုးမယ့် အနေအထားပြင်လိုက်ပါ။
အဆင့် (၂) တံတောင်ကွေးကာ ဒိုက်ထိုးပြီးနောက် မတ်တပ်ပြန်ရပ်လိုက်ပါ။
အဆင့် (၃) မတ်တပ် ရပ်ပြီးပြီးချင်းမှာပဲ အပေါ်သို့ ခုန်လိုက်ပါ။
ထိုအဆင့်များအတိုင်း ၁၅ ကြိမ်၊ ၃ ကျော့ ပြုလုပ်ပေးရမှာဖြစ်ပါတယ်။
လေ့ကျင့်ခန်း (၄)
Source: Flab Fix
အဆင့် (၁) ခါးကို မတ်မတ်ထားပြီး ခြေထောက်နှစ်ဖက်ကို အနည်းငယ် ခြားကာ မတ်တပ်ရပ်နေပါ။
အဆင့် (၂) လက်နှစ်ဖက်ကို အပေါ်သို့ မြှောက်ကာ ခြေထောက်နှစ်ဖက်ကို ကားကို အပေါ်သို့ ခုန်လိုက်ပါ။
အဆင့် (၃) ထို့နောက် ကြမ်းပြင်ပေါ်တွင် မူလအနေအထားအတိုင်း မတ်တပ်ပြန်ရပ်ပါ။
ထိုအဆင့်များအတိုင်း ၁၅ ကြိမ်၊ ၃ ကျော့ (သို့) ၄ ကျော့ ပြုလုပ်ရပါမယ်။
လေ့ကျင့်ခန်း (၅)
Source: Menshealth
အဆင့် (၁) လက်နှစ်ဖက်ကို ခန္ဓာကိုယ် ဘေးတစ်ဖက် တစ်ချက်တွင် ချထားပြီးနောက် ကြမ်းပြင်ပေါ်တွင် လှဲလျောင်းနေပါ။
အဆင့် (၂) ခြေထောက်နှစ်ချောင်းကို စုံလိုက်မကာ အပေါ်သို့ ထောင်မတ်လိုက်ပါ။
ကွီးတို့အနေနဲ့ စစချင်း လေ့ကျင့်ခန်း ပြုလုပ်စဥ်မှာ ခြေထောက် နှစ်ချောင်းနှင့် စုံလိုက် မလုပ်နိုင်သေးဘူးဆိုရင်တော့ ပထမ ရက်သတ္တပတ် နှစ်ပတ်လောက်ကို ခြေထောက်တစ်ချောင်းချင်းစီ မကာ ပြုလုပ်နိုင်ပါတယ်။
အဆင့် (၃) ခြေထောက်နှစ်ဖက်ကို မူလအနေအထားအတိုင်း ပြန်ချလိုက်ပါ။
ထိုနည်းအတိုင်း ၁၅ ကြိမ်၊ ၃ ကျော့ (သို့) ၄ ကျော့ ပြုလုပ်ရပါမယ်။
လေ့ကျင့်ခန်း (၆)
Source: Gfycat
ဒီလေ့ကျင့်ခန်းရဲ့ နာမည်ကိုတော့ Butterfly Stretch လိပ်ပြာ အကြောဆန့်နည်းလို့ ခေါ်ပါတယ်။ ဘာ့ကြောင့် ထိုကဲ့သို့ နာမည်ပေးထားသလဲဆိုရင် ခြေထောက်နှစ်ဖက်က လိပ်ပြာတောင်ပံ ပုံသဏ္ဍာန် အကြောဆန့်ထားရမှာမို့လို့ပဲဖြစ်ပါတယ်။
အဆင့် (၁) ခါးမတ်မတ်ထားကာ ထိုင်နေပြီးနောက် ခြေဖဝါးနှစ်ဖက်ကို ထိကပ်လိုက်ပါ။
အဆင့် (၂) လက်နှစ်ဖက်က ခြေထောက်ကို ဆွဲလူလိုက်ပါ။ ထိုအချိန်တွင် တင်ပါးနှစ်ဖက်စလုံးသည် ကြမ်းပြင်နဲ့ ထိကပ်နေဖို့ အရေးကြီးပါတယ်။ ဒါမှ ကြွက်သားများ ထိရောက်မှု ရှိမှာပါ။
လေ့ကျင့်ခန်း (၇)
Source: Pinterest
အဆင့် (၁) တံတောင် နှစ်ဖက်ကို ကြမ်းပြင်ပေါ်တွင် ထောက်ထားကာ ခန္ဓာကိုယ်ကို ပုံပါအတိုင်း ပြုလုပ်ထားပါ။
အဆင့် (၂) ထိုအနေအထားအတိုင်း ၁ မိနစ်ခန့် တောင့်ခံထားလိုက်ပါ။
တဖြည်းဖြည်း ကျွမ်းကျင်လာပါက မိနစ်ပိုင်းကို ၁ မိနစ်ကနေ ငါး မိနစ်အထိ ဖြည်းဖြည်းချင်းစီ တိုးပေးသွားရမှာဖြစ်ပါတယ်။
အထက်ဖော်ပြပါ လေ့ကျင့်ခန်းများကတော့ ပေါင် က အဆီပို များကို ကြွက်သားများအဖြစ်သို့ ပြောင်းလဲပစ်ချင်တဲ့ ကွီး တို့အတွက် ထိရောက်မှုရှိတဲ့ လေ့ကျင့်ခန်းများပဲ ဖြစ်ပါတယ်။
Featured Image: Freepik
