Abs Workouts တွေကတော့ လိုက်ဆော့မယ်ဆို ကုန်နိုင်မှာ မဟုတ်ပါဘူး။ Abs ကစားနည်းပေါင်း သောင်းခြောက်ထောင်လောက်ကို ရှိပါတယ်။ ဒီထဲကမှ Six Pack မာဆယ်လည်း ထွက်ချင်တယ် ၊ ဝမ်းဗိုက်ကြွက်သားတွေရဲ့ Strength နဲ့ Stability ကိုလည်း တိုးချင်တယ်ဆိုရင်တော့ အထိရောက်ဆုံးနဲ့ ဘယ်တော့မှ မရိုးသွားတဲ့ အခုပြောပြမယ့် Abs Workouts တွေကို ကစားပေးလို့ ရပါတယ်။
(၁) High-Tension Plank
Photo : BarBend
ဝမ်းဗိုက်ကြွက်သားတွေအတွက် အထိရောက်ဆုံးနဲ့ အရိုးရှင်းဆုံး လေ့ကျင့်ခန်းကတော့ Plank ပါပဲ။ Plank လေ့ကျင့်ခန်းက အမိုက်စား Abs ကြွက်သားတွေ ထွက်လာစေရုံမကပဲ ဝမ်းဗိုက်ရဲ့ Strength ကို တိုးစေပြီး ခန္ဓာကိုယ်ရဲ့ အခြားသော ကြွက်သား အစိတ်အပိုင်းတွေ အားလုံးကိုပါ တစ်ပြိုင်နက်တည်း ကျစ်လစ်သန်မာလာစေဖို့ ကူညီပေးပါတယ်။
(၂) Bear Crawl
Photo : Muscle & Fitness
Bear Crawl ဆိုတဲ့အတိုင်း ဝက်ဝံတွားသွား ပုံစံကစားရမယ့် လေ့ကျင့်ခန်းပါ။ Abs Workouts တွေထဲမှာတော့ နာမည်ကြီးပြီး ထိရောက်မှုအပြည့်ရှိတဲ့ လေ့ကျင့်ခန်းတစ်ခုလို့ ပြောရပါမယ်။ Bear Crawl က ဝမ်းဗိုက်ကြွက်သားတွေကို ကျစ်လစ်သန်မာ လာစေမယ့်အပြင် တွားသွား ပုံစံ ကစားရတဲ့အတွက် ပခုံးနဲ့ တင်ကြွက်သားတွေကိုလည်း ထိရောက်မှု ရှိစေမှာ ဖြစ်ပါတယ်။
(၃) Slow-Motion Mountain Climbers
Photo : Steel Supplements
Abs Workouts တွေ အကြောင်းပြောရင် Mountain Climbers လေ့ကျင့်ခန်းကတော့ မပါမဖြစ်ပါပဲ။ ဒီလေ့ကျင့်ခန်းက တင်ပါးဆုံနဲ့ ဝမ်းကြွက်သားနှစ်ခုရဲ့ လှုပ်ရှားမှုကို ဟန်ချက်ထိန်းညှိပြီး ကစားရတာ ဖြစ်ပါတယ်။ Runs ၊ Lifts ၊ Jumps အားကစား လုပ်သူတွေအတွက်ပါ သက်လုံနဲ့ ခံနိုင်ရည်ကို တက်စေမှာဖြစ်ပြီး ခပ်ဖြည်းဖြည်း ခပ်နှေးနှေးကစားရတဲ့ Slow-Motion Mountain Climbers လေ့ကျင့်ခန်းက ဝမ်းဗိုက်ကြွက်သားတွေအတွက် စိန်ခေါ်မှုပို ဖြစ်စေပါတယ်။
(၄) Crunch
Photo : Men’s Health
Crunch လေ့ကျင့်ခန်း ဝမ်းဗိုက်အတွက် အကောင်းဆုံး Abs Workouts တွေထဲကတစ်ခု ဖြစ်ပါတယ်။ ဒီလေ့ကျင့်ခန်းက Rectus Abdominis ၊ Obliques ၊ Transversus Abdominis နဲ့ Hip Flexors ကြွက်သား အစိတ်အပိုင်းတွေ အားလုံးကို တစ်ပြိုင်နက်တည်းမှာ အလုပ်လုပ် စေပါတယ်။ ကျစ်လစ်သန်မာတဲ့ ဗိုက်ကြွက်သားတွေနဲ့ Six Pack ထွက်ချင်ရင်တော့ Crunch လေ့ကျင့်ခန်းကို သေချာပေါက် ကစားပေးရပါမယ်။
Source : Men’s Journal
Featured Photo : Men’s Health
