အမျိုးသားများအတွက် ကျစ်လစ်ပြီး ကြံ့ခိုင်တဲ့ ခန္ဓာကိုယ်ရှိခြင်းက ဘာဝတ်ဝတ် အဆင်ပြေသလို သန်မာမှုရှိကြောင်းကိုလည်း ပြသပြီးသား ဖြစ်ပါတယ်။ ခန္ဓာကိုယ် ကြံ့ခိုင်မှု တည်ဆောက်ခြင်းက ကျန်းမာရေးနဲ့ ခန္ဓာကိုယ် အဆီတွေကို လောင်ကျွမ်းစေရုံသာမက ဘော်ဒီကို ကြည့်ကောင်းစေပါတယ်။ ဒီလို ခန္ဓာကိုယ် ကြံ့ခိုင်မှုရှိဖို့ ထိရောက်တဲ့လေ့ကျင့်ခန်းတွေကို ပုံမှန်ပြုလုပ်ပေးရုံပါပဲ။ ဒီနေ့မှာတော့ ဘော်ဒီ အပေါ်ပိုင်းတောင့်ဖို့ ဦးစားပေး ကစားချင်တဲ့ ကွီးတို့အတွက် ထိရောက်မှု ရှိတဲ့ လေ့ကျင့်ခန်း အချို့ကို ဖော်ပြပေးသွားမှာ ဖြစ်ပါတယ်။
Push ups
Photo : Men’s Health
ကွီးတို့ရေ ဒိုက်ထိုးခြင်းက အိမ်မှာ လုပ်လို့ရတဲ့အပြင် ဘာအကူကိရိယာမှမလိုဘဲ ကြွက်သားတွေကို တည်ဆောက်ပေးနိုင်တဲ့ လေ့ကျင့်ခန်းပဲ ဖြစ်ပါတယ်။ အထူးသဖြင့် လက်မောင်း၊ နောက်ကျော၊ ပခုံးနဲ့ ရင်အုပ်စတဲ့ ခန္ဓာကိုယ်အပေါ်ပိုင်း ကြွက်သားတွေကို ထိမှန်စေပြီး ကျစ်လစ်သန်မာစေပါတယ်။ ခန္ဓာကိုယ်အပေါ်ပိုင်း ကြွက်သားတွေ တောင့်ဖို့ဆို ဒိုက်ထိုးခြင်းကို ပုံမှန်ပြုလုပ်ပေးသင့်တဲ့ လေ့ကျင့်ခန်း တစ်ခုပါပဲ။
Dips
Photo : Men’s Health
ဒီလေ့ကျင့်ခန်းက ကွီးတို့ရဲ့ လက်မောင်းကြွက်သားတွေကို ကျစ်လစ်သန်မာ ဖွံ့ဖြိုးစေဖို့ ထိရောက်တဲ့ လေ့ကျင့်ခန်း တစ်ခုပဲ ဖြစ်ပါတယ်။ ဒါ့အပြင် ရင်အုပ်ကြွက်သားတွေကို ကျစ်လစ်သန်မာစေပါတယ်။ ဒီလေ့ကျင့်ခန်းကို လုပ်မယ်ဆိုရင်တော့ ကုလားထိုင်၊ သေတ္တာ သို့မဟုတ် ခုံတန်းလျား တစ်ခုရှိရုံနဲ့ ပြုလုပ်နိုင်ပါတယ်။
Pull-Ups
Photo : Men’s Jourmal
Pull-Ups လေ့ကျင့်ခန်းက ခန္ဓာကိုယ်အပေါ်ပိုင်းအတွက် အကောင်းဆုံးသော လေ့ကျင့်ခန်းတစ်ခုပါ။ ကျော၊ လက်၊ ရင်ဘတ်နှင့် ပခုံးများကဲ့သို့ ခန္ဓာကိုယ်အပေါ်ပိုင်း ကြွက်သားအားလုံးကို ထိရောက်စေပါတယ်။ ခန္ဓာကိုယ်အပေါ်ပိုင်း ကြွက်သားများ သန်မာစေဖို့ ကွီးတို့ လေ့ကျင်ခန်းတွေထဲမှာ ထည့်သွင်းသင့်တဲ့ လေ့ကျင့်ခန်းတစ်ခုလည်း ဖြစ်ပါတယ်။
Dumbbell Bench Press
Photo : BRJC
ခန္ဓာကိုယ် အပေါ်ပိုင်းရဲ့ အဓိက ကြွက်သားများဖြစ်တဲ့ ရင်အုပ်ကြွက်သားနဲ့ လက်မောင်းကြွက်သားများ ကျစ်လစ်သန်မာ ကြည့်ကောင်းစေဖို့ ဆိုရင် ဒီလေ့ကျင့်ခန်းက အထိရောက်ဆုံး လေ့ကျင့်ခန်းတစ်ခုပါ။ ဒီလေ့ကျင့်ခန်းကို ပြုလုပ်ရာမှာ ပုံတွင်ပြထားသည့်အတိုင်း အလေးတုံးများ ပြန်ချသည့်အချိန်မှာ ရင်ဘတ်ကို ဆန့်ထုတ်ထားရပါမယ်။
Bicep Curl
Photo : Men’s Health
ဒီလေ့ကျင့်ခန်းက ကွီးတို့ရဲ့ လက်မောင်း၊ ပခုံးနဲ့ လက်ဖျံကြွက်သားတွေအတွက် ထိရောက်တဲ့ လေ့ကျင့်ခန်း တစ်ခုဖြစ်ပါတယ်။ လေ့ကျင့်ခန်းကို အခုမှစလုပ်တဲ့သူဆိုရင် အလျင်မလိုဘဲ ကိုယ်တတ်နိုင်တဲ့ အလေးတုံး အလေးချိန်ကို အသုံးပြုပြီး အကြိမ်ရေ အနည်းငယ်နဲ့ စတင်ပါ။
Bent-Over Row
Photo : Men’s Health
ဒီလေ့ကျင့်ခန်းက ကွီးတို့ရဲ့ အနောက်ပခုံး၊ ခန္ဓာကိုယ် အပေါ်ပိုင်းနဲ့ Biceps ကြွက်သားများကို အဓိက ပစ်မှတ်ထားတဲ့ လေ့ကျင့်ခန်း ဖြစ်ပါတယ်။ ဒီလေ့ကျင့်ခန်းကို ပြုလုပ်တဲ့နေရာမှာ ကွီးတို့ရဲ့ ရင်ဘတ်က ကြမ်းပြင်နဲ့အပြိုင်ဖြစ်သင့်ပြီး အလေးတုံးများကို ရင်ဘတ်ဆီသို့ ဆွဲတင်သည့်အခါမှာ နောက်ကျောကို ဖြောင့်တန်းထားပါ။
Standing Overhead Dumbbell Presses
Photo : Skimble
ကွီးတို့ကို နောက်ထပ်ဖော်ပြပေးချင်တဲ့ လေ့ကျင့်ခန်းကတော့ Dumbell အလေးကို အသုံးပြုပြီး ပြုလုပ်ရမှာ ဖြစ်ပါတယ်။ ဒီလေ့ကျင့်ခန်းက ကွီးတို့ရဲ့ ခန္ဓာကိုယ်ရှိ ကြွက်သားများစွာကို တစ်ပြိုင်နက်တည်း ပစ်မှတ်ထားပြီး ကျစ်လစ်စေကာ ပခုံးနဲ့ ခန္ဓာကိုယ်အပေါ်ပိုင်းကိုပါ ကြံ့ခိုင်သန်မာစေပါတယ်။
အခုဖော်ပြပေးလိုက်တာကတော့ ဘော်ဒီ အပေါ်ပိုင်းတောင့်ဖို့ ထိရောက်တဲ့ လေ့ကျင့်ခန်းအချို့ပဲ ဖြစ်ပါတယ်။ ကွီးတို့လည်း ကိုယ်လိုချင်တဲ့ ခန္ဓာကိုယ် အစိတ်အပိုင်းအလိုက် ထိထိရောက်ရောက်နဲ့ ပုံမှန်ပြုလုပ်သွားရင် ကိုယ်လိုချင်တဲ့ ဘော်ဒီကို အမြန်ဆုံး ရရှိမှာပဲ ဖြစ်ပါတယ်။
Source : Ochsner Health
Featured Photo : Men’s Health
