လူတိုင်းလူတိုင်းဟာ နေ့ရက်တိုင်း မျှော်လင့်ချက်တွေ ကိုယ်စီနဲ့ ရုန်းကန်နေကြသူတွေချည်း ဖြစ်ပါတယ်။ ဒါပေမယ့် ဘယ်နှစ်ယောက်များ အောင်မြင်တဲ့ဘဝ ၊ တစ်နည်းအားဖြင့် ကိုယ်မှန်းထားတဲ့ ပန်းတိုင်နဲ့ နီးသထက် နီးလာကြပြီလို့ ခံစားရမိသလဲလို့မေးရင် အတော်လေး ရာခိုင် နှုန်း နည်းကြမှာပါ။ ဒါဆိုဘာကြောင့် အောင်မြင်မှုဆီ မရောက်နိုင်သေးတာလဲ။ ဒီတစ်ခေါက်တော့ မအောင်မြင်သေးတဲ့ သူတွေမှာ အများဆုံး တွေ့ရတတ်တဲ့ အချက်တွေကို ပြောပြပေးချင်ပါတယ်။
(၁) အစီအစဉ် မရှိခြင်း
Photo : Legacy Assurance Plan
အောင်မြင်မှုအတွက် အစီအစဉ်က အရေးကြီးဆုံးပါ။ ဘဝကို တစ်ဆင့်ချင်း တက်မယ့်သူဟာ ကိုယ်နင်းတက်မယ့် လှေကားနဲ့ ကိုယ်သွားမယ့် လမ်းကြောင်းကို ရေရေရာရာ တိတိကျကျ သိကိုသိနေရမှာ ဖြစ်ပါတယ်။
(၂) ပြတ်သားတဲ့ ရည်မှန်းချက် မရှိခြင်း
Photo : Depositphotos
အောင်မြင်မှုဆိုတာ သိပ်ကိုကျယ်ပြန့်ပါတယ်။ ဘာကို လိုချင်တာလဲ ၊ ဘယ်တော့ လိုချင်တာလဲ ၊ အဲ့ဒီအတွက် ဘာတွေ လုပ်ဖို့လိုသလဲဆိုတဲ့ အာရုံပြတ်သားမှု မရှိရင် ပန်းတိုင်ဟာ ဝေးသထက် ဝေးနေဦးမှာပါ။ ပန်းတိုင်တစ်ခုချင်းစီမှာ အာရုံစူးစိုက်မှု လိုပါတယ်။
(၅) ပြင်းပြတဲ့ဆန္ဒ မရှိခြင်း
Photo : Renovo – UK.COM
အောင်မြင်မှုအတွက် ဆန္ဒပြင်းပြင်းပြပြ ရှိနေဖို့ လိုပါတယ်။ အောင်မြင်မှုကို လိုလိုလားလား တောင့်တောင့်တတ ရှိမှသာ အောင်မြင်မှုက ကိုယ့်ရှေ့ကို ဆိုက်ဆိုက်ရောက်လာမှာပါ။
(၄) အခြေအနေမှန်နဲ့ ဝေးနေခြင်း
Photo : Thrive Global
လူအများစု ကျရှုံးကြတဲ့နေရာမှာ နားလည်နိုင်စွမ်း နည်းပါးခြင်းလည်း ပါပါတယ်။ အများစုဟာ သူတို့ရဲ့ စွမ်းရည်ကို ပိုပိုသာသာ တွက်ချက်ထားတတ်ပြီး ကြုံတွေ့လာနိုင်တဲ့အခက်အခဲကိုတော့ လျှော့တွက်ထားလေ့ရှိပါတယ်။ လုပ်ငန်းတစ်ခုကို လုပ်ဆောင်တော့မယ်ဆိုရင် အရာအားလုံးကို သိနားလည်ထားမှသာ ပန်းတိုင်ကို ရောက်ရှိနိုင်မှာ ဖြစ်ပါတယ်။
(၅) စည်းကမ်း မရှိခြင်း
Photo : ICE Training
စည်းကမ်းမရှိရင် အစီအစဉ်ကလည်း အလကားပါပဲ။ ကိုယ်က အစီအစဉ်ကို ချမှတ်ထားသူဖြစ်တာကြောင့် ကိုယ့်ရဲ့ အစီအစဉ်ကို ကိုယ်တိုင် စည်းကမ်းရှိရှိနဲ့ လိုက်နာမှသာ အောင်မြင်မှာ ဖြစ်ပါတယ်။
Featured Photo : Renovo – UK.COM
