မိုးရာသီ မှာ ခရီး သွားခြင်းသည်လည်း စိတ်ခံစားချက်ရသတစ်မျိုး ပေးစွမ်းပြီး မိုးရာသီရဲ့ သဘာဝအလှအပကို ရှုမြင်ခံစားနိုင်ပါတယ်။

ယခုလို မိုးရာသီ အချိန်မှာ သူငယ်ချင်း၊ မိသားစုများနှင့် စိတ်ပြေလက်ပျောက် ခရီး ထွက်ချင်လို့ပဲဖြစ်ဖြစ်၊ အလုပ်ကြောင့် ခရီးသွားရတာမျိုးပဲဖြစ်ဖြစ် ကြုံလာတဲ့အခါ သိထားသင့်တဲ့ ဆောင်ရန် ရှောင်ရန်တချို့ကို ဖော်ပြပေးချင်ပါတယ်။

ဒီအချက်လေးကို သိထားမှ ကိုယ့်ရဲ့ မိုးရာသီ ခရီး စဉ်က ပျော်ရွှင်ဖွယ်အတိနဲ့ ပြီးပြည့်စုံတဲ့ ခရီးတစ်ခုဖြစ်မှာပါ။

မိုးစိုခံပစ္စည်းများ ယူသွားပါ

Photo: Gearpatrol

မိုးရာသီမှာ မိုးစိုမှာကိုတော့ ရှောင်လွဲလို့မရပါဘူး။ သင့်ရဲ့ပစ္စည်းများသည်လည်း မိုးစိုနိုင်ပါတယ်။ ဒါ့ကြောင့် ကိုယ့်ရဲ့ပစ္စည်းတွေ ထည့်ကာ ထုပ်ပိုးထားမယ့်အိတ်တွေ၊ ကျောပိုးအိတ်၊ ခရီးဆောင်အိတ်များကို မိုးစိုခံပစ္စည်းများ အသုံးပြုဖို့လိုအပ်ပါလိမ့်မယ်။

ဂျက်ကတ်တွေဆိုရင်လည်း ပေါ့ပေါ့ပါးပါးနဲ့ အခြောက်မြန်တဲ့ ဂျက်ကတ်များ၊ အခြောက်မြန်စေမယ့် ဘောင်းဘီ၊ အင်္ကျီအဝတ်အစားများ၊ မိုးတွင်းစီးဖိနပ်များ စသည်တို့ ထည့်ထားဖို့လိုအပ်ပါလိမ့်မယ်။ ဒါ့အပြင် ရွံ့ပေတာမျိုးလည်း ကြုံတွေ့ရနိုင်တာကြောင့် အဝတ်အစားအရောင်ဖျော့တာမျိုးကို ရှောင်ကြဉ်ပြီး အရောင်မှိုင်းမှိုင်းအဝတ်အစားများကိုသာ ထည့်သွားသင့်ပါတယ်။

မိုးရာသီ ခရီး စဉ် Package များကို စုံစမ်းကြည့်ပါ

Photo: Thenewsstrike

မိုးရာသီသည် ခရီးအသွား နည်းကြပါတယ်။ ဒါ့ကြောင့် ဟိုတယ်များ၊ Tour Package များသည် ပရိုမိုးရှင်းချနေတဲ့အချိန်ဖြစ်ပါတယ်။ ထိုအချိန်မျိုးမှာ ဘယ်ပရိုမိုးရှင်းက ဈေးအသက်သာဆုံးဖြစ်မလဲဆိုတာကို သေချာစုံစမ်းပြီးမှ ကိုယ်သွားမယ့်နေရာကို ရွေးချယ်သင့်ပါတယ်။ တချို့သွားရောက်လည်ပတ်ရမယ့်နေရာတွေသည် ရာသီဥတု အခြေအနေကြောင့် ဖျက်ပစ်ရတာမျိုးလည်း ရှိနိုင်တာကြောင့် ထိုအခြေအနေမျိုးအတွက်လည်း စိတ်ကို အသင့်ပြင်ထားဖို့လိုအပ်ပါလိမ့်မယ်။

မိုးစိုမှာ မကြောက်ပါနဲ့

Photo: Adventure

မိုးရာသီဖြစ်တဲ့အတွက်ကြောင့် မိုးစိုမှာကတော့ အသေအချာပါပဲ။ မိုးစိုမှာ ကြောက်ရင်တော့ မိုးရာသီမှာ ခရီးမထွက်တာအကောင်းဆုံးပါပဲ။

ခရီးထွက်နေစဉ်အချိန်အတွင်း မိုးရာသီရဲ့ အနှစ်သာရကို အပြည့်အဝခံစားပါ။ အပြင်ထွက်ပြီး လည်ပတ်နေချိန်မှာ မိုးရွာချရင်လည်း ကော်ဖီဆိုင်လေး တစ်ဆိုင်မှာ ဝင်နားရင်း မြို့ရဲ့အလှအပကို ခံစားကြည့်လိုက်ပါ။ တည်းခိုတဲ့နေရာ ပြန်ရောက်တဲ့အခါ ရေမိုးချိုးပြီး နွေးနွေးထွေးထွေးလေး ပြန်လည်အနားယူနိုင်တာပဲမဟုတ်လား။

ခရီးစဉ် ကြန့်ကြာနိုင်ချေကိုလည်း ထည့်တွက်ပါ

Photo: Inc

ရာသီဥတုကြောင့် ခရီးစဉ် ကြန့်ကြာမှုသည် ကမ္ဘာနှင့်တစ်ဝှမ်းဖြစ်ပေါ်နေတာဖြစ်ပါတယ်။ မိုးရာသီမှာ ခရီးသွားတဲ့အခါမှာလည်း အကြောင်းအမျိုးမျိုးကြောင့် ခရီးစဉ်နှောင့်နှေးသွားရတဲ့အခါ စိတ်မညစ်လိုက်ပါနဲ့။ ခရီးသွားရမှာမို့ ပျော်နေတဲ့အပျော်ကို ထိုအခြေအနေကြောင့် အပျက်စီး မခံလိုက်ပါနဲ့။ ပျော်ပျော်ရွှင်ရွှင်သာ ခရီးသွားပါ။ လေယာဉ်ချိန် နောက်ကျတာမျိုး၊ ကားထွက်မယ့်အချိန် နောက်ကျတဲ့အခါမျိုးတွေမှာလည်း စိတ်မညစ်ညူးသွားဘဲနဲ့ ဘာမှမဖြစ်သလို ပျော်ပျော်ပါးပါးသာ ခရီးထွက်လိုက်ပါ။

Source: Insuremytrip

Featured Image: Tripit