လေ့ကျင့်ခန်း ပုံမှန်ပြုလုပ်ခြင်းသည် ကောင်းကျိုးများစွာကို ဆောင်ကျဥ်းပေးနိုင်ပါတယ်။ လေ့ကျင့်ခန်းနဲ့ ဝိတ်တင်လို့လည်း ရသလို ဝိတ်ချလို့လည်း ရပါတယ်။ ဒါတင်မကသေးပါဘူး။ ရှိရင်းစွဲ အသက်ထက် ပိုငယ် အောင် ကူညီပေးမှာကတော့ လေ့ကျင့်ခန်း ပုံမှန်ပြုလုပ်ခြင်း အလေ့အကျင့်ပဲဖြစ်ပါတယ်။
ကွီးတို့အနေနဲ့ ကိုယ့်ရဲ့ ပုံပန်းသွင်ပြင်ကို ရှိရင်းစွဲ အသက်ထက် ပိုငယ် အောင် ဖန်တီးချင်တယ်ဆိုရင်တော့ အခုဖော်ပြပေးမယ့် လေ့ကျင့်ခန်းများကို လိုက်လုပ်နိုင်ပါတယ်။
လေ့ကျင့်ခန်း (၁)
ခြေထောက်နှစ်ဖက်ကို အနည်းငယ်ချဲထားကာ ဒူးကို ကွေးထားပြီး တင်ပါးကို နောက်ပစ်ထားပါ။ ခါးကို ပြင်ညီစောင်းသဏ္ဍာန် စောင်းထားလိုက်ပါ။ ထို့နောက် အလေးတုံးကို မလိုက် ပြန်ချလိုက်ဖြင့် တစ်လှည့်စီ ပြုလုပ်ပေးရပါမယ်။ စုစုပေါင်း ၁၀ ကြိမ်၊ ၃ ကျော့ ပြုလုပ်ပေးရမှာဖြစ်ပါတယ်။
လေ့ကျင့်ခန်း (၂)
လေ့ကျင့်ခန်းပြုလုပ်တဲ့ ခုံစောင်းပေါ်တွင် လှဲလျောင်းကာ လက်နှစ်ဖက်က အလေးတုံးကို ကိုင်ထားလိုက်ပါ။ ထို့နောက် အလေးတုံးကို ရင်အုပ်ကြွက်သားရဲ့ ညှစ်အားကို အသုံးပြုကာ မလိုက်၊ ပြန်ချလိုက်ဖြင့် တစ်လှည့်စီ ပြုလုပ်ပေးရပါမယ်။
ဒီလေ့ကျင့်ခန်းကိုတော့ ၈ ကြိမ်မှ ၁၀ ကြိမ်၊ ၃ ကျော့စီ ပြုလုပ်ရမှာပဲ ဖြစ်ပါတယ်။
လေ့ကျင့်ခန်း (၃)
လက်နှစ်ဖက်က အလေးတုံး နှစ်တုံး ကိုင်ထားပါ။ ထို့နောက် ညာဒူးကို အရှေ့သို့ ကွေးချလိုက်၊ ဘယ်ညာကို အရှေ့သို့ ကွေးချလိုက်ဖြင့် တစ်လှည့်စီ ပြုလုပ်ရပါမယ်။ ဘယ် ညာကို တစ်ကြိမ်လို့ သတ်မှတ်ပြီး စုစုပေါင်း ၁၂ ကြိမ်၊ ၃ ကျော့ ပြုလုပ်ပေးရပါမယ်။
လေ့ကျင့်ခန်း (၄)
Source: Pinterest
ဒီလေ့ကျင့်ခန်းကတော့ Plank With Leg Lift ပဲဖြစ်ပါတယ်။ လက်နှစ်ဖက်က ထောက်ထားပြီးနောက် ညာခြေကို ပုံပါအတိုင်း မြှောက်ထားလိုက်ပါ။ စက္ကန့် ၃၀ မှ ၆၀ အထိ ပြည့်တဲ့အခါ ခြေထောက်နှစ်ဖက်ကို ပြောင်းကာ နော်ကထပ် စက္ကန့် ၃၀ မှ ၆၀ ပြုလုပ်ရမှာပဲ ဖြစ်ပါတယ်။
လေ့ကျင့်ခန်း (၅)
Source: Pinterest
အလေးတုံးကို အသုံးပြုကာ ပြုလုပ်ရမယ့် လေ့ကျင့်ခန်းပဲ ဖြစ်ပါတယ်။
ခြေထောက်နှစ်ဖက်ကို အနည်းငယ် ချဲထားပါ။ ထို့နောက် အလေးတုံးကို ခြေထောက်နှစ်ဖက်ကြားကနေ အရှေ့လွှဲလိုက် အနောက်လွှဲလိုက် ပြုလုပ်ရမှာပဲ ဖြစ်ပါတယ်။ စုစုပေါင်း ၁၀ ကြိမ်မှ ၁၂ ကြိမ်၊ ၃ ကျော့ ပြုလုပ်ရပါမယ်။
ဒီလေ့ကျင့်ခန်းတွေကို အပီအပြင် ပြုလုပ်ကာ ရှိရင်းစွဲ အသက်ထက် ပိုငယ် အောင် ဖန်တီးဖို့ ရယ်ဒီပဲလား။
Source: Eatthis
Featured Image: Freepik
