ကွီးတို့ရဲ့ ခန္ဓာကိုယ်က လေတိုက် ရင် လွှင့်ထွက်သွားမယ့် ခန္ဓာကိုယ် လိုမျိုး ပိန်ပါးပြီး ခြေသလုံး ပုလွေရိုး ဖြစ်နေမယ်ဆိုရင်တော့ ရှော်တီလေးတွေက စိတ်ဝင်စားမှာ မဟုတ်ပါဘူး။ ရှော်တီလေးတွေ အားကိုးချင်စရာ ခန္ဓာကိုယ်မျိုး ဖန်တီးချင်တယ်ဆိုရင်တော့ ကြွက်သားများ ကျစ်လျစ်တောင့်တင်းစေမယ့် လေ့ကျင့်ခန်းများကို ပြုလုပ်သင့်ပြီး ပရိုတင်းဓာတ် ကြွယ်ဝတဲ့ အစားအစာများကို စားသုံးသင့်ပါတယ်။
ကြွက်သားများ တက်လာအောင် ဆော့ကစားတဲ့အခါမှာလည်း သူ့ရက်နဲ့သူ ရက်အလိုက် ဆော့ကစားရမှာဖြစ်ပါတယ်။ ဥပမာ – တနင်္လာနေ့မှာဆို ရင်အုပ်ကြွက်သား၊ အင်္ဂါနေ့မှာဆို ကျောပြင်ရှိ ကြွက်သားများ၊ ဗုဒ္ဓဟူးနေ့မှာဆို ခန္ဓာကိုယ် အောက်ပိုင်းရှိ ကြွက်သားများအတွက် ဆော့ကစားသင့်ပါတယ်။ ကြာသပတေးနေ့မှာ ကြွက်သားများကို အနားပေးပြီး သောကြာနေ့မှာတော့ ပုခုံးကြွက်သားများ၊ စနေနေ့တွင် လက်မောင်းကြွက်သားများအတွက် ဆော့ကစားပြီး တနင်္ဂနွေနေ့မှာ တစ်ဖန်ပြန်လည်ကာ အနားယူရမှာပဲဖြစ်ပါတယ်။
လေတိုက် ရင် လွှင့်ထွက်သွားမယ့် ခန္ဓာကိုယ် ပိုင်ရှင်များအတွက်တော့ အခုဖော်ပြပေးမယ့် လေ့ကျင့်ခန်းများကတော့ ခန္ဓာကိုယ် တစ်ခုလုံးရှိ ကြွက်သားများအတွက် အထောက်အကူဖြစ်စေမယ့် Full-Body Workout ပဲဖြစ်ပါတယ်။
လေ့ကျင့်ခန်း (၁)
Source: Menshealth
ဒီလေ့ကျင့်ခန်းကိုတော့ ၁၂ ကြိမ်၊ ၁၀ ကြိမ်၊ ၈ ကြိမ်၊ ၆ ကြိမ် ဆိုပြီး ၄ ကျော့တိတိ ဆော့ကစားပေးရမှာဖြစ်ပါတယ်။ ပထမတစ်ကျော့မှာ အလေးတုံးအနည်းဆုံးကနေ ဒုတိယအကျော့၊ တတိယအကျော့နဲ့ စတုတ္ထအကျော့တွေမှာ အလေးတုံးတွေ တစ်ဆင့်ချင်းစီ တိုးသွားပေးဖို့ လိုအပ်ပါတယ်။
လေ့ကျင့်ခန်း (၂)
Source: Giphy
အလေးတုံး နှစ်တုံးကို လက်နှစ်ဖက်မှာ ကိုင်ထားပြီးနောက် ပုံပါအတိုင်း တစ်လှမ်းချင်းစီ လမ်းလျှောက်ပေးရမှာပဲ ဖြစ်ပါတယ်။
ခြေထောက်တစ်ဖက်ချင်းစီကို ၁၀ ကြိမ်မှ ၁၅ ကြိမ်၊ ၃ ကျော့ ပြုလုပ်ရမှာပဲ ဖြစ်ပါတယ်။
လေ့ကျင့်ခန်း (၃)
Source: Menshealth
ဒီလေ့ကျင့်ခန်းရဲ့ နာမည်ကတော့ T-Pushup ပဲဖြစ်ပါတယ်။ ညာလက်ကို မြှောက်လိုက်၊ ဒိုက်ထိုးလိုက်၊ ဘယ်လက်ကို မြှောက်လိုက်၊ ဒိုက်ထိုးလိုက်ဖြင့် တစ်လှည့်စီ ပြုလုပ်ရမှာဖြစ်ပါတယ်။ ဘယ်ညာ တစ်လှည့်စီကို ၁၂ ကြိမ်၊ ၃ ကျော့ ပြုလုပ်ရမှာပဲ ဖြစ်ပါတယ်။
လေ့ကျင့်ခန်း (၄)
Source: Menshealth
ခြေထောက်နှစ်ဖက်ကို အနည်းငယ် ချဲထားပြီးနောက် အလေးတန်းကို ရင်အုပ်ပေါ်မှာ တင်ထားကာ အပေါ်သို့ တဆင့်ချင်းစီ ပင့်တင်ရမှာပဲ ဖြစ်ပါတယ်။ စုစုပေါင်း ၈ ကြိမ်မှ ၁၀ ကြိမ်အထိ၊ ၃ ကျော့ ပြုလုပ်ပေးရပါမယ်။
လေ့ကျင့်ခန်း (၅)
Source: Gfycat
လက်နှစ်ဖက်ကို နောက်ပြန်ပစ်ထားကာ တံတောင်ကို ကွေးလိုက် ဆန့်လိုက်ဖြင့် တစ်လှည့်ချင်းစီ ပြုလုပ်ပေးရပါမယ်။ စုစုပေါင်း ၁၅ ကြိမ်မှ အကြိမ် ၂၀ အထိ၊ ၃ ကျော့ ပြုလုပ်ရမှာပဲ ဖြစ်ပါတယ်။
လေ့ကျင့်ခန်း (၆)
Source: Gfycat
ဒီလေ့ကျင့်ခန်းရဲ့ နာမည်ကတော့ Close-Grip Chin-Ups ပဲဖြစ်ပါတယ်။ သူ့ကိုတော့ စုစုပေါင်း ၁၀ ကြိမ်မှ ၁၂ ကြိမ်၊ ၃ ကျော့ ပြုလုပ်ရမှာပဲဖြစ်ပါတယ်။
လေ့ကျင့်ခန်း (၇)
Source: Gfycat
အလေးတုံး အသုံးပြုကာ လက်တစ်ဖက်ချင်းဆီကို အပေါ်သို့ ဆွဲမရမယ့် လေ့ကျင့်ခန်းပဲ ဖြစ်ပါတယ်။ လက်တစ်ဖက်ချင်းစီကို ၈ ကြိမ်၊ ၃ ကျော့ ပြုလုပ်ရမှာ ဖြစ်ပါတယ်။
လေ့ကျင့်ခန်း (၈)
Source: Gfycat
ဘားတန်းပေါ်မှာ တွဲလဲခိုပြီး ခြေထောက်နှစ်ဖက်ကို အပေါ်သို့ဆွဲမရမယ့် လေ့ကျင့်ခန်းပဲဖြစ်ပါတယ်။ စုစုပေါင်း အကြိမ် ၂၀၊ ၃ ကျော့ ပြုလုပ်ရမှာပဲဖြစ်ပါတယ်။
လေတိုက် ရင် လေနဲ့အတူ လွှင့်ပါသွားမယ့် ခန္ဓာကိုယ် ပိုင်ရှင် ဘော်ဒါတွေကိုလည်း မန်းရှင်းခေါ်ပြီး လိုက်လုပ်ခိုင်းဖို့လည်း မမေ့နဲ့ဦးနော်။
Source: Parkercotefitness
Featured Image: Curejoy
