လူတိုင်းသည် အရည်ရှည်ချင်ကြပါတယ်။ အထူးသဖြင့် ယောကျာ်းများသည် အရပ်မြင့်မြင့် ဒေါင်ကောင်းကောင်းနဲ့ ကြည့်ကောင်းတဲ့ ခန္ဓာကိုယ်မျိုး ပိုင်ဆိုင်ချင်ကြပါတယ်။

သင့်တင့်လျောက်ပတ်တဲ့ လေ့ကျင့်ခန်းများ ပြုလုပ်ခြင်းသည် ခန္ဓာကိုယ် ကြွက်သားများ ကြီးမားသန်မာလာအောင် ကူညီပေးပြီး အရပ်ရှည်လာအောင် ပြုလုပ်တဲ့နေရာမှာလည်း အသုံးတည့်ပါတယ်။

ကွီးတို့ရဲ့ ခန္ဓာကိုယ်သည် အရိုးအဆစ်များ သန်မာဖို့ရန်အတွက် HGH လို့ ခေါ်တဲ့ ကြီးထွားမှုဟော်မုန်း လိုအပ်ပါတယ်။ လူပျိုဖော် ဝင်လာပြီဆိုတာနဲ့ ကြီးထွားမှုဟော်မုန်းများသည် ဆဲလ်များ၊ တစ်သျှူးများကို ကြီးထွားစေဖို့ရန်တွက် ဟော်မုန်းများ ထုတ်လုပ်ပေးရပါတယ်။ တကယ်လို့ ကြီးထွားမှုဟော်မုန်းများ မလွှတ်ထုတ်ပေးနိုင်ပါက အရပ်ရှည်လာမတော့ဘဲ ထိုအရပ်အတိုင်းသာ ရှိနေမှာဖြစ်ပါတယ်။

ကြီးထွားမှုဟော်မုန်းများ များများစားစားထွက်ပေါ်လာအောင် အစားအသောက်နဲ့ ထိန်းချုပ်နိုင်သလို အရပ်ရှည်စေမယ့် လေ့ကျင့်ခန်း ပြုလုပ်ပေးခြင်းအားဖြင့်လည်း ထိန်းချုပ်နိုင်ပါတယ်။ အသက် ၁၉ နှစ်ကနေ ၂၇ နှစ်ကြား ယောကျာ်းများသည် အရပ်ရှည်ချင်တယ်ဆိုရင် အခုဖော်ပြပေးမယ့် လေ့ကျင့်ခန်း များကို ပြုလုပ်နိုင်ပါတယ်။

လေ့ကျင့်ခန်း (၁)

Source: Maximonline

အရင်ဦးဆုံး ခြေထောက်နှစ်ဖက်ကို ပုခုံးအကျယ်အတိုင်းချဲထားပါ။ ဒူးကို မကွေးစေဘဲ မတ်မတ်ရပ်ပြီးနောက် ခန္ဓာကိုယ်အပေါ်ပိုင်းကို အရှေ့သို့ ကွေးချလိုက်ပါ။

ထို့နောက် လက်နှစ်ဖက်က ခြေထောက်နှစ်ဖက်ကို ထိကပ်ပေးလိုက်ပါ။ ထိုအနေအထားအတိုင်း ၁ မိနစ်ခန့် ပြုလုပ်ပေးလိုက်ပါ။ အသက်ကိုလည်း ပုံမှန်အတိုင်း ရှူသွင်းရှူထုတ်ပြုလုပ်ပေးရပါမယ်။

လေ့ကျင့်ခန်း (၂)

Source: Wynn Fitness

ဒီလေ့ကျင့်ခန်းကတော့ အရပ်ရှည်လာဖို့အတွက် ကူညီပေးတဲ့နေရာမှာ ထိရောက်မှုအရှိဆုံးနဲ့ အကောင်းဆုံးလေ့ကျင့်ခန်းပဲဖြစ်ပါတယ်။ အရင်ဦးဆုံး ၇ ပေရှည်ပြီး ခိုင်ခံ့တဲ့ဘားတန်းတစ်ခုလိုအပ်ပါလိမ့်မယ်။

ထိုဘားတန်းပေါ်မှာ စက္ကန့် ၂၀ ခန့် တွဲလောင်းခိုနေပါ။ ၃ ကျော့ပြုလုပ်ပေးရမှာဖြစ်ပါတယ်။

လေ့ကျင့်ခန်း (၃)

Source: Menshealth

ဒီယောဂလေ့ကျင့်ခန်းသည်လည်း ကွီးတို့ကို အရပ်ရှည်လာအောင် ကူညီပေးနိုင်ပါတယ်။ အရင်ဦးဆုံး ကြမ်းပြင်ပေါ်မှာ ဝမ်းလျားမှောက်နေပါ။ ထို့နောက် ခန္ဓာကိုယ်အပေါ်ပိုင်းကို ဖြည်းဖြည်းချင်း ကြွပေးရပါမယ်။ ထို့နောက် လက်နှစ်ဖက်ကိုလည်း ဆန့်တန်းထားလိုက်ပါ။

၅ စက္ကန့်မှ စက္ကန့် ၃၀ ခန့်ကြာသည်အထိ တောင့်ခံထားပေးလိုက်ပါ။ ၃ ကျော့ခန့် ပြုလုပ်ပေးရမှာဖြစ်ပါတယ်။

လေ့ကျင့်ခန်း (၄)

Source: iStock

ဒီလေ့ကျင့်ခန်းသည် ကွီးတို့ ထင်ထားတာထက် ပိုမိုခက်ခဲပါတယ်။ အရင်ဦးဆုံး နံရံကိုမျက်နှာမူကာ မတ်တပ်ရပ်နေပါ။ ထို့နောက် လက်နှစ်ဖက်က နံရံကို ထောက်ထားပါ။ သင့်ရဲ့ ကျောကုန်းက ကုန်းကွမနေရဘဲ ဖြောင့်ဖြောင့်ထားရပါမယ်။ ထို့နောက် ခြေထောက်နှစ်ဖက်ကို အနောက်သို့ ဆုတ်နိုင်သမျှ ဆုတ်ပေးလိုက်ပါ။ ၆ စက္ကန့်၊ ၅ ကျော့ ပြုလုပ်ပေးရပါမယ်။

လေ့ကျင့်ခန်း (၅)

Source: Menshealth

ဒီလေ့ကျင့်ခန်းကတော့ ကြိုးခုန်လေ့ကျင့်ခန်းပဲဖြစ်ပါတယ်။ ကြိုးခုန်နေရချိန်မှာ ခန္ဓာကိုယ်တစ်ခုလုံးရှိ ကြွက်သားများသည် လှုပ်ရှားနေရတာကြောင့် ကြီးထွားမှုဟော်မုန်းများ အများအပြားထွက်လာအောင် ကူညီပေးပါတယ်။

၁၂ ကြိမ်မှ ၁၅ ကြိမ်၊ ၃ ကျော့ခန့် ဆော့ကစားပေးပါက လုံလောက်ပါပြီ။

Source: Vestellite.com

Featured Image: Decathlon