ကမ္ဘာ့ နိုင်ငံအသီးသီးတွင် နာမည်ကြီး ဝိုင် မျိုးစုံကို ထုတ်လုပ်ရောင်းချလျက်ရှိကြပြီး အချို့ဝိုင်များသည် ၂ ဒေါ်လာဖြင့်သာ ဝယ်ယူနိုင်ပေမယ့် အချို့ဝိုင်ကတော့ ဒေါ်လာ ထောင်ချီပေးဝယ်ရပါတယ်။ ကိုယ် ပေးချေရတဲ့ ငွေပမာဏပေါ် မူတည်ပြီး ဝိုင်ရဲ့ ကွာလတီကလည်း အမျိုးမျိုး ပြောင်းသွားပါလိမ့်မယ်။
ကွီးတို့အနေနဲ့ ကမ္ဘာ့ အကောင်းစား ဝိုင် တွေကိုမှ မြည်းစမ်းကြည့်ချင်တယ်ဆိုရင်တော့ အခုဖော်ပြပေးမယ့် ဘရန်းအမျိုးအစာများကို ဝယ်ယူနိုင်ပါတယ်။
(၁) အီတလီနိုင်ငံထုတ် Vietti
Photo: Openingabottle
နံပါတ်တစ် ကမ္ဘာ့ နာမည်အကြီးဆုံး ဝိုင် အမျိုးအစားကတော့ အီတလီနိုင်ငံထုတ် Vietti ပဲဖြစ်ပါတယ်။ ဒီဝိုင်ကနေ ၁၉၁၉ ခုနှစ်ကတည်းက စတင် ထုတ်လုပ်ခဲ့တာဖြစ်ပြီး ယနေ့ထိတိုင် နာမည်ကြီး လူကြိုက်များနေဆဲပဲ ဖြစ်ပါတယ်။
(၂) သြစတြေးလျနိုင်ငံထုတ် Henschke
Photo: Decanter
သြစတြေးလျနိုင်ငံထုတ် Henschke ရဲ့ အများနှင့်မတူ တစ်မူထူးခြားတဲ့အချက်ကတော့ သူ့ရဲ့ စပျစ်များကို စိုက်ပျိုးမှု နည်းစနစ်ကြောင့်ပဲဖြစ်ပါတယ်။ ဒီဝိုင်ထုတ်လုပ်မှု သက်တမ်းသည် နှစ်ပေါင်း ၁၅၀ ကျော်ကြာနေပြီဖြစ်ပြီး ဒုတိယနာမည်အကြီးဆုံး စာရင်းထဲမှာ ပါဝင်ပါတယ်။
(၃) ပြင်သစ်နိုင်ငံထုတ် E. Guigal
Photo: Heb
ဝိုင်ထဲမှာ နာမည်အကြီးဆုံးဝိုင်ကတော့ ပြင်သစ်နိုင်ငံထုတ် ဝိုင်တွေပဲဖြစ်ပါတယ်။ E. Guigal ဝိုင်များသည် ရိုးရာနည်းဖြင့် ထုတ်လုပ်ထားတာဖြစ်ပြီး သူတို့သည် အနည်းဆုံး ၄၂ လခန့်ကြာအောင် သိုလှောင်ပြီးမှသာလျှင် ဈေးကွက်ထဲမှာ ဖြန့်ချီရောင်းချတာဖြစ်ပါတယ်။
(၄) ချီလီနိုင်ငံထုတ် Almaviva
Photo: Firstbottlewines
Almaviva ဝိုင်များကတော့ ၁၉၉၆ ခုနှစ်ကတည်း စတင်နာမည်ကြီးလာခဲ့တာဖြစ်ပါတယ်။ သူ့ရဲ့ အဓိကနာမည်အကြီးဆုံးကတော့ Premium Red Wine အမျိုးအစားပဲဖြစ်ပါတယ်။ သူသည် တောင်အမေရိကတွင် လူကြိုက်အများဆုံးနှင့် ရောင်းရအကောင်းဆုံး ဝိုင်အမျိုးအစားတစ်ခုဆိုလည်း မမှားပါဘူး။
(၅) ပြင်သစ်နိုင်ငံထုတ် Chateau Calon-Segur
Photo: Silverlakewine
ပြင်သစ်နိုင်ငံရှိ Bordeaux မြို့ကတော့ ဝိုင်မြို့တော်လို့ အခေါ်ခံရသည်အထိ နာမည်ကြီးတဲ့ မြို့တစ်မြို့ဖြစ်ပြီး ကောင်းပေ့ မိုက်ပေ့ဆိုတဲ့ Luxury ဝိုင်တွေကိုသာ ထုတ်လုပ်တာ ဖြစ်ပါတယ်။ Chateau Calon-Segur သည်လည်း ထိုမြို့ကနေ ထုတ်လုပ်ထားတာဖြစ်ပြီး ၁၈ ရာစုနှစ်ကတည်းက ဖြန့်ချီရောင်းချလျက်ရှိတဲ့ ဝိုင်အမျိုးအစားတစ်ခုပဲ ဖြစ်ပါတယ်။ ဒါပေမဲ့ သူတို့ရဲ့ စပျစ်ခင်းတွေကတော့ ၁၈ ရာစု မတိုင်ခင်ကတည်းက စတင်စိုက်ပျိုးနေခဲ့တာပဲဖြစ်ပါတယ်။
ကွီးတို့ရော ဝိုင်တွေထဲမှာဆို ဘယ်ဝိုင်ကို သောက်သုံးရတာ ကြိုက်နှစ်သက်ပါသလဲ။
Source: Worldwine
Featured Image: Freepik
