Cardio လေ့ကျင့်ခန်းဆိုတာကတော့ နှလုံးခုန်နှုန်းကို မြန်ဆန်လာအောင် ပြုလုပ်ပေးတဲ့ လေ့ကျင့်ခန်းတွေပဲ ဖြစ်ပါတယ်။ လူတစ်ယောက်သည် Cardio လေ့ကျင့်ခန်းများကို တစ်ပတ်လျှင် ၇၅ မိနစ်ခန့် ပြုလုပ်ပေးသင့်ပါတယ်။ ကြွက်သား များ ကျစ်လျစ် သန်မာချင်ပြီး အဆီပိုများ ကင်းဝေးချင်သူတိုင်း Cardio လေ့ကျင့်ခန်းများကို ပြုလုပ်ပေးသင့်ပါတယ်။ ၇၅ မိနစ်ခန့် မပြုလုပ်ပေးနိုင်ရင်တောင်မှ ၁၀ မိနစ်ခန့် ပြုလုပ်ပေးရုံမျှဖြင့် အကျိုးကျေးဇူးများကို ရရှိပိုင်ဆိုင်မှာပဲ ဖြစ်ပါတယ်။
Cardio လေ့ကျင့်ခန်း ပြုလုပ်ခြင်းအားဖြင့် ပိုင်ဆိုင်ရရှိမယ့် အကျိုးကျေးဇူးများကတော့ …
- သွေးပေါင်ချိန် မှန်ကန်အောင် ထိန်းညှိပေးခြင်း
- သွေးတွင်းသကြားဓာတ်ကို မှန်ကန်စေခြင်း
- အသက်ရှူနှုန်းကို မှန်ကန်စေပြီး ရင်ကြပ်ရောဂါကို သက်သာစေခြင်း
- ညဘက်မှာ နှစ်ခြိုက်စွာ အိပ်စက်စေခြင်း
- ကိုယ်အလေးချိန် ကျစ်လျစ်စေခြင်း
- ကိုယ်ခံစွမ်းအားကို မြှင့်တင်ပေးခြင်း
- စိတ်ခံစားချက်များကို ကောင်းမွန်စေခြင်း
- ဦးနှောက်စွမ်းဆောင်ရည်ကို မြှင့်တင်ပေးခြင်း
အစရှိတဲ့ အကျိုးကျေးဇူးများပဲ ဖြစ်ပါတယ်။
ကွီးတို့အနေနဲ့ ကြွက်သား များကို ကျစ်လျစ်စေချင်ပြီး အထက်ဖော်ပြပါ အကျိုးကျေးဇူးများကိုလည်း ပိုင်ဆိုင်ချင်တယ်ဆိုရင်တော့ အခုဖော်ပြပေးမယ့် Cardio လေ့ကျင့်ခန်းများကို ပြုလုပ်ပေးရမှာပဲ ဖြစ်ပါတယ်။
လေ့ကျင့်ခန်း ( ၁)
ပထမဦးဆုံး ပြုလုပ်ရမယ့် လေ့ကျင့်ခန်းကတော့ အားလုံးနဲ့ ရင်းနှီးပြီးသားဖြစ်တဲ့ အပြေး လေ့ကျင့်ခန်းပဲ ဖြစ်ပါတယ်။ လမ်းမထက်မှာပဲ အပြေး လေ့ကျင့်ခန်း ပြုလုပ်ရင်ပဲဖြစ်ဖြစ်၊ ပြေးစက်ပေါ်မှာ ပြေးရင်ပဲဖြစ်ဖြစ် မိမိကြိုက်နှစ်သက်ရာ ပုံစံနှင့် အပြေးလေ့ကျင့်ခန်းကို ပြုလုပ်နိုင်ပါတယ်။
လေ့ကျင့်ခန်း (၂)
ကြိုးခုန်ခြင်းသည်လည်း ခန္ဓာကိုယ်ရှိ အဆီပိုများကို ကင်းဝေးစေပြီး ကြွက်သားများ ကျစ်လျစ်သန်မာလာအောင် ကူညီပေးတဲ့ Cardio လေ့ကျင့်ခန်းတစ်ခုပဲဖြစ်ပါတယ်။ ဒီလေ့ကျင့်ခန်း ပြုလုပ်မယ့်သူများအနေနဲ့ တစ်မိနစ်လျှင် အကြိမ်ပေါင်း ၁၀၀ ကနေ ၁၂၀ အထိ ကြိုးခုန်ပေးရမှာပဲဖြစ်ပါတယ်။ ဒါဆိုရင်တော့ တစ်မိနစ်လျှင် ၁၃ ကယ်လိုရီခန့် လောင်ကျွမ်းသွားမှာပဲဖြစ်ပါတယ်။ ကွီးတို့အနေနဲ့ စစချင်းမှာ အဲ့ဒီလောက် အကြိမ်ရေများများ မခုန်နိုင်လည်း ကိစ္စမရှိပါဘူး။ တဖြည်းဖြည်းနဲ့ ကျွမ်းကျင်မြန်ဆန် သွားပါလိမ့်မယ်။
လေ့ကျင့်ခန်း (၃)
ဒီလေ့ကျင့်ခန်းရဲ့ နာမည်ကတော့ Burpees လေ့ကျင့်ခန်းပဲ ဖြစ်ပါတယ်။ ဒီလေ့ကျင့်ခန်း ပြုလုပ်မယ့် ကွီးများကတော့ တစ်မိနစ်လျှင် အကြိမ်ရေ ၁၀ ကြိမ်ခန့် ပြီးမြောက်အောင် မြန်မြန်ဆန်ဆန် ပြုလုပ်ပေးဖို့ လိုအပ်ပါတယ်။ ထိုကဲ့သို့ ပြုလုပ်ပေးခြင်းအားဖြင့် တစ်မိနစ်လျှင် ၁၄.၃ ကယ်လိုရီခန့် လောင်ကျွမ်းသွားမှာပဲ ဖြစ်ပါတယ်။
လေ့ကျင့်ခန်း (၄)
Mountain Climber လေ့ကျင့်ခန်းကတော့ ကွီးတို့ရဲ့ ပုခုံးကြွက်သားများ၊ လက်မောင်းကြွက်သားများနှင့် ဝမ်းဗိုက်ကြွက်သားများကိုပါ တစ်ပြိုင်နက်တည်းမှာပဲ သန်မာလာအောင် ကူညီပေးမှာပဲဖြစ်ပါတယ်။ တစ်ချိန်တည်းမှာပဲ ကြွက်သား (၃) မျိုးကို သန်မာလာစေမယ့် 3 In 1 လေ့ကျင့်ခန်းပဲ ဖြစ်ပါတယ်။
လေ့ကျင့်ခန်း (၅)
ဒီလေ့ကျင့်ခန်းရဲ့ နာမည်ကတော့ Jump Squats လို့ ခေါ်ပါတယ်။ Squat ထိုင်ပြီးနောက် ခုန်ရမယ့် လေ့ကျင့်ခန်းပဲဖြစ်ပါတယ်။ ခပ်မြန်မြန်လေး ပြုလုပ်ပေးမယ်ဆိုရင်တော့ ခန္ဓာကိုယ် အဆီပိုများကို ပိုမိုလောင်ကျွမ်းသွားအောင် ကူညီပေးနိုင်ပါတယ်။
လေ့ကျင့်ခန်း (၆)
ဒီလေ့ကျင့်ခန်းကတော့ Jumping Jacks လေ့ကျင့်ခန်းပဲ ဖြစ်ပါတယ်။ ခန္ဓာကိုယ် တစ်ခုလုံးမှာ သွေးလှည့်ပတ်မှုကောင်းအောင် ကူညီပေးမယ့် လေ့ကျင့်ခန်းပဲဖြစ်ပါတယ်။ အမျိုးသားများအတွက် အထူးသင့်တော်တဲ့ Cardio လေ့ကျင့်ခန်းများထဲက တစ်ခုအပါအဝင်ပါပဲ။
Source: Blog.decathlon
Featured Image: Freepik
