Gym မှာ အလေးတွေနဲ့ ကစားတာ ဒါမှမဟုတ် ဘော်ဒီဝိတ် လေ့ကျင့်ခန်းတွေ လုပ်ပြီးချိန်မှာ ကြွက်သား တွေ မြန်မြန် Recovery ဖြစ်ဖို့ နည်းလမ်းကောင်းတစ်ခု ရှိပါတယ်။ ဒီနည်းလမ်းကို မပြောခင် အရင်ဆုံး ကြွက်သားတွေရဲ့ လုပ်ဆောင်မှု အခန်းကဏ္ဍကို ပြောပြပေးပါမယ်။ အလေးတွေ ၊ စက်တွေနဲ့ Workouts တွေလုပ်တယ် ၊ လေ့ကျင့်ခန်းတွေလုပ်တဲ့အခါမှာ ကြွက်သားတွေဟာ ပြိုကွဲပြီး ပျက်စီးသွားတာပါ။ ပြီးမှ ပြန်လည်တည်ဆောက်တဲ့ လုပ်ငန်းစဉ်ကို လုပ်ပါတယ်။ ဒီနေရာမှာ ကြွက်သားတွေ Recovery မြန်မြန်ဆန်ဆန် ပြန်ဖြစ်မှသာ ကြွက်သားတွေရဲ့ ဖွံ့ဖြိုးကြီးထွားမှုနဲ့ ရလဒ်ကောင်းကို အချိန်ကာလအပိုင်းအခြားတစ်ခုအတွင်း သေချာစွာ မြင်တွေ့နိုင်မှာ ဖြစ်ပါတယ်။ ဒီတစ်ခေါက်မှာတော့ ကြွက်သားတွေ လျင်လျင်မြန်မြန် Recovery ဖြစ်စေဖို့ Foam Roller နဲ့ ကစားနိုင်မယ့် နည်းလမ်းလေးတွေကို ပြောပြပေးချင်ပါတယ်။
(၁) ခြေဖဝါး
Photo : Men’s Fitness
ခြေဖဝါး ကြွက်သား တွေကို ပြေလျော့သက်သာစေဖို့ Foam Roller ကို နင်းထားပြီး လှိမ့်ပေးလို့ရပါတယ်။ ခြေဖဝါးအတွက်က Foam Roller မရှိရင်တောင် တင်းနစ် ဘောလုံး သို့မဟုတ် ဂေါက်သီး ဘောလုံးတွေကို အသုံးပြုပြီး ကြွက်သားတွေပြေလျော့ သက်သာအောင် ကစားလို့ ရပါတယ်။
(၂) ညို့သကျည်း
Photo : Men’s Fitness
အောက်ပိုင်း ကြွက်သား အစိတ်အပိုင်းတွေ ထဲကတစ်ခုဖြစ်တဲ့ ညို့သကျည်း ဧရိယာတဝိုက်ကိုလည်း Foam Roller သုံးပြီး အကြောလျော့ပေးလို့ ရပါတယ်။ ညို့သကျည်း နေရာကို အကြောလျော့မယ်ဆိုရင်တော့ လေးချောင်းထောက် အနေအထားနဲ့ ပုံစံယူပြီး ညို့သကျည်း အောက်မှာ Foam Roller ကို ဖိထားကာ ရှေ့တိုးနောက်ဆုတ် လှိမ့်ပေးပါ။
(၃) ခြေသလုံး
Photo : Men’s Fitness
ခြေသလုံး ကြွက်သား တွေ တင်းမာမှုကို ပြေလျော့ချင်တယ်ဆိုရင်တော့ Foam Roller ကို ခြေသလုံးအောက်မှာ ဖိထားပြီး ခန္ဓာကိုယ်ကို ရှေ့တိုးနောက်ဆုတ် လုပ်ပေးနိုင်ပါတယ်။ လက်ကို နောက်မှာထောက်ထားပြီး တင်ကို ကြွကာ ခန္ဓာကိုယ်ကို ရှေ့တိုးနောက်ဆုတ် လုပ်ပါ။
(၄) ပေါင်အနောက်ကြွက်သား
Photo : Men’s Fitness
ခြေသလုံးနည်းနဲ့ အတူတူပါပဲ။ ပေါင်အောက်မှာ Foam Roller ကို ဖိထားပြီး လက်ကို နောက်မှာထောက်ကာ ခန္ဓာကိုယ်ကို ရှေ့တိုးနောက်ဆုတ် လုပ်ပေးရပါမယ်။
(၅) ကျော
Photo : Men’s Fitness
နောက်ကျော ကြွက်သား တွေအတွက် Foam Roller ကို ကျောအောက်မှာ ဖိထားပြီး ခန္ဓာကိုယ်ကို ဖြည်းဖြည်းချင်း လှိမ့်ပေးရပါမယ်။ ဒူးနှစ်ဖက်ကို ထောင်ထားပြီး လက်ကို ရင်ဘတ်ရှေ့မှာ ယှက်ထားပါ။
(၆) ခါးဘေးလိုင်း
Photo : Men’s Fitness
ခါးဘေးလိုင်း ကြွက်သားတွေ ပြေလျော့စေဖို့အတွက် ခန္ဓာကိုယ်ကို ဘေးတစောင်းအနေအထားနဲ့ ပုံစံယူပြီး Foam Roller ကို ဖိထားရပါမယ်။ လက်တစ်ဖက်ကို ဦးခေါင်းနောက်မှာ တင်ထားပါ။ ထို့နောက် ဖြည်းဖြည်းချင်း လှိမ့်ပေးရပါမယ်။
အခုပြောပြတဲ့ Foam Roller Moves လေးတွေကို လေ့ကျင့်ခန်း လုပ်ပြီးချိန်တိုင်းမှာ လုပ်ဆောင်ပေးမယ်ဆိုရင် ကြွက်သား တွေ လျင်လျင်မြန်မြန် Recovery ဖြစ်ပြီး ဒဏ်ရာရတာ ၊ ကြွက်သားနာကျင်ကိုက်ခဲတာတွေလည်း လျော့ပါးသက်သာစေမှာပါ။
Source : Men’s Fitness
Featured Photo : BarBend
