အကောင်းစား စမတ်နာရီလေးတွေ ဝယ်ဝတ်ချင်တဲ့ ကွီး တို့အတွက် ဒီတစ်ခါမှာတော့ အမိုက်စားစွမ်းဆောင်ရည်တွေနဲ့ ပြည့်နှက်နေတဲ့ စမတ်နာရီ များကို စုစည်းဖော်ပြပေးလိုက်ရပါတယ်။
ကွီး တို့အတွက် ဈေးကွက်ထဲမှာ ထွက်ရှိနေတဲ့ အကောင်းစား စမတ်နာရီ ဘရန်းတွေကလည်း အများအပြားရှိတဲ့အတွက်ကြောင့် မိမိစိတ်ကြိုက်ရွေးချယ်နိုင်အောင်လို့ အခုပဲ လေ့လာကြည့်လိုက်ရအောင်။
Samsung Galaxy Watch 4 Classic
Samsung ဆိုတာကတော့ စမတ်ဖုန်းနှင့် လျှပ်စစ်ပစ္စည်းလောကမှာ နာမည်ကြီးဘရန်းတစ်ခုပဲ ဖြစ်ပါတယ်။ ဒီစမတ်နာရီကတော့ Features မျိုးစုံပါဝင်ပြီး ဈေးနှုန်းအားဖြင့် ၃၇၉ ဒေါ်လာ ပေးဝယ်ရမှာ ဖြစ်ပါတယ်။
Apple Watch Series 7
Bezel လေးတွေက သေးသေးလေးပဲ ဖြစ်သွားတဲ့အတွက်ကြောင့် Apple Watch User တွေကတော့ သဘောကျနေကြပါတယ်။ ဒါ့အပြင် Fast Charging လည်း ပါဝင်ပြီး စွမ်းဆောင်ရည်အမိုက်စားကိုလည်း ပေးစွမ်းနိုင်ပါတယ်။ ဈေးနှုန်းကတော့ ဒေါ်လာ ၄၀၀ ဝန်းကျင်ပါ။
Samsung Galaxy Watch 4
Galaxy Watch 4 Classic ရဲ့ ဒီဇိုင်းကို မကြိုက်သူတွေကတော့ ဒီမော်ဒယ်အမျိုးအစားကို ရွေးချယ်နိုင်ပါတယ်။ ဈေးနှုန်းကလည်း Galaxy Watch 4 Classic ထက် ပိုဈေးသက်သာပြီး ဒီဇိုင်းလည်း ပိုမိုက်ပါတယ်။ ဈေးနှုန်းကတော့ ဒေါ်လာ ၁၉၀ ဝန်းကျင်ပါ။
Fitbit Sense
ဒီဘရန်းသည်လည်း ကွီး တို့ရဲ့ စမတ်နာရီ ဈေးကွက်ထဲမှာ နာမည်ကြီးနေတဲ့ ဘရန်းတစ်ခုဖြစ်ပါတယ်။ သူ့တန်ဖိုးကတော့ ဒေါ်လာ ၂၀၀ ဝန်းကျင်ဖြစ်ပါတယ်။ အားကစားလိုက်စားသူများ၊ မိမိကျန်းမာရေးကို အမြဲဆိုသလို စောင့်ကြည့်ချင်သူများအတွက် သင့်တော်ပါတယ်။
Amazfit GTR 3 Pro
သူ့ရဲ့ဒီဇိုင်းကတော့ ကျစ်ကျစ်လျစ်လျစ်လေးနဲ့ Luxury ဆန်တဲ့ဘက်ကို သွားပါတယ်။ ဈေးနှုန်းကလည်း ဒေါ်လာ ၃၀၀ ပေးဝယ်ရမှာ ဖြစ်ပါတယ်။ သူ့ရဲ့အားသာချက်ကတော့ Voice Assistant လည်း ထည့်သွင်းနိုင်တာကြောင့် ကွီးတို့အားလုံး အကြိုက်တွေ့ကြမှာပါ။
Mobvoi TicWatch Pro 3 Ultra
ဘက္ထရီ အကြာကြီး အသုံးခံတဲ့ စမတ်နာရီမျိုးကို ရှာဝယ်ချင်တယ်ဆိုရင်တော့ ဒီအမျိုးအစားကို ဝယ်ယူနိုင်ပါတယ်။ သူ့ရဲ့တန်ဖိုးကတော့ ဒေါ်လာ ၃၀၀ ပေးဝယ်ရမှာပါ။
Huawei Watch 3
အကြမ်းခံတဲ့ ဒီဇိုင်းမျိုးကို ကြိုက်နှစ်သက်သူများကတော့ Huawei Watch 3 ကို ရွေးချယ်ဝယ်ယူသင့်ပါတယ်။ ကျန်းမာရေး လိုက်စားသူများအတွက်သာမက စမတ်နာရီတစ်ခုတည်းမှာပဲ Feature စုံအောင် အသုံးပြုချင်သူများအတွက် သင့်တော်ပါတယ်။
Garmin Venu 2 Plus
ဒီနာရီလေးကတော့ ဒေါ်လာ ၄၄၀ ဝန်းကျင် ပေးဝယ်ရမှာဖြစ်ပါတယ်။ ဖုန်းပြောလို့လည်းရပြီး GPS Performance ကလည်း အမိုက်စားပဲဆိုတော့ ကွီးတို့အားလုံး သဘောကျကြမှာပါ။
Huawei Watch GT 3 Pro
ရိုးရိုးနာရီဒီဇိုင်းပုံ ထွင်ထားတဲ့ စမတ်နာရီတစ်လုံးပဲဖြစ်ပါတယ်။ လှပခန့်ညားတဲ့ ဒီဇိုင်းမျိုး ပိုင်ဆိုင်ထားပြီး ဘက္ထရီကလည်း အကြာကြီးခံတာကြောင့် မကြာခဏ အားသွင်းစရာမလိုတာကတော့ သူ့ရဲ့အားသာချက်ပါပဲ။
Source: Techadvisor
Featured Image: Realmenrealstyle
