ယနေ့ခေတ် နည်းပညာ တိုးတက်လာမှုနဲ့အတူ ဂိမ်းဝါသနာရှင် ကွီးတို့အတွက် အမိုက်စားဂိမ်းတွေကလည်း အများအပြားပါပဲ။ ကွီးတို့က iPhone သို့မဟုတ် Android နှစ်မျိုးလုံးမှာ ကစားနိုင်တဲ့ လုံးဝကို မိုက်တဲ့ မိုဘိုင်းလ်ဂိမ်းတွေ ရှာနေရင်တော့ ဒီဆောင်းပါးလေးမှာ ဖော်ပြသွားမှာ ဖြစ်ပါတယ်။ ကွီးတို့ ချက်ချင်း ဒေါင်းပြီး ကစားချင်လောက် အမိုက်စားဂိမ်းတွေ ပါမလားဆိုတာတော့ ဆက်ကြည့်လိုက်ရအောင်ဗျာ။
AFK Arena
Source : AFK Arena
ကွီးတို့အတွက် ပထမဆုံးဖော်ပြပေးချင်တဲ့ ဂိမ်းကတော့ AFK Arena ပဲ ဖြစ်ပါတယ်။ ဒီဂိမ်းက နယ်မြေကိုကယ်တင်ရန်အတွက် သူရဲကောင်းများကိုစုဆောင်းပြီး တပ်ဖွဲ့များကို အားကောင်းစေကာ ကစားရမယ့် RPG ဂိမ်းတစ်ခု ဖြစ်ပါတယ်။ ဒါ့အပြင် အခြားသော ကစားသမားများကို တိုက်ခိုက်ရမှာ ဖြစ်ပါတယ်။ Graphics အမိုက်စားတွေနဲ့ ဒီဂိမ်းက ကွီးတို့ကို အကြိုက်တွေ့စေမှာပါ။
Brawl Stars
Source : Braw Stars
ဒီဂိမ်းကလည်း တိုက်ခိုက်ရေးဂိမ်းတစ်ခု ဖြစ်ပြီး မတူညီသော ဇာတ်ကောင်များကို လော့ခ်ဖွင့်ပြီး အဆင့်မြှင့်တင်ရမှာ ဖြစ်ပါတယ်။ ဆက်လက်ပြီးတော့ စူးစမ်းမှုများ ပြီးမြောက်ရန်၊ ပစ္စည်းများ စုဆောင်းခြင်းနှင့် စွမ်းအားမြှင့်ခြင်း၊ ထူးခြားသော Skin များကို ရယူပြီး တည်နေရာအသစ်များကို ရှာဖွေခြင်း စတဲ့ လုပ်ဆောင်ချက်တွေကိုလည်း ကစားသမားက လုပ်ဆောင်ရမှာ ဖြစ်ပါတယ်။
Plants vs. Zombies 2: It’s About Time
Source : Plants vs. Zombies 2
ဒီဂိမ်းကတော့ အထူးတလည် မိတ်ဆက်ပေးစရာလိုမယ်တော့ မထင်ပါဘူး။ ကွီးတို့အားလုံး PC နဲ့ ကစားဖူးကြမှာပါ။ အခုထွက်ရှိထားတဲ့ Plants vs. Zombies 2: It’s About Time ကို ဖုန်းနဲ့ ကစားနိုင်မှာ ဖြစ်ပါတယ်။ ဒီဂိမ်းမှာ ဘယ်လို စိတ်လှုပ်ရှားဖွယ် အဆင့်တွေ ပါဝင်လာမလဲ၊ အရင်တုန်းကလို ကစားရတဲ့ Feeling မျိုး ပေးစွမ်းနိုင်မလား၊ ဖုန်းနဲ့ရော ကစားရတာ အဆင်ပြေလားဆိုတာ သိရအောင် တစ်ခေါက်လောက်တော့ Try ကြည့်ချင်စရာ ဂိမ်းလေးပါပဲ။
Empires & Puzzles: Epic Match 3
Source : Small Giant Games
ဒီဂိမ်းကတော့ RPG တိုက်ခိုက်ရေး၊ ကတ်စုဆောင်းမှု၊ အခြေစိုက်စခန်းတည်ဆောက်မှုတို့ ပါဝင်ပြီး ရိုးရှင်းသော်လည်း နက်နဲသော နည်းဗျူဟာ ဂိမ်းအတွေ့အကြုံကို ဖန်တီထားပါတယ်။ သူရဲကောင်းများကို အဆင့်မြှင့်ခြင်း၊ ဂိမ်းမှာ လက်နက်များဖန်တီးခြင်း စသည်တို့အပြင် စားသမားများအနေဖြင့် အွန်လိုင်းစီးနင်းတိုက်ခိုက်မှုများတွငလည်း ပါဝင်နိုင်ပါတယ်။ ဒီဂိမ်းကိုလည်း Andorid နဲ့ iOS နှစ်မျိုးစလုံးမှာ ကစားနိုင်ပါတယ်။
Royal Match
Photo : Mobile Games
ဒီဂိမ်းလေးကို လက်ရှိကစားနေတဲ့ ကွီးတို့ရှိပါသလား။ အရောင်များကို တူညီအောင် Match ပြုလုပ်ရတဲ့ ဂိမ်းဖြစ်ပြီး တစ်ဆင့်ချင်း ဖြေရှင်းကာ King Robert ရဲ့ ရဲတိုက်ကို ပြီးပြည့်စုံအောင် အလှဆင်ပေးရမှာ ဖြစ်ပါတယ်။ တစ်ဆင့်နဲ့ တစ်ဆင့်ခက်ခဲတဲ့ အပိုင်းလေးတွေလည်း ရှိနိုင်ပါတယ်။ စိတ်ဝင်စားဖွယ်ကစားရမယ့် ဂိမ်းလေးဖြစ်ပြီး Online ရော၊ Offline ပါကစားလို့ရပါတယ်။
ကွီးတို့ရေ ဒီဂိမ်းတွေထဲက ချက်ချင်း ဒေါင်းလုဒ်လုပ်ပြီး ကစားချင်လောက်အောင် ဆွဲဆောင်နေတဲ့ ဂိမ်းရှိပါသလား။ ကွီးတို့ လက်ရှိကစားနေတဲ့ အမိုက်စားဂိမ်းလေးတွေ ရှိရင်လည်း ဝေမျှပေးခဲ့ပါဦးဗျာ။
Source : PC Mag
Featured Photo : AFK
