ကွီးတို့ရဲ့ ကျန်းမာရေးကို မြင့်တင်ဖို့ ၊ အဆီပိုတွေ လောင်ကျွမ်းဖို့ အချိန်ကုန် ငွေကုန်ခံပြီး Gym သွားဖို့ မလိုသလို လမ်းပေါ်တက်ပြီး ပြေးစရာလည်း မလိုပါဘူး။ ကွီးတို့ အိမ်မှာပဲ မိနစ် ၃၀ လောက် အချိန်ပေးပြီး ကစားလို့ရမယ့် ထိထိရောက်ရောက် Cardio လေ့ကျင့်ခန်းတွေ ရှိပါတယ်။ ကျန်းမာဖျက်လက်ပြီး အဆီပိုကင်းတဲ့ ခန္ဓာကိုယ်ကို ပိုင်ဆိုင်ချင်တယ်ဆိုရင် အခုပြောပြမယ့် လေ့ကျင့်ခန်း တွေ ကွီးတို့ အိမ်မှာ လိုက်လုပ်ကြည့်ပါ။
(၁) Swinging High Kicks
Source : PT in the D
လွယ်ကူရိုးရှင်းတဲ့ ခြေမြှောက် လေ့ကျင့်ခန်း နဲ့ စလိုက်ရအောင်ပါ။ Swinging High Kicks လေ့ကျင့်ခန်းက ကွီးတို့ရဲ့ ခန္ဓာကိုယ် အောက်ပိုင်းအဆီပိုတွေကို လောင်ကျွမ်းစေပြီး ဝမ်းဗိုက် ၊ ပေါင်နဲ့ ခြေသလုံးမှာ ရှိတဲ့ ကြွက်သားတွေကို ကျစ်လစ်သန်မာစေဖို့ ကူညီပေးပါတယ်။ ခြေထောက်တွေကို ဘယ်/ညာ တစ်လှည့်စီ ပြောင်းလဲကစားပါ။ တစ်ဖက်ကို ၁၅ ကြိမ် ၃ ကျော့စီ ကစားပေးရပါမယ်။
(၂) High Knees
Source : DAREBEE
High Knees လေ့ကျင့်ခန်းက ကွီးတို့ရဲ့ ဒူးတွေကို မြှင့်လိုက်နှိမ့်လိုက် ကစားရမှာ ဖြစ်ပါတယ်။ ခန္ဓာကိုယ်တစ်ခုလုံးကို လှုပ်လှုပ်ရှားရှား ခုန်ပေါက်ကစားရတဲ့အတွက် ကယ်လိုရီလောင်ကျွမ်းမှုကတော့ အတော်လေး များစေပါတယ်။ ဒီလေ့ကျင့်ခန်းကလည်း ခန္ဓာကိုယ် အောက်ပိုင်း ကြွက်သားတွေနဲ့ ဝမ်းဗိုက်ကို သန်မာစေပါတယ်။ ၁၅ ကြိမ် ၃ ကျော့ ကစားပေးပါ။
(၃) Mountain Climbers
Source : Group HIIT
ကွီးတို့ရဲ့ ဝမ်းဗိုက်ကြွက်သားတွေအတွက် ဘယ်တော့မှ မေ့ထားလို့ မရတဲ့ အထိရောက်ဆုံး လေ့ကျင့်ခန်းပါ။ Mountain Climbers လေ့ကျင့်ခန်းဟာ ဘာအားကစားပစ္စည်းမှ မလိုအပ်ပဲ ကိရိယာလွတ် ကစားရတဲ့ လေ့ကျင့်ခန်းတစ်ခု ဖြစ်ပြီး အိမ်မှာ လွယ်လွယ်ကူကူ လူတိုင်း လိုက်လုပ်လို့ အဆင်ပြေပါတယ်။ ၁၅ ကြိမ် ၃ ကျော့ ကစားပေးပါ။
(၄) Jumping Lunges
Source : Onnit Academy
Lunges ကစားနည်းကိုမှ ခြေထောက်တစ်ဖက်နဲ့တစ်ဖက် အရွေ့အပြောင်းမှာ ခန္ဓာကိုယ်ကို ခုန်ပြီး ကစားရမှာ ဖြစ်ပါတယ်။ Jumping Lunges လေ့ကျင့်ခန်းက တင်ပါးဆုံ ၊ ပေါင်အနောက်ဘက် ကြွက်သား ၊ တံကောက်ကြောနဲ့ ခန္ဓာကိုယ် အောက်ပိုင်းကြွက်သား အစိတ်အပိုင်း အားလုံးနီးပါးအပေါ် သက်ရောက်မှုရှိတဲ့ လေ့ကျင့်ခန်း ဖြစ်ပါတယ်။ ၁၅ ကြိမ် ၃ ကျော့ ကစားပေးပါ။
Source : 30 Day Fitness
Featured Photo : Steel Supplements
