နှလုံး အားကောင်းဖို့ရန်အတွက် လေ့ကျင့်ခန်း များ ပြုလုပ်ပေးခြင်းသည် သင့်ကို အသက်ရှည်ရှည်နှင့် ကျန်းကျန်းမာမာနေထိုင်နိုင်အောင် ကူညီပေးပါတယ်။ ကိုယ်လက်လှုပ်ရှားမှုနည်းပြီး လေ့ကျင့်ခန်း မလုပ်တဲ့သူများသည် အသက်အရွယ် ကြီးရင့်လာတဲ့အခါ သွေးတိုးရောဂါ ၊ ဆီးချိုရောဂါနှင့် နှလုံးရောဂါတို့ကို ခံစားလာရတတ်ပါတယ်။
ကျွမ်းကျင်ပညာရှင်များကို နှလုံး ကျန်းမာရေးအတွက် တစ်ပတ်လျှင် ၁၅၀ မိနစ် ခန့် လေ့ကျင့်ခန်း ပြုလုပ်ဖို့ တိုက်တွန်းထားပါတယ်။ ဒါဆိုရင်တော့ သင့်အနေနဲ့ တစ်ရက်လျှင် မိနစ် ၂၀၊ ၃၀ ခန့် လေ့ကျင့်ခန်းပြုလုပ်ပေးဖို့ပဲ လိုအပ်တာမဟုတ်လား။
လေ့ကျင့်ခန်းတွေအများအပြားရှိတဲ့အနက်မှ နှလုံး ကျန်းမာရေးအတွက် ဘယ် လေ့ကျင့်ခန်း များကို ဦးစားပေးကာ ရွေးချယ်ပြုလုပ်သင့်သလဲ။
လမ်းလျှောက်ခြင်း
လမ်းလျှောက်တာများ လွယ်လွယ်လေးလို့ သင် ထင်ကောင်းထင်ပါလိမ့်မယ်။ သို့သော် လေ့ကျင့်ခန်းတစ်ခုအနေနဲ့ စိတ်ထဲသတ်မှတ်ကာ လမ်းလျှောက်မယ်ဆိုရင် မလုပ်ဖြစ်တော့တာများပါတယ်။ အချို့ကလည်း အလုပ်များလို့ဆိုပြီး ဆင်ခြေပေးကာ လမ်းလျှောက်ခြင်း လေ့ကျင့်ခန်းကို မလုပ်ကြတော့ပါဘူး။
သို့သော် တစ်ရက်လျှင် မိနစ် ၂၀ ပဲ ပုံမှန် လမ်းလျှောက်ပေးလိုက်ပါ။ ကျန်းမာရေး အကျိုးကျေးဇူးကို သိသိသာသာခံစားရမှာဖြစ်ပါတယ်။
နှလုံး အားကောင်းစေမယ့် အလေးမ လေ့ကျင့်ခန်း များ
သင့်ခန္ဓာကိုယ်ကြွက်သားများကိုသာ သန်မာလာအောင်ပြုလုပ်ခြင်းသည် သင့်နှလုံးကျန်းမာရေးအတွက် အထူးကောင်းမွန်ပါတယ်။ အလေးတုံးများ အသုံးပြုကာ လေ့ကျင့်ခန်း ပြုလုပ်ခြင်းသည် ကြွက်သားများကို ကျစ်လျစ်သန်မာစေပြီး အဆိပိုများကိုလည်း လောင်ကျွမ်းစေပါတယ်။
ရေကူးခြင်း
ရေကူးလေ့ကျင့်ခန်းပြုလုပ်ခြင်းသည် ခန္ဓာကိုယ်တစ်ခုလုံးရှိ ကြွက်သားများကို ကျစ်လျစ်သန်မာစေပြီး အရိုးကျန်းမာရေးအတွက်လည်း အထူးကောင်းမွန်ပါတယ်။ ဒါတင်မကသေးပါဘူး။ သင့်နှလုံးကျန်းမာရေးအတွက်လည်း ကောင်းမွန်စေတဲ့ လေ့ကျင့်ခန်းတစ်ခုပဲ ဖြစ်ပါတယ်။
ယောဂကစားခြင်း
ယောဂကစားခြင်းသည် နှလုံးကျန်းမာရေးအတွက် ဘာမှအကျိုးမရှိစေဘူးလို့ ထင်ရပေမယ့် ယောဂကစားခြင်းကြောင့် နှလုံးခုန်နှုန်းကို မှန်ကန်စေပြီး သွေးပေါင်ချိန်ကိုလည်း ထိန်းညှိပေးတာကြောင့် ယောဂလေ့ကျင့်ခန်းကို အထင်မသေးလိုက်ပါနဲ့။
Interval Training
Interval Training ဆိုတာကတော့ High-Intensity လေ့ကျင့်ခန်းများကို နားရက်များများဖြင့် ပြုလုပ်တဲ့ လေ့ကျင့်ခန်းများကို ဆိုလိုတာဖြစ်ပါတယ်။ ဥပမာ သင်သည် ပြေးခြင်းကို တစ်မိနစ်၊ လမ်းလျှောက်ခြင်းကို သုံးမိနစ်နှင့် စက်ဘီးစီးခြင်းကို ၅ မိနစ်ခန့် ဆက်တိုက်ပြုလုပ်ပေးလိုက်ပါ။ ကြားထဲမှာ လုံးဝ မနားရပါဘူး။ ဒီလိုမျိုး ပြုလုပ်ပေးခြင်းသည် သင့်ခန္ဓာကိုယ်ရှိ အဆီပိုများကို မြန်မြန်လောင်ကျွမ်းစေပြီး သွေးကြောများရဲ့ လုပ်ငန်းဆောင်တာကို အားကောင်းလာစေပါတယ်။
စက်ဘီးစီးခြင်း
စက်ဘီးစီးခြင်းသည် သယ်ယူပို့ဆောင်ရေးပစ္စည်းတစ်ခုဆိုတာထက် အများကြီးအဓိပ္ပာယ်ပိုရှိပါတယ်။ စက်ဘီးနင်းရတဲ့အခါ ခြေသလုံး ကြွက်သားများကို အသုံးပြုရတာဖြစ်ပါတယ်။ ထိုမှတဆင့် နှလုံးခုန်နှုန်းကို မြှင့်တင်ပေးတာဖြစ်ပြီး နှလုံရောဂါ ဖြစ်ပွားနိုင်ချေကို လျော့ချပေးတာဖြစ်ပါတယ်။ ဒါတင်မကသေးပါဘူး။ စက်ဘီးစီးခြင်းသည် သင့်ရဲ့ စိတ်ကျန်းမာရေးကိုလည်း မြှင့်တင်ပေးနိုင်ပါသေးတယ်။
Source: Intermountainhealthcare
Featured Image: Istockphoto
