လေ့ကျင့်ခန်း ပုံမှန်လုပ်ခြင်းက လူတစ်ယောက်အတွက် မရှိမဖြစ်လိုအပ်ပြီး ရုပ်ပိုင်းဆိုင်ရာ ၊ စိတ်ပိုင်းဆိုင်ရာ ကျန်းမာရေးအတွက်များစွာ အလောက်အကူပြုတယ်ဆိုတာ ကွီးတို့သိပြီးသား ဖြစ်မှာပါ။ ဒီတစ်ခါမှာတော့ ကွီးတို့အတွက် ပုံမှန် Plank လေ့ကျင့်ခန်းကို ပုံမှန်လုပ်ရင် ရရှိနိုင်တဲ့ အကျိုးကျေးဇူးတွေကို ဖော်ပြပေးချင်ပါတယ်။ Plank လေ့ကျင့်ခန်းက ကွီးတို့ရဲ့ ခန္ဓာကိုယ်တစ်ခုလုံးကို အာရုံစိုက်ပြီး ကြံ့ခိုင်မှုနှင့် တည်ငြိမ်မှုကို တည်ဆောက်ရန် ကူညီပေးတဲ့ ရိုးရှင်းပြီး ထိရောက်သော လေ့ကျင့်ခန်းတစ်ခု ဖြစ်ပါတယ်။ ဒီလေ့ကျင့်ခန်းက ခန္ဓာကိုယ် ပျော့ပြောင်းမှုကိုလည်း မြှင့်တင်ပေးနိုင်ပါတယ်။
Photo : Men’s Health
Plank လေ့ကျင့်ခန်းကို အမျိုးမျိုးသောနည်းလမ်းများဖြင့် ပြုလုပ်နိုင်သော်လည်း ၎င်းရဲ့ အဓိကလုပ်ငန်းစဉ်မှာ ခန္ဓာကိုယ်ကို မြေပြင်နှင့် ထောင့်မှန်ကျနေစေရန်၊ ဗိုက်ကို မြေပြင်ဆီသို့ မျက်နှာမူကာ ရင်ဘတ်ကို အဓိကအားဖြင့် တံတောင်ဆစ် သို့မဟုတ် လက်ဖြင့် ထောက်ထားရန် ဖြစ်ပါတယ်။ နေ့တိုင်းပုံမှန် အချိန်အနည်းငယ်ပေးပြီး ပုံမှန် Plank ထောက်ရုံနဲ့ အခု ဆက်လက်ပြီး ဖော်ပြပေးမဲ့ အကျိုးကျေးဇူးတွေကို ရရှိမှာနိုင်မှာ ဖြစ်ပါတယ်။
ဝမ်းဗိုက်အဆီကို ကျစေတယ်
Photo : Muscle and Fitness
ကွီးတို့ရေ ဝိတ်ချတဲ့နေရာမှာ ခန္ဓာကိုယ်တစ်ခုလုံးက အစိတ်အပိုင်းများထက် ဝမ်းဗိုက်အဆီကျဖို့က အခက်ခဲဆုံး အပိုင်းဖြစ်တယ်လို့ ဆိုကြပါတယ်။ ဒီအခက်အခဲကို Plank လေ့ကျင့်ခန်းက ဖြေရှင်းပေးနိုင်ပါတယ်။ Plank က ကွီးတို့ရဲ့ ဝမ်းဗိုက်ကြွက်သားအုပ်စုလေးခုကို စုစည်းနိုင်ပြီး ၎င်းက ဇီဝဖြစ်ပျက်မှုကိုလည်း မြှင့်တင်ပေးနိုင်ပါတယ်။ Plank အနေအထားမှာ ကြာကြာလုပ်လျှင် အူမကြီးကို ပိုမိုကောင်းမွန်စေသည်သာမက ပျော့ပြောင်းမှုကို ပံ့ပိုးပေးပြီး ကွီးတို့ကို ပိုမိုကျစ်လစ်တဲ့ ဝမ်းဗိုက်ကြွက်သားရအောင် ထောက်ပံ့ပေးနိုင်ပါလိမ့်မယ်။
ကိုယ်နေဟန်ထားကို ကောင်းမွန်စေပါတယ်
Photo : Muscle and Fitness
Plank လေ့ကျင့်ခန်းက ကွီးတို့ ခန္ဓာကိုယ်ကို ချိန်ညှိခြင်းနှင့် မြေပြင်ဘက်သို့ ထောင့်မှန်ပုံစံဖြစ်အောင် ပြုလုပ်ခြင်းတို့ ဖြစ်ပါတယ်။ ထိုသို့ ပြုလုပ်ခြင်းက ကွီးတို့ရဲ့ နောက်ကျော ၊ ရင်ဘတ် ၊ ပခုံး ၊ ဗိုက်သားနှင့် လည်ပင်းတို့ကို မျဉ်းတစ်ကြောင်းရှိကာ ကိုယ်ဟန်အနေအထားကို တိုးတက်စေပြီး ၎င်းတို့အား သန်မာကျန်းမာစေပါတယ်။
ခါးနာခြင်းကို သက်သာစေပါတယ်
Photo : Burling Sports Therapy
နေ့တိုင်း ပုံမှန် Plank ထောက်ခြင်းဖြင့် ကွီးတို့ရဲ့ ဝမ်းဗိုက်ကြွက်သားများ သန်မာလာပါတယ်။ ထိုသို့ သန်မာလာတာနဲ့အမျှ ခန္ဓာကိုယ်က အစာအိမ်ကြွက်သားများအပေါ်တွင် ပိုမို မှီခိုလာကာ နောက်ကျောကြွက်သားများကို ဖိအားနည်းစေပါတယ်။ ဒီအချက်က ခါနာခြင်းကို သက်သာစေပါတယ်။ ဒါ့အပြင် Plank ထောက်နေချိန်မှာ ကွီးတို့ ကျောရိုးသည် ဖြောင့်တန်းသော အနေအထားတွင် ရှိနေခြင်းက အဆစ်များနာကျင်မှုကို ခံနိုင်ရည်ရှိစေဖို့ ကူညီပေးနိုင်ပါတယ်။
ဇီဝကမ္မဖြစ်ပျက်မှုကို အားကောင်းစေပါတယ်
Photo : iStock
Plank လေ့ကျင့်ခန်းရဲ့ အရေးကြီးဆုံးလုပ်ဆောင်ချက်တစ်ခုမှာ ဇီဝဖြစ်ပျက်မှုကို မြှင့်တင်ရန်ပဲ ဖြစ်ပါတယ်။ ဒီလေ့ကျင့်ခန်းက ရိုးရှင်းသော်လည်း ၊ ကွီးတို့ ခန္ဓာကိုယ်တစ်ခုလုံးကို အသုံးချရသောကြောင့် ထိုင်ထ လေ့ကျင့်ခန်း လုပ်ခြင်းထက် ပိုပြီးခက်ခဲပါတယ်။ ဒါ့အပြင် အခြားသော လေ့ကျင့်ခန်းများထက်လည်း ကယ်လိုရီကို ပိုမိုလောင်ကျွမ်းစေပါတယ်။ တစ်နေ့လျှင် ၁ မိနစ်ခန့် Plank ၁၀ ကြိမ် ထောက်ခြင်းက ကွီးတို့ရဲ့ ဇီဝကမ္မဖြစ်စဉ်ကို မြှင့်တင်နိုင်ပြီး ကျန်းမာရေးအတွက် အမှန်ပင်အထောင်အကူ ပြုပါတယ်။
Plank လေ့ကျင့်ခန်းကို စစလုပ်တဲ့သူများအတွက် အနည်းငယ် ခက်ခဲနိုင်သော်လည်း ဖြည်းဖြည်းချင်း ကိုယ်လုပ်နိုင်တဲ့ အချိန်ပမာဏကို တိုးမြှင့်သွားပါ။ အဓိက ကတော့ ကွီးတို့အနေနဲ့ ကျန်းမာသန်စွမ်းနေအောင် ဘယ်လေ့ကျင့်ခန်းမဆို အချိန်တစ်ခုပေးပြီး ပုံမှန် ပြုလုပ်ပေးဖို့ တိုက်တွန်းလိုက်ပါတယ်။
Source : PharmEasy
Featured Photo : Eat This
