ကွီးတို့အလုပ်မှာ အထိုင်များလို့ဖြစ်စေ၊ ဒီနေ့ခေတ်မှာ ခေတ်စားလာတဲ့ အသင့်စား အစားအစာတွေကြောင့် ဖြစ်စေ၊ ကိုယ့်ရဲ့ နေထိုင်မှုပုံစံကြောင့်ဖြစ်စေ လှုပ်ရှားမှု လုံလုံလောက်လောက် မရှိတဲ့အခါ ဝမ်းဗိုက်မှာ အဆီတွေ စုလာနိုင်ပါတယ်။ ဒီလိုမျိုး ဗိုက်မှာ အဆီစုပြီး ဗိုက်ရွှဲကြီး ဖြစ်နေရင်တော့ စကီလေးတွေက ကြည် ဖြူမှာ မဟုတ်တော့ပါဘူး။ ဆော်ကြည်ဘဲ တစ်ဗွေဖြစ်ချင်တယ် ဗိုက်ရွှဲကြီး ဘဝကနေ စကီလေးတွေ ကြည် ဖြူတာ ခံချင်တယ်ဆိုရင်တော့ အခုဖော်ပြမယ့် လေ့ကျင့်ခန်းများကို မှန်မှန် ပြုလုပ်ဖို့ လိုအပ်ပါလိမ့်မယ်။

လေ့ကျင့်ခန်း (၁)

ဒီလေ့ကျင့်ခန်းကလည်း ဗိုက်အဆီတွေကျဖို့ ထိရောက်တဲ့ လေ့ကျင့်ခန်း တစ်ခုပါပဲ။ ဒီလေ့ကျင့်ခန်းကို ပြုလုပ်ရာမှာ မြန်မြန်မလုပ်ပါနဲ့။ လုပ်နေရင်း အသက်ရှုအောင့် ထားတာမျိုးကို ရှောင်ပါ။ ဒီလေ့ကျင့်ခန်းကို ၁၂ ကြိမ် ၃ ကျော့ ပြုလုပ်ပါ။

လေ့ကျင့်ခန်း (၂)

ဗိုက်အဆီတွေကို ပြုတ်ပြုတ်ပြုန်းအောင် အပီဖြုတ်ဖို့ ထိရောက်တဲ့ နောက်ထပ် လေ့ကျင့်ခန်း တစ်ခုကတော့ Burpee ပဲ ဖြစ်ပါတယ်။ ဒီလေ့ကျင့်ခန်းက တစ်ကိုယ်လုံး လှုပ်ရှားရတဲ့ ခန္ဓာကိုယ်ပြည့် လေ့ကျင့်ခန်းတစ်ခု ဖြစ်ပြီး ကယ်လိုရီတွေကိုလည်း လျင်လျင်မြန်မြန် လောင်ကျွမ်းစေပါတယ်။ ဒီလေ့ကျင့်ခန်းကို အခုမှစလုပ်မယ့် သူများအနေဖြင့် ကိုယ်ရဲ့ လုပ်နိုင်စွမ်းနဲ့ ခံနိုင်ရည်အလိုက် အကြိမ်ရေ အနည်းငယ်နဲ့ စတင်ပြီး နောက်ပိုင်းမှ ဖြည်းဖြည်းချင်း လေ့ကျင့်ခန်း အကြိမ်ရေကို တိုးသွားပါ။

လေ့ကျင့်ခန်း (၃)

နောက်ထပ် ပြုလုပ်ရမယ့် လေ့ကျင့်ခန်းကတော့ Hanging Leg Raise လေ့ကျင့်ခန်းပဲ ဖြစ်ပါတယ်။  အရင်ဦးဆုံး ဘားတန်းပေါ်မှာ လက်နှစ်ဖက်ကို ပုခုံးအကျယ်ထက် ပိုကျယ်အောင် ချဲထားပြီးတော့ တွဲလွဲခိုနေပါ။ ထို့နောက် ခြေထောက်နှစ်ဖက်ကို အရှေ့တည့်တည့်သို့ တန်းနေအောင် တဖြောင့်တည်း ဆန့်တန်းထားလိုက်ပါ။ ထို့နောက် ခြေထောက်ကို အောက်သို့ ပြန်ချပါ။  ဒီလေ့ကျင့်ခန်းက ကွီးတို့ရဲ့ ဝမ်းဗိုက် ကြွက်သားတွေကို ထိစေပြီး ဝမ်းဗိုက်မှာ အဆီပိုတွေ ကင်းဝေးအောင် ကူညီပေးပါလိမ့်မယ်။ စုစုပေါင်း စက္ကန့် ၂၀ မှ ၃၀၊ ၃ ကျော့စီ ပြုလုပ်ပေးရပါမယ်။

လေ့ကျင့်ခန်း (၄)

ဒီလေ့ကျင့်ခန်းကတော့ Side Plank Roll Twist လေ့ကျင့်ခန်းပဲ ဖြစ်ပါတယ်။ ပထမပုံထဲကအတိုင်း ခန္ဓာကိုယ် အနေအထားကို အသင့်ပြင်ထားပါ။ ထို့နောက် ညာလက်ကို ခန္ဓာကိုယ်အောက်ဘက်ကနေ အခြားတစ်ဖက်သို့ ပို့လိုက်ပါ။  တစ်ကြိမ် ပြည့်သွားပါပြီ။ စုစုပေါင်း ၁၂ ကြိမ် ပြုလုပ်ပါ။

လေ့ကျင့်ခန်း (၅)

ကြမ်းပြင်ပေါ်မှာ လှဲလျောင်းပြီးနောက် လက်နှစ်ဖက်ကို အပေါ်သို့ ဆန့်တန်းထားပါ။ ဒူးနှစ်ဖက်က ၉၀ ဒီဂရီ ထောင်မတ်ထားပါ။ ထို့နောက် ဘယ်လက်နဲ့ ညာဒူးကို ဆန့်တန်းလိုက်ပါ။ တစ်ဖန် မူလ အနေအထားအတိုင်း ပြန်နေပါ။ ထို့နောက် ညာလက်နဲ့ ဘယ်ဒူးကို ဆန့်တန်းလိုက်ပါ။ ဒါဆိုရင်တော့ တစ်ကြိမ် ပြည့်သွားပါပြီ။ စုစုပေါင်း ၁၄ ကြိမ် ပြုလုပ်ရမှာ ဖြစ်ပါတယ်။ အကျော့အရေအတွက်ကတော့ ကွီးတို့ လုပ်နိုင်သလောက် လုပ်ပေးလိုက်ပါ။

လေ့ကျင့်ခန်း (၆)

ဒီလေ့ကျင့်ခန်းကတော့ လေ့ကျင့်ခန်း ပြုလုပ်တဲ့ ဘီးလုံးလေးကို ယူပြီး ပုံပါအတိုင်း လှိမ့်ပေးရမှာပဲ ဖြစ်ပါတယ်။ ၁၅ ကြိမ်၊ ၃ ကျော့စီ ပြုလုပ်ပေးလိုက်ပါ။

ကွီးတို့ရော ဝမ်းဗိုက်အဆီတွေ ကျဖို့ ဘယ်လေ့ကျင့်ခန်းများကို ပြုလုပ်လေ့ ရှိပါသလဲ။

Source: Menshealth

Featured Image: GQ