ဘဝ အောင်မြင်

လူတစ်ယောက်နဲ့တစ်ယောက်က အောင်မြင်မှုကို အဓိပ္ပါယ် ဖွင့်ဆိုပုံချင်း မတူညီကြပါဘူး။ အချို့က ဘဝ မှာ ငွေကြေးချမ်းသာမှုများ ရရှိနေပြီဆိုရင် အောင်မြင် ပြီလို့ သတ်မှတ်ကြပြီး အချို့ကလည်း အကူအညီလိုအပ်နေသူများကို အတိုင်းအတာနှင့် ပမာဏများကို ဂရုစိုက်စရာမလိုဘဲ ကူညီနိုင်တဲ့ အခြေအနေ ရောက်နေခြင်းကို အောင်မြင်မှုကို အဓိပ္ပါယ် ဖွင့်ဆိုကြပါတယ်။

ကွီးတို့ရော မိမိရဲ့ ဘဝ မှာ အောင်မြင် မှုကို ဘယ်လိုအဓိပ္ပါယ် ဖွင့်ဆိုပါမလဲ။ ဘဝ မှာ အောင်မြင် ဖို့အတွက် ဘာ့ကြောင့် ကြိုးစားသင့်သလဲ။

သင့်ရဲ့ လုပ်နိုင်စွမ်းနှင့် အရည်အချင်းများ တိုးတက်လာစေဖို့

အောင်မြင်ဖို့ရန်အတွက် ကြိုးစားတဲ့အခါ ကိုယ့်ရဲ့ အရည်အချင်းများကို တိုးတက်လာအောင် လုပ်ဆောင်ရမှာသည် မဖြစ်မနေ လုပ်ဆောင်ရမယ့်အချက် ဖြစ်ပါတယ်။ သင့်မှာရှိတဲ့ အရည်အချင်းများ၊ ပင်ကိုယ် ပါရမီများကို တိုးတက်လာအောင် ကြိုးစားတဲ့အခါ အောင်မြင်မှုနဲ့ တဖြည်း ဖြည်းနီးကပ်လာမှာဖြစ်ပြီး နောက်ဆုံးမှာတော့ မိမိသွားချင်တဲ့ ပန်းတိုင်ကို အရောက်လှမ်းနိုင်ပါတယ်။

ဘဝနေထိုင်မှု အဆင့်အတန်း ပိုမိုမြင့်မားလာစေလို့

အမြင့်တစ်နေရာသို့ တက်လှမ်းတဲ့အခါ ကိုယ့်ရဲ့ ဘဝနေထိုင်မှု အဆင့်အတန်းသည်လည်း ပိုမိုမြင့်မားလာမှာ ဖြစ်ပါတယ်။ အိမ်ငှားနေရတဲ့ အဆင့်ကနေ ပိုက်ဆံတွေ စုဆောင်းပြီး အလုပ်တွေ အသည်းအသန်လုပ်ကာ ကြိုးစားမယ်ဆိုရင် တစ်နေ့နေ့တစ်ချိန်ချိန်မှာ အောင်မြင်လာမှာပဲဖြစ်ပါတယ်။ ဒီလိုအောင်မြင်လာတဲ့အခါ အိမ်ငှားဘဝကနေ ကိုယ်ပိုင်အိမ်ခြံ၊ တိုက်၊ ကား စသည်တို့ကို ဝယ်လာနိုင်မှာဖြစ်ပြီး ဘဝအဆင့်အတန်းသည်လည်း မြင့်မားလာမှာဖြစ်ပါတယ်။ ဒါ့ကြောင့်ပဲ ဘဝမှာ အောင်မြင်မှုကို အရယူဖို့ အရေးကြီးတာ ဖြစ်ပါတယ်။

လူငယ်များအတွက် အတုယူစရာ စံနမူနာကောင်း ဖြစ်စေဖို့

လူငယ်တွေဆိုသည်မှာ ပတ်ဝန်းကျင်ရဲ့ ပုံဖော်မှုအပေါ်မူတည်ပြီး ပုံစံပြောင်းလဲနိုင်ပါတယ်။ ကောင်းတဲ့ စံပြပုဂ္ဂိုလ်နဲ့ တွေ့တဲ့အခါ လမ်းမှန်ပေါ် ရောက်ရှိနိုင်ပြီး မကောင်းတဲ့ လူပုဂ္ဂိုလ်ထံမှ သင်ယူလေ့လာမယ်ဆိုရင်တော့ ထိုလူငယ်သည်လည်း မကောင်းတဲ့ လူတစ်ယောက်လိုဖြစ်သွားပြီး လမ်းမှားသွားနိုင်ပါတယ်။ သင့်အနေနဲ့ သင့် ဘေးပတ်ဝန်းကျင်က လူငယ် လူရွယ်များကို လမ်းမှားမရောက်စေချင်ဘူးဆိုရင် သင့်ဘက်ကလည်း တတ်နိုင်သလောက် လမ်းမှန်ပြသပေးကာ အကြံဥာဏ်ကောင်းများ ပေးသင့်ပါတယ်။

ကျေးညီနောင် နှစ်ကောင်ကို သာဓက ယူသင့်ပါတယ်။ မုန်တိုင်းကြောာင့် ဒုစရိုက်သမားတွေရဲ့ လက်ထဲ ကျသွားတဲ့ ကျေးညီနောင်သည် ထိုဒုစရိုက်သမားများကဲ့သို့သာ ပြုမူပြီး ရသေ့များထံ ရောက်သွားတဲ့ ကျေးညီနောင်ကတော့ လိမ္မာယဥ်ကျေးတဲ့ ကျေးတစ်ကောင်ဖြစ်သွားပါတယ်။ သင့်ဘေးပတ်ဝန်းကျင်က လူငယ်များကိုလည်း သင့်နည်းတူ အောင်မြင်ကာ ပိုမိုကောင်းမွန်တဲ့ ဘဝကို ပိုင်ဆိုင်စေချင်တယ်ဆိုရင်တော့ သင် ကိုယ်တိုင်သည်လည်း အတုယူစရာကောင်းတဲ့ စံနမူနာကောင်းဖြစ်အောင် ကြိုးစားရမှာပဲဖြစ်ပါတယ်။

ပေါကြွယ်ဝမှုများကို ခံစားရခြင်း

လက်ထဲမှာ ပိုက်ဆံရှိတဲ့အခါ မိမိ လုပ်ချင်တဲ့အရာများကို ပူပင်ကြောင့်ကြမှုမရှိဘဲ လုပ်ဆောင်နိုင်ပါတယ်။ သို့သော် ပိုက်ဆံနောက်လိုက်စရာတော့ မလိုပါဘူး။ ပိုက်ဆံနောက် တကောက်ကောက်လိုက်တဲ့အခါ လမ်းမှားသွားရောက်သွားနိုင်ပါတယ်။ ပိုက်ဆံနောက်လိုက်မယ့်အစား မိမိရဲ့ တိုးတက်မှု၊ အောင်မြင်မှုနောက်ကိုသာ လိုက်သင့်ပါတယ်။ အောင်မြင်တဲ့အခါ ငွေကြေးချမ်းသာမှုသည်လည်း ကွီးတို့အနောက်သို့ လိုက်ပါလာမှာဖြစ်ပါတယ်။ အောင်မြင်လာတဲ့အခါမှာ အခွင့်အရေးများ၊ ငွေကြေးချမ်းသာမှုများသည်လည်း အလိုလိုပေါများလာမှ ာဖြစ်ပါတယ်။

Source: Thesalesblog

Featured Image: Effectivemanagers