လူသားများရဲ့ ခန္ဓာကိုယ်သည် အခြားသော နို့တိုက်သတ္တဝါများ၊ သက်ရှိအပင်များ၊ တွားသွားသတ္တဝါများ၊ အင်းစက်များကဲ့သို့ပင် ခန္ဓာကိုယ်တွင်း နာရီသည် တစ်ရက်လျှင် ၂၄ နာရီ စည်းချက်ညီညီ လုပ်ဆောင်လျက်ရှိပါတယ်။ ဦးနှောက်ဆဲလ်ကနေ ခန္ဓာကိုယ်တွင်း အင်္ဂါအစိတ်အပိုင်းများထံမှလည်းကောင်း၊ ခန္ဓာကိုယ်တွင်း အစိတ်အပိုင်းများမှ ဦးနှောက်ဆီသို့လည်းကောင်း သတင်းအချက်အလက်များ ပေးပို့ခြင်း၊ ရယူခြင်းများ ပြုလုပ်လျက်ရှိပါတယ်။ ဒီလိုမျိုး သိပ္ပံနည်းကျ လေ့လာချက်များနဲ့ တိုက်ဆိုင်စစ်ဆေးကြည့်တဲ့အခါ မနက်ပိုင်း အားကစား ပြုလုပ်ခြင်းနှင့် ညနေပိုင်း အားကစား ပြုလုပ်ခြင်းမှာ ဘယ်အရာက ပိုမိုကောင်းမွန်သလဲဆိုတာကို တွေ့မြင်ရမှာပဲ ဖြစ်ပါတယ်။
အချို့သူများက မနက်ပိုင်း အားကစားပြုလုပ်ခြင်းသည် တစ်နေ့တာလုံးကို လန်းဆန်းတက်ကြွစေပြီး စိတ်ခံစားချက်များကို ပိုမိုကောင်းမွန်စေကာ ခန္ဓာကိုယ်အဆီများကိုလည်း ပိုမိုလောင်ကျွမ်းစေတယ်လို့ ပြောကြပါတယ်။ ဒါပေမဲ့ အချို့ကျတော့ ညနေပိုင်းအချိန်မှာ အားကစားပြုလုပ်ရတာက ဝိတ်ကျမြန်စေတယ်လို့ ပြောကြပါတယ်။ ဒီနှစ်ချက်မှာ ဘယ်အရာက ပိုမှန်သလဲ။
အားကစားပြုလုပ်တာကတော့ ဘယ်အချိန်လုပ်လုပ် ကောင်းတာချည်းပါပဲ။ ဒါပေမဲ့ အကောင်းတကာ့ အကောင်းဆုံးကိုမှ လိုချင်တဲ့ ကွီးတို့အတွက်တော့ မနက်ပိုင်း နဲ့ ညနေပိုင်း မှာ ဘယ်အချိန်က လေ့ကျင့်ခန်း ပိုလုပ်လို့ အကောင်းဆုံးလဲဆိုတာကို သိချင်နေကြမှာပါပဲ။
လေ့လာတွေ့ရှိချက်များအရ အမျိုးသမီးများသည် မနက်ခင်းပိုင်းအချိန်မှာ လေ့ကျင့်ခန်း ပြုလုပ်ခြင်းသည် ညနေပိုင်းမှာ ပြုလုပ်ခြင်းထက် ပိုကောင်းပြီး သွေ့လှည့်ပတ်မှုများကို ပိုမိုကောင်းမွန်စေပါတယ်။ အမျိုးသားများအတွက်တော့ ညနေပိုင်းမှာ လေ့ကျင့်ခန်း ပြုလုပ်ခြင်းသည် မနက်ပိုင်းမှာ လေ့ကျင့်ခန်း ပြုလုပ်ခြင်းထက် အဆီပိုများကို ပိုမိုလောင်ကျွမ်းစေပြီး ကြွက်သားများကိုလည်း ပိုမိုသန်မာလာစေတယ်လို့ သိရှိရပါတယ်။
ကွီးတို့အနေနဲ့ ညနေပိုင်းမှာ ဘယ်လိုအားကစားမျိုးကို ပြုလုပ်သင့်သလဲဆိုတော့…
လေ့ကျင့်ခန်း (၁)
Source: Menshealth
ဒီလေ့ကျင့်ခန်းရဲ့ နာမည်ကတော့ Single-Leg Dynamic Glute Bridge ပဲဖြစ်ပါတယ်။ ဒူးတစ်ဖက်ကို ထောင်ထားပြီး ကျန်တစ်ဖက်ကို အပေါ်မြှောက်ထားလိုက်ပါ။ ထို့နောက် တင်ပါးကို အပေါ်သို့ ကြွကာ ပုံပါအတိုင်း လေ့ကျင့်ခန်း ပြုလုပ်ရမှာပဲ ဖြစ်ပါတယ်။ ဘယ်ခြေ ၁၂ ကြိမ်၊ ညာခြေ ၁၂ ကြိမ် ပြည့်သွားပါက တစ်ကျော့ ပြည့်သွားပါပြီ။ စုစုပေါင်း ၃ ကျော့ ပြုလုပ်ပေးရပါမယ်။
လေ့ကျင့်ခန်း (၂)
Source: Menshealth
ဒီလေ့ကျင့်ခန်းကလည်း စောစောက လေ့ကျင့်ခန်းနဲ့ ဆင်တူပါတယ်။ ဒါပေမဲ့ အရှိန်ကို မြှင့်ကာ မြန်မြန်လုပ်ဆောင်ရမှာ ဖြစ်ပါတယ်။ ဒီလေ့ကျင့်ခန်းမှာတော့ တင်ပါးကိုပဲ ကြွတာမျိုးမဟုတ်ဘဲ ခန္ဓာကိုယ်တစ်ခုလုံး ကြွပေးရမှာ ဖြစ်ပါတယ်။
လေ့ကျင့်ခန်း (၃)
Source: Menshealth
ဒီလေ့ကျင့်ခန်းကတော့ ဝမ်းဗိုက်ကြွက်သားများကို သန်မာလာအောင် ကူညီပေးမယ့် လေ့ကျင့်ခန်းတစ်ခုပဲ ဖြစ်ပါတယ်။ Reverse Crunch လို့ အမည်ရပါတယ်။ ကွီးတို့က လေ့ကျင့်ခန်း ပြုလုပ်တဲ့ ခုံတန်းရှည်မှာ လှဲလျောင်းနေကာ လက်နှစ်ဖက်က ခုံကို အားပြုထားပါ။ ထို့နောက် ဝမ်းဗိုက်ညှစ်အားကို အသုံးပြုကာ ခြေထောက်နှစ်ဖက်ကို အပေါ်သို့ မြှောက်ပေးလိုက်ရပါမယ်။
လေ့ကျင့်ခန်း (၄)
Source: Imgur
ဒီလေ့ကျင့်ခန်းကတော့ ကျွန်တော်တို့ရဲ့ ဇာတ်လိုက်ကျော်ကြီး Plank လေ့ကျင့်ခန်းပဲ ဖြစ်ပါတယ်။ ဒီလေ့ကျင့်ခန်းကိုတော့ စုစုပေါင်း ၁၂ ကြိမ်၊ ၃ ကျော့ ပြုလုပ်ပေးလိုက်ပါ။
လေ့ကျင့်ခန်း (၅)
Source: Gfycat
တချို့ကတော့ ဒီလေ့ကျင့်ခန်းကို စက်အကြီးကြီးတွေနဲ့ ပြုလုပ်ကြပါတယ်။ စက်မရှိလည်း ဘာမှမဖြစ်ပါဘူး။ ကွီးတို့အနေနဲ့ အလေးတုံးကို ညှပ်ထားကာ လေ့ကျင့်ခန်း ပြုလုပ်လို့ရပါတယ်။ စုစုပေါင်း ၁၅ ကြိမ်၊ ၃ ကျော့ ပြုလုပ်ပေးရမှာ ဖြစ်ပါတယ်။
ကွီးတို့ရော မနက်ပိုင်းနဲ့ ညနေပိုင်းဆို ဘယ်အချိန်မှာ လေ့ကျင့်ခန်း ပြုလုပ်ရတာကို ပိုအားသန်ပါသလဲ။
Source:
Featured Image:
