ကွီးတို့ရဲ့ မာဆယ် ကြွက်သားတွေကို အလေးတုံးတွေ အသုံးမပြုဘဲ ကမ္ဘာမြေကြီး ဆွဲအားကို အသုံးပြုကာ ကြွက်သားများ ကျစ်လျစ်တောင့်တင်းလာအောင် ထရိန်း နိုင်တယ်ဆိုတာကို သိပြီးပါပြီလား။
ကွီးတို့ မသိသေးဘူးဆိုရင်တော့ ခေတ်နောက်ကျသွားပါလိမ့်မယ်။ အများနောက်မှာ နောက်ကောက်မကျရလေအောင် အခုဖော်ပြပေးမယ့် ဆောင်းပါးလေးကို ဆက်လက်ဖတ်ရှုကြည့်လိုက်ပါဦး။
အခုလိုမျိုး ကမ္ဘာမြေကြီး ဆွဲအားသုံးပြီး ကွီးတို့ရဲ့ မာဆယ် ကို ထရန်း တဲ့ အားကစားကိုတော့ Calisthenics လို့ ခေါ်ပါတယ်။ တခြား ဘယ်အလေးတုံးကိုမှ အသုံးမပြုဘဲ ကိုယ့်ရဲ့ ခန္ဓာကိုယ် အားနဲ့ ကမ္ဘာမြေကြီး ဆွဲအားကို အသုံးပြုကာ ပြုလုပ်ရတဲ့ လေ့ကျင့်ခန်းပဲဖြစ်ပါတယ်။ ဒီ Calisthenics လေ့ကျင့်ခန်းတွေကဆိုရင် ကွီးတို့ရဲ့ ခွန်အားကို တိုးလာအောင် ကူညီပေးပြီး ခန္ဓာကိုယ်က စည်းချက်ညီညီ လုပ်ဆောင်နိုင်အောင် ကူညီပေးပါတယ်။ ဒါ့အပြင် ခန္ဓာကိုယ် ပျော့ပျောင်းအောင်လည်း ကူညီပေးနိုင်ပါသေးတယ်။
ဘယ်လို လေ့ကျင့်ခန်းတွေက Calisthenics အမျိုးအစားထဲမှာ ပါဝင်သလဲ။ Calisthenics ကို လိုက်လုပ်ချင်ရင် ဘယ်လိုမျိုး လုပ်ဆောင်နိုင်မလဲ။
အခုဖော်ပြပေးမယ့် လေ့ကျင့်ခန်းများကတော့ Calisthenics လေ့ကျင့်ခန်း အမျိုးအစားများပဲဖြစ်ပါတယ်။ ကွီးတို့ စိတ်ဝင်စားတယ်ဆိုရင်တော့ ပုံမှန် ပြုလုပ်ပေးနိုင်ပါတယ်။
လေ့ကျင့်ခန်း (၁)
ဒီလေ့ကျင့်ခန်းကတော့ ဘားတန်းကို အသုံးပြုပြီး ကွီးတို့ရဲ့ လက်မောင်းနဲ့ ပုခုံးကြွက်သားများကို သန်မာလာအောင် ကူညီပေးနိုင်ပါတယ်။ အနည်းဆုံး စက္ကန့် ၃၀ လောက် ဆော့ကစားပေးရပါမယ်။
လေ့ကျင့်ခန်း (၂)
စောစောက လေ့ကျင့်ခန်းနဲ့ တူမယောင်နဲ့ အနည်းငယ် ကွဲပါတယ်။ ဘားတန်းကို ကိုင်တဲ့ လက်အထားအသိုကလည်း သေချာ စနစ်ကျဖို့ လိုအပ်ပါတယ်။ နို့မဟုတ်ရင် လေ့ကျင့်ခန်းက ထိရောက်မှု ရှိမှာ မဟုတ်တော့ပါဘူး။
လေ့ကျင့်ခန်း (၃)
တံတောင်ကို ၉၀ ဒီဂရီ ထားကာ ပြုလုပ်ရမယ့် Dips လေ့ကျင့်ခန်းပဲဖြစ်ပါတယ်။ အကြိမ်အရေအတွက်ကတော့ ကွီးတို့ လုပ်နိုင်သလောက် များများ ပြုလုပ်ပေးလိုက်ပါ။
လေ့ကျင့်ခန်း (၄)
ဒီလေ့ကျင့်ခန်းကတော့ Jump Squat လေ့ကျင့်ခန်းပဲဖြစ်ပါတယ်။ အလေးတုံး အသုံးမပြုဘဲ ပြုလုပ်ရတဲ့ Calisthenics အမျိုးအစားထဲမှာ သူလည်း ပါပါတယ်။ ၁၅ ကြိမ်၊ ၃ ကျော့လောက် ပြုလုပ်ပေးလိုက်ပါ။
လေ့ကျင့်ခန်း (၅)
နောက်ထပ် Calisthenics လေ့ကျင့်ခန်း အမျိုးအစားကတော့ ဒိုက်ထိုး လေ့ကျင့်ခန်းပဲဖြစ်ပါတယ်။ သူ့ကိုလည်း ၁၂ ကြိမ်မှ ၁၅ ကြိမ်၊ ၃ ကျော့လောက် ပြုလုပ်ပေးရမှာဖြစ်ပါတယ်။
လေ့ကျင့်ခန်း (၆)
နောက်ထပ် Calisthenics လေ့ကျင့်ခန်း အမျိုးအစားထဲမှာ ပါတာကတော့ Crunches လေ့ကျင့်ခန်းပဲဖြစ်ပါတယ်။ ဝမ်းဗိုက် အဆီပိုများကို လျော့ချပေးမယ့် လေ့ကျင့်ခန်းပဲဖြစ်ပါတယ်။ စုစုပေါင်း ၁၂ ကြိမ်၊ ၄ ကျော့ခန့် ပြုလုပ်ပေးလိုက်ပါ။
ကွီးတို့ရော ကိုယ့်ရဲ့ ခန္ဓာကိုယ် အလေးချိန်ကို အသုံးပြုပြီး မာဆယ် တွေကို မ ထရိန်း ချင်ဘူးလား။
Source: Healthline
Featured Image: Freepik
