ရေ သောက်ရင်တောင် ဝိတ်တက် လေရှူတာတောင် ဝိတ်တက်လို့ စိတ်ညစ်နေတဲ့ အမျိုးသားထုကြီးအတွက် သတင်းကောင်းလေး လာပါပြီဗျို့။ ဒီသတင်းကောင်းကတော့ ကွီးတို့အနေနဲ့ အစားလည်း (လုံးဝ) လျော့စရာမလိုဘဲ အစားကို ကြိုက်သလောက်စားနိုင်မှာပဲ ဖြစ်ပါတယ်။ ခြွင်းချက်အနေနဲ့ကတော့ လေ့ကျင့်ခန်းကို မှန်မှန်ပြုလုပ်ပေးရမှာပဲ ဖြစ်ပါတယ်။
အခုဖော်ပြပေးမယ့် လေ့ကျင့်ခန်းများကို ပြုလုပ်မယ်ဆိုရင်တော့ ကွီးတို့လည်း ရေ ပဲသောက်သောက် အစားပဲ ကြိတ်ကြိတ် ဝိတ်တက် လာမှာကို ပူစရာမလိုတော့ပါဘူး။
လေ့ကျင့်ခန်း (၁)
အဆင့် (၁) ခြေထောက်နှစ်ဖက်ကို ပုခုံးအကျယ်အတိုင်း ချဲထားပါ။ အလေးတန်းကို ကွီးတို့အရှေ့မှာ ချထားပါ။
အဆင့် (၂) ဒူးနှစ်ဖက်ကို ကွေးကာ တင်ပါးကို နောက်ပစ်ပြီး အလေးတန်းကို လှမ်းကိုင်လိုက်ပါ။
အဆင့် (၃) ထို့နောက် ဒူးနှစ်ဖက်ကို ပြန်လည်ဆန့်တန်းကာ အလေးတန်းကို ဆွဲမလိုက်ပါ။
ဒီအဆင့်အထိဆိုရင် တစ်ကြိမ် ပြည့်သွားပါပြီ။ စုစုပေါင်း ၁၀ ကြိမ် ပြုလုပ်ပေးရမှာ ဖြစ်ပါတယ်။
လေ့ကျင့်ခန်း (၂)
အဆင့် (၁) ခုံတန်းရှည်ပေါ်မှာ လှဲလျောင်းနေကာ အလေးတန်းကို ရင်ဘတ်ပေါ်မှာ ထားထားလိုက်ပါ။
အဆင့် (၂) ထို့နောက် လက်နှစ်ဖက်ကို ဆန့်တန်းကာ အလေးတန်းကို အပေါ်သို့ ပင့်တင်လိုက်ပါ။
အဆင့် (၃) ထို့နောက် မူလအနေအထားအတိုင်း အလေးတန်းကို ပြန်ချလိုက်ပါ။
ထိုအဆင့်အထိဆိုရင် တစ်ကြိမ် ပြည့်သွားပါပြီ။ စုစုပေါင်း ၁၂ ကြိမ် ပြုလုပ်ပေးလိုက်ပါ။ ဒီလေ့ကျင့်ခန်းကတော့ ကွီးတို့ရဲ့ လက်မောင်းနှင့် ရင်အုပ်ရှိ အဆီပိုများကို ဖယ်ရှားပေးပြီး ကြွက်သားများကို ကျစ်လျစ်သန်မာစေပါတယ်။
လေ့ကျင့်ခန်း (၃)
အဆင့် (၁) အလေးတန်းကို ပုခုံးအနောက်မှာ ကိုင်ထားပြီး မတ်တပ်ရပ်နေပါ။
အဆင့် (၂) ဘယ်ဒူးကို အရှေ့သို့ ဆန့်တန်းကာ ဒူးကို ကွေးညွှတ်လိုက်ပါ။
အဆင့် (၃) မတ်တပ်ပြန်ရပ်ပါ။
ညာဒူးကိုလည်း ထိုနည်းအတိုင်း ပြုလုပ်ရမှာပဲ ဖြစ်ပါတယ်။
ဘယ် ညာ တစ်လှည့်စီကို တစ်ကြိမ်လို့ သတ်မှတ်ပြီး စုစုပေါင်း ၁၂ ကြိမ် ပြုလုပ်ရမှာပဲ ဖြစ်ပါတယ်။
လေ့ကျင့်ခန်း (၄)
အဆင့် (၁) ခြေထောက်နှစ်ဖက်ကို ပုခုံးအကျယ်အတိုင်း ချဲထားပါ။ ခန္ဓာကိုယ်အပေါ်ပိုင်းကို အရှေ့သို့ ကိုင်းညွှတ်ထားပြီးနောက် ဒူးကိုအနည်းငယ် ကွေးထားလိုက်ပါ။
အဆင့် (၂) အလေးတန်းကို ကိုင်ထားကာ ပုံပါအတိုင်း တံတောင်ကို ဆန့်တန်းလိုက်၊ တံတောင်ပြန်ချလိုက်ဖြင့် တစ်လှည့်စီ ပြုလုပ်ရမှာပဲ ဖြစ်ပါတယ်။
စုစုပေါင်း ၁၂ ကြိမ် ပြုလုပ်ပေးလိုက်ပါ။
လေ့ကျင့်ခန်း (၅)
အဆင့် (၁) ကြမ်းပြင်ပေါ်မှာ လှဲလျောင်းနေပြီးနောက် ဒူးနှစ်ဖက်ကို ထောင်ထားလိုက်ပါ။
အဆင့် (၂) ထို့နောက် ဝမ်းဗိုက်ကြွက်သားကို အသုံးပြုပြီး ခန္ဓာကိုယ် အပေါ်ပိုင်းကို ဖြည်းဖြည်းချင်းကြွလိုက်ပါ။
အဆင့် (၃) မူလအနေအထားအတိုင်း ပြန်နေပါ။
စုစုပေါင်း ၁၅ ကြိမ် ပြုလုပ်ပေးရပါမယ်။
လေ့ကျင့်ခန်း (၆)
အဆင့် (၁) ခြေထောက်နှစ်ဖက်ကို ပုခုံးအကျယ်အတိုင်း ချဲထားပါ။ ထို့နောက် ဒူးကွေးချကာ လက်နှစ်ဖက်ကို ကြမ်းပြင်ပေါ်မှာ ထောက်၊ ခြေထောက်ကိုလည်း အနောက်သို့ ပို့ကာ တံတောင်ကွေးပြီး ဒိုက်ထိုးချလိုက်ပါ။
အဆင့် (၂) ထို့နောက် ဖြည်းဖြည်းချင်းစီ မတ်တပ်ပြန်ရပ်ကာ အပေါ်သို့ ခုန်လိုက်ပါ။
ထိုအဆင့်အထိကို တစ်ကြိမ်လို့ သတ်မှတ်ပြီး စုစုပေါင်း ၁၄ ကြိမ် ပြုလုပ်ရပါမယ်။
လေ့ကျင့်ခန်း (၇)
အဆင့် (၁) ဒူးနှစ်ဖက်ကို ပုခုံးအကျယ်ထက် ပိုကျယ်အောင် ချဲထားကာ အလေးတန်းကို ပုခုံးပေါ်မှာ တင်ထားလိုက်ပါ။
အဆင့် (၂) တင်ပါးကို နောက်ပစ်ပြီး ဒူးနှစ်ဖက် ကွေးညွှတ်ကာ Squat ထိုင်လိုက်ပါ။ ဒီလေ့ကျင့်ခန်းကတော့ ကွီးတို့ ခန္ဓာကိုယ်ပေါ်ရှိ အဆီပိုများကို ဖယ်ရှားပေးမှာပဲ ဖြစ်ပါတယ်။
လေ့ကျင့်ခန်း (၈)
အဆင့် (၁) ဒူးနှစ်ဖက်ကို အနည်းငယ် ချဲထားပါ။
အဆင့် (၂) အလေးတန်းကို ဆွဲမပြီး ရင်ဘတ်ပေါ်သို့ တင်ပါ။
အဆင့် (၃) တစ်ဖန် တံတောင်ကို ဆန့်တန်းပြီး အလေးတန်းကို အပေါ်သို့ မြှောက်လိုက်ပါ။
ဒီလေ့ကျင့်ခန်းကိုတော့ စုစုပေါင်း ၁၂ ကြိမ် ပြုလုပ်ရမှာပဲ ဖြစ်ပါတယ်။
လေ့ကျင့်ခန်း (၉)
အဆင့် (၁) ခန္ဓာကိုယ် အနေအထားကို ဒိုက်ထိုးမယ့် အနေအထားပြင်ထားပါ။
အဆင့် (၂) ထို့နောက် တံတောင်ကို ကွေးပြီး ဒိုက်ထိုးချလိုက်ပါ။
အဆင့် (၃) မူလအနေအထားအတိုင်း ပြန်နေပါ။
စုစုပေါင်း ၁၅ ကြိမ် ပြုလုပ်ပေးရပါမယ်။
လေ့ကျင့်ခန်း (၁၀)
အဆင့် (၁) ဒူးနှစ်ဖက်ကို ထောက်ထားပြီးနောက် အလေးတန်းကိုလည်း လက်နှစ်ဖက်ဖြင့် ကိုင်ထားပါ။
အဆင့် (၂) အလေးတန်းကို အရှေ့သို့ လှိမ့်လိုက်ပြီး ခန္ဓာကိုယ်ကလည်း အလိုက်သင့်လေး နိမ့်ချလိုက်ပါ။
အဆင့် (၃) မူလအနေအထားအတိုင်း ပြန်နေပါ။
စုစုပေါင်း ၁၅ ကြိမ် ပြုလုပ်ရပါမယ်။
လေ့ကျင့်ခန်း (၁၀) မျိုးစလုံး ပြီးသွားတဲ့အခါ ၂ မိနစ်လောက်နားပါ။ ထို့နောက် စောစောကအတိုင်း နောက်ထပ် ၂ ကျော့ခန့် ထပ်မံပြုလုပ်ရမှာပဲဖြစ်ပါတယ်။
Source: Healthline
Featured Image: Freepik