လက်မောင်း ကြွက်သားတွေ ကြီးထွားလာဖို့ လေ့ကျင့်ခန်းတွေ ရှာနေပါသလား။ ကွီးတို့ရဲ့ လက်မောင်းတွေဟာ ပိုကြီးပိုကိတ်ဖို့ ကစားလို့ရတဲ့ လေ့ကျင့်ခန်းနည်းတွေ အများကြီးရှိပါတယ်။ ဒီထဲကမှ ကွီးတို့ရဲ့ လက်မောင်း ကြွက်သားတွေကို စနစ်တကျ ကြီးထွားသန်မာလာစေပြီး အမိုက်စား ကြွက်သားဘော်ဒီ ရရှိစေဖို့ ကူညီပေးမယ့် လေ့ကျင့်ခန်း တချို့ကို မျှဝေပေးပါမယ်။
(၁) Alternating Incline Dumbbell Curl
Source : Functional Bodybuilding
Alternating Incline Dumbbell Curl လေ့ကျင့်ခန်းကို Dumbbell တစ်စုံနဲ့ ကစားပေးရပါမယ်။ ဒီလေ့ကျင့်ခန်းက Incline Postion နဲ့ ကစားရတဲ့အတွက် ဘော်ဒီ အပေါ်ပိုင်းကို ဖိအားပိုမို သက်ရောက်စေပြီး စနစ်တကျနဲ့ ကျစ်လစ်ကြီးထွားတဲ့ လက်မောင်း ကြွက်သားတစ်စုံကို ရရှိစေဖို့ ကူညီပေးပါလိမ့်မယ်။ Dumbbell ကို လက်တစ်ဖက်တစ်ချက်စီမှာ ကိုင်ထားပြီး ဘယ်ညာ တစ်လှည့်စီ မ,တင် ကစားပေးပါ။ ၁၀ ကြိမ် ၃ ကျော့ ကစားပေးရပါမယ်။
(၂) Dual Dumbbell Bicep Curl
Source : Functional Bodybuilding
Dual Dumbbell Bicep Curl လေ့ကျင့်ခန်းကတော့ ရိုးရှင်းလွယ်ကူတဲ့ လက်မောင်းကြွက်သား လေ့ကျင့်ခန်းတစ်ခုပါပဲ။ ပခုံးအကျယ်အတိုင်း ခြေထောက်တွေကို ချဲ့ကားပြီး မတ်တပ်ရပ်ပါ။ Dumbbell တစ်စုံကို လက်တစ်ဖက်တစ်ချက်စီမှာ ကိုင်ထားပါ။ ထို့နောက် လက်မောင်း ကြွက်သားတွေကို ညှစ်ထုတ်ပြီး Dumbbell ကို ပြိုင်တင် မ,တင်ပေးရပါမယ်။ ၁၀ ကြိမ် ၃ ကျော့ ကစားပေးပါ။
(၃) Seated Alternating Dumbbell Curl
Source : Functional Bodybuilding
နောက်ထပ် လက်မောင်းကြွက်သား လေ့ကျင့်ခန်း တစ်ခုကတော့ Seated Alternating Dumbbell Curl ပါ။ ဒီလေ့ကျင့်ခန်းက Alternating Incline Dumbbell Curl နဲ့ ဆင်တူပါတယ်။ အဓိကအားဖြင့် လက်မောင်း အပေါ်ဘက်ကြွက်သားတွေနဲ့ လက်ဖျံကြွက်သားတွေကို ပစ်မှတ်ထားပါတယ်။ Dumbbell ကို လက်တစ်ဖက်စီမှာ ကိုင်ထားပြီး ဘယ်ညာတစ်လှည့်စီ ကစားပေးပါ။ ၁၀ ကြိမ် ၃ ကျော့ ကစားပေး ရပါမယ်။
(၄) Preacher Curl
Source : Functional Bodybuilding
Preacher Curl လေ့ကျင့်ခန်းကတော့ အရှေ့ဘက် လက်မောင်း ကြွက်သားတွေကို ကြီးထွားသန်မာစေမယ့် အကောင်းဆုံး လေ့ကျင့်ခန်းတစ်ခုပါ။ လေ့ကျင့်ခန်းလုပ်ဖို့ Equipment တချို့တော့ လိုအပ်ပါတယ်။ ဒီလေ့ကျင့်ခန်းက Barbell နဲ့ ကစားပေးရမှာ ဖြစ်ပါတယ်။ လက်မောင်းကြွက်သားတွေကို စနစ်တကျ ကြီးထွားလာစေပြီး ခန္ဓာကိုယ်အပေါ်ပိုင်း တည်ငြိမ်မှုနဲ့ သန်မာမှုကို တိုးစေမှာ ဖြစ်ပါတယ်။ ၁၀ ကြိမ် ၃ ကျော့ ကစားပေးပါ။
Featured Photo : Sportskeeda
