ဝိတ် အမြန်ချ ဖို့ဆိုရင် ဘယ်လေ့ကျင့်ခန်းတွေက ထိရောက်မှုရှိမလဲ

ခန္ဓာကိုယ်က အဆီပိုတွေကို မျက်စိတစ်မှိတ်အတွင်း ဖယ်ရှားဖို့ဆိုတာ လွယ်ကူမယ်လို့ ထင်ပါသလား။ ကွီးတို့သာ အမှန်တကယ် စိတ်နှစ်ပြီး ပြုလုပ်မယ်ဆိုရင်တော့ ဝိတ် အမြန်ချ ဖို့ဆိုတာ ဖြစ်နိုင်ပါတယ်။ အချိန်တစ်ခု သတ်မှတ်ကြည့်လိုက်ပါ။ တစ်ပတ်အတွင်း ဘယ်နှပေါင်ချချင်သလဲ။ ဖြစ်နိုင်ချေရှိတဲ့ အလေးချိန်တော့ဖြစ်ဖို့လိုအပ်ပါတယ်။ တစ်ပတ် ၇ ရက်တည်းနဲ့ ၁၅ ပေါင်လောက် ကျဖို့ဆိုတာကတော့ မဖြစ်နိုင်တဲ့အရာတစ်ခုဖြစ်ပါတယ်။ ဒါ့ကြောင့် ဖြစ်နိုင်မယ့် ပမာဏတစ်ခုကို သတ်မှတ်ထားပြီး ဝိတ် အမြန်ချ မယ်ဆိုရင်တော့ ပြုလုပ်ရတာ ပိုလွယ်ကူပါတယ်။

အကောင်းဆုံးနဲ့ ကျန်းမာရေးနဲ့ အညီညွှတ်ဆုံး ဝိတ်ချနည်းကတော့ တစ်ပတ်လျှင် ၁ ပေါင်၊ ၂ ပေါင်ခန့် ချခြင်းပဲဖြစ်ပါတယ်။ အဲ့ဒီလိုနဲ့ မြောက်မြားစွာသော တစ်ပတ်တွေ ပေါင်းစည်းလိုက်မယ်ဆိုရင်တော့ တစ်လပြည့်တဲ့အခါ ဝိတ်အများကြီး ကျသွားမှာပဲ ဖြစ်ပါတယ်။

ဝိတ် အမြန်ချ ချင်သူတွေအတွက် ဘယ်လေ့ကျင့်ခန်းတွေက ထိရောက်မှု ရှိပါသလဲ။

လေ့ကျင့်ခန်း (၁)

ခြေထောက်နှစ်ဖက်ကို ခပ်ကျဲကျဲ ချဲထားလိုက်ပါ။ လက်နှစ်ဖက်က အလေးတုံးကို ပုံပါအတိုင်း ကိုင်ထားလိုက်ပါ။ ထို့နောက် တင်ပါးကို နောက်ပစ်ပြီး Squat ထိုင်လိုက်ပါ။ ထို့နောက် တဖြည်းဖြည်းချင်းစီ မတ်တပ်ပြန်ရပ်လိုက်ပါ။ စုစုပေါင်း ၁၅ ကြိမ် ၄ ကျော့ ပြုလုပ်ရပါမယ်။

လေ့ကျင့်ခန်း (၂)

အရင်ဦးဆုံး ကြမ်းပြင်ပေါ်မှာ လက်နှစ်ဖက် ထောက်ထားပါ။ ထို့နောက် ညာဒူးကို ရင်ဘတ်ဆီသို့ ဆွဲယူလိုက်ပါ။ မူလအနေအထားအတိုင်း ပြန်နေပါ။ ထို့နောက် ဘယ်ဒူးကို ရင်ဘတ်ဆီသို့ ဆွဲယူလိုက်ပါ။ မူလအနေအထားအတိုင်း ပြန်နေပါ။ ဘယ် ညာ တစ်လှည့်စီကို တစ်ကြိမ်လို့ သတ်မှတ်ပါ။ စုစုပေါင်း ၁၅ ကြိမ်၊ ၄ ကျော့ ပြုလုပ်ပေးရပါမယ်။

လေ့ကျင့်ခန်း (၃)

ဒီလေ့ကျင့်ခန်းကတော့ ကွီးတို့ရဲ့ ခြေသလုံး ကြွက်သားနှင့် ပေါင်ကြွက်သားများကို သန်မာလာအောင် ကူညီပေးပါလိမ့်မယ်။ ခြေသလုံးနှစ်ဖက်ကို စုံလိုက် ကြွလိုက်၊ ပြန်ချလိုက်ဖြင့် တစ်လှည့်စီ ပြုလုပ်ရမှာဖြစ်ပါတယ်။ ပုံထဲကလို စက်ပစ္စည်းမရှိလို့ လုပ်လို့မရဘူးဆိုပြီး စိတ်မညစ်လိုက်ပါနဲ့။ နောက်တစ်နည်းနဲ့လည်း ဆော့ကစားနိုင်ပါသေးတယ်။

ထိုနည်းကတော့ အလေးတုံး တစ်တုံးကို ခြေဖဝါးနှစ်ဖက်ဖြင့် ညှပ်ထားလိုက်ပါ။ ထို့နောက် ခြေသလုံးနဲ့ ပေါင်ညှစ်အားကို အသုံးပြုကာ အလေးတုံးကို မရမှာဖြစ်ပါတယ်။ စုစုပေါင်း ၁၅ ကြိမ်၊ ၄ ကျော့ ပြုလုပ်ရပါမယ်။

လေ့ကျင့်ခန်း (၄)

ဘယ်ဒူးကို ရှေ့ထုတ်ကာ ကွေးချလိုက်၊ ညာဒူးကို ရှေ့ထုတ်ကာ ကွေးချလိုက်ဖြင့် တစ်လှည့်စီ ပြုလုပ်ရမှာပဲ ဖြစ်ပါတယ်။ ဘယ် ညာ တစ်လှည့်စီကို တစ်ကြိမ်လို့ သတ်မှတ်ပြီး စုစုပေါင်း ၁၅ ကြိမ်၊ ၄ ကျော့ ပြုလုပ်ရပါမယ်။

လေ့ကျင့်ခန်း (၅)

နောက်ထပ် လေ့ကျင့်ခန်းကတော့ Dumbbell Lateral Raise လေ့ကျင့်ခန်းပဲဖြစ်ပါတယ်။ အရင်ဦးဆုံး ခြေထောက်နှစ်ဖက်ကို အနည်းငယ် ချဲထားပါ။ လက်နှစ်ဖက်က အလေးတုံး နှစ်တုံးကို ကိုင်ထားပါ။ ထို့နောက် လက်နှစ်ဖက်ကို ဘေးသို့ ဆန့်ထုတ်လိုက်ပါ။ စုစုပေါင်း ၁၅ ကြိမ်၊ ၄ ကျော့ ပြုလုပ်ပါ။

လေ့ကျင့်ခန်းများအားလုံး ပြုလုပ်ပြီးသွားတဲ့အခါ အကြောလျော့ လေ့ကျင့်ခန်းကို ၅ မိနစ်ခန့် ပြုလုပ်ပေးဖို့လည်း လိုအပ်ပါတယ်။

ကွီးတို့ရော ဝိတ်အမြန်ချဖို့အတွက် ဘာတွေ လုပ်ဆောင်နေပါသလဲ။

Source: Greatestphysiques

Featured Image: Freepik