လှေကားထစ်များပေါ်သို့ တက်သွားရတာကို အင်မတန် မောနေသလို ခံစားနေရပါသလား။ စက္ကန့်ပိုင်းလောက်ပဲ ပြေးလွှားလိုက်ရသေးတယ် အမောဖောက်နေပြီလား။ ဒါဆိုရင်တော့ ကွီးတို့ရဲ့ သက်လုံ အားကို တိုးမြှင့်ပေးပြီး အမောခံနိုင်အောင် ကူညီပေးမယ့် Bodyweight လေ့ကျင့်ခန်းများကို ပြုလုပ်ဖို့ လိုအပ်နေပါပြီ။

သက်လုံ ကောင်းအောင် ကူညီပေးတဲ့ Bodyweight လေ့ကျင့်ခန်းများသည် ခန္ဓာကိုယ်တွင်းထဲသို့ အောက်စီဂျင်များ ဝင်ရောက်သွားအောင် ကူညီပေးပြီး အမောခံနိုင်စေပါတယ်။ နှလုံးသွေးလှည့်ပတ်မှုကိုလည်း ကောင်းမွန်းအောင် ကူညီပေးပြီး အသက်အရွယ်ရလာသည်နှင့်အမျှ အိုမင်းရင့်ရောခြင်းမှလည်း ကာကွယ်ပေးပါတယ်။ ဒါတင်မကသေးပါဘူး။ ခန္ဓာကိုယ်ပေါ်ရှိ အဆီပိုများကို ဖယ်ရှားပေးပြီး ကြွက်သားများကို တောင့်တင်းသန်မာစေပါတယ်။

လေ့ကျင့်ခန်းများ မစခင်မှာ အရင်ဦးဆုံး သွေးပူလေ့ကျင့်ခန်းများကို ငါးမိနစ်ခန့် ပြုလုပ်ပေးလိုက်ပါ။ ပြီးမှ အခုဖော်ပြပေးမယ့် သက်လုံ ကောင်းစေတဲ့ Bodyweight လေ့ကျင့်ခန်းများကို ဆက်လက်ပြုလုပ်ပေးရမှာ ဖြစ်ပါတယ်။

လေ့ကျင့်ခန်း (၁)

ပထမဦးဆုံး ပြုလုပ်ပေးရမယ့် လေ့ကျင့်ခန်းကတော့ Squat လေ့ကျင့်ခန်းပဲ ဖြစ်ပါတယ်။ အသက်ကို ဖြည်းဖြည်းမှန်မှန် ရှူသွင်း ရှူထုတ်ပြုလုပ်ကာ Squat ထိုင်ရမှာ ဖြစ်ပါတယ်။ စုစုပေါင်း ၁၅ ကြိမ်၊ ၃ ကျော့ ပြုလုပ်ပေးရပါမယ်။

လေ့ကျင့်ခန်း (၂)

နောက်ထပ်ပြုလုပ်ရမယ့် လေ့ကျင့်ခန်းကတော့ Pushups လေ့ကျင့်ခန်းပဲ ဖြစ်ပါတယ်။ ကွီးတို့အားလုံးနဲ့ ရင်းနှီးပြီးသား လေ့ကျင့်ခန်းတစ်ခုဖြစ်ပါတယ်။ ဒီလေ့ကျင့်ခန်းကိုတော့ ၁၂ ကြိမ် (သို့) ၁၅ ကြိမ်၊ ၃ ကျော့ ပြုလုပ်ပေးရမှာပဲ ဖြစ်ပါတယ်။

လေ့ကျင့်ခန်း (၃)

ဒီလေ့ကျင့်ခန်းကိုတော့ Mountain Climbers လေ့ကျင့်ခန်းလို့ ခေါ်ပါတယ်။ ဒီလေ့ကျင့်ခန်း ပြုလုပ်ဖို့ရန်အတွက် အရင်ဦးဆုံး ခန္ဓာကိုယ်ကို Pushups ပုံစံ ပြင်ထားလိုက်ပါ။ ထို့နောက် ညာဒူးကို ရင်ဘတ်ဆီသို့ ဆွဲယူလိုက်ပါ။ မူလအနေအထားအတိုင်း ပြန်နေပါ။ တစ်ဖန် ဘယ်ဒူးကို ရင်ဘတ်ဆီသို့ ဆွဲယူလိုက်ပါ။ စုစုပေါင်း ၁၅ ကြိမ်၊ ၃ ကျော့ခန့် ပြုလုပ်ပေးရမှာ ဖြစ်ပါတယ်။

လေ့ကျင့်ခန်း (၄)

ဒီလေ့ကျင့်ခန်းကိုတော့ Burpees လေ့ကျင့်ခန်းလို့ အမည်ပေးထားပါတယ်။ ဒီလေ့ကျင့်ခန်းကတော့ Pushups လေ့ကျင့်ခန်းနှင့် ခုန်ခြင်း နှစ်ခုကို ပေါင်းစပ်ထားတဲ့ လေ့ကျင့်ခန်းဖြစ်ပါတယ်။ သက်လုံအား ကောင်းစေပြီး နှလုံးကြွက်သားများကိုလည်း သန်မာလာစေပါတယ်။ သူ့ကိုလည်း စုစုပေါင်း အကြိမ် ၃၀ မှ ၄၀ ခန့်အထိ ပြုလုပ်နိုင်ပါတယ်။

လေ့ကျင့်ခန်း (၅)

ခြေထောက်နှစ်ဖက်ကို ဘေးသို့ ကားထုတ်ကာ လက်နှစ်ဖက်ကို စုဆုံပေးလိုက်ရမှာ ဖြစ်ပါတယ်။ ပြုလုပ်ရမယ့် အကြိမ်အရေအတွက်ကတော့ မိမိ ခံနိုင်ရည်ရှိသလောက်ဖြစ်ပါတယ်။

လေ့ကျင့်ခန်း (၆)

ဒီလေ့ကျင့်ခန်းကတော့ အလွယ်ကူ အရိုးရှင်းဆုံး လေ့ကျင့်ခန်းပဲ ဖြစ်ပါတယ်။ လှေကားထစ်များဆီပေါ်သို့ တက်လိုက် ပြေးဆင်းလိုက်ဖြင့် ၃ မိနစ်တိတိ ပြုလုပ်ရမှာဖြစ်ပါတယ်။ တကယ်လို့ ကွီးတို့အနေနဲ့ ထို သုံးမိနစ်မတိုင်ခင်မှာ အပြေးလေ့ကျင့်ခန်းကို ၁၀ မိနစ်ခန့် ပြုလုပ်ပေးပါက ပိုမို ထိရောက်မှုရှိပြီး အမောပိုခံနိုင်မှာဖြစ်ပါတယ်။

Source: Vogue

Featured Image: Menshealth