အကောင်းမြင်စိတ် ရှိတဲ့ သူတွေဟာ ဘဝမှာအမြဲ ပျော်ရွှင်ရစမြဲပါပဲ။ သူတို့ဟာ လောကကို ကျေနပ်စရာအဖြစ် မြင်တတ်တာကြောင့်ပဲ စိတ်ချမ်းမြေ့ရသလို ပိုပြီး သာယာတဲ့ ဘဝကို လျှောက်လှမ်းနိုင်ကြပါတယ်။ ဒီတစ်ခေါက်တော့ အကောင်းမြင်သူဆိုတာ ဘယ်လိုမျိုးလဲ ၊ အကောင်းမြင်စိတ် ရှိသူတွေမှာ တွေ့ရတဲ့ လက္ခဏာ ရပ်တွေက ဘာတွေဖြစ်မလဲဆိုတာ ပြောပြပေးချင်ပါတယ်။
(၁) ပျော်ပျော်နေတတ်တယ်
Photo : Pexels
စိတ်ညစ်စရာရှိတာချင်းအတူတူ အကောင်းမြင်သူက ဘဝမှာ ကျေနပ်စရာ ရှာပြီး ပျော်အောင် နေတတ်ပါတယ်။ သူတို့ဟာ တောက်ပတဲ့ အနာဂါတ်ဘဝကို ယုံကြည်သူတွေ ဖြစ်ပြီး အကောင်းမြင်စိတ် ရှိတာကြောင့် တကယ်လည်း ပျော်နိုင် ပြုံးနိုင်ကြပါတယ်။
(၂) ကိုယ့်ကိုယ်ကို အားပေးလှုံ့ဆော်တက်ကြတယ်
Photo : Pexels
အကောင်းမြင်သမားတွေဟာ Self-Motivation ရှိတဲ့ သူတွေပါ။ လဲကျနေတာကနေ ကိုယ့်ကိုယ်ထူဖို့ဆိုပြီး သူတို့ဟာ စနစ်တကျ တွေးခေါ်ခံယူထားပါတယ်။ ပြဿနာထက် ဘယ်လိုလုပ်ရင် အဆင်ပြေမလဲ သိနိုင်တာကြောင့် သူတို့လုပ်ရပ်တွေလည်း အောင်မြင်အထမြောက်ကြပါတယ်။
(၃) ကျေးဇူးသိတတ်တယ်
Photo : Pexels
အကောင်းမြင်သူတွေရဲ့ နောက်ထပ် အရည်အသွေးကောင်းတစ်ခုက ကျေးဇူးတရားကို မကြာခဏ ဖော်ပြတတ်တာပါပဲ။ ဘာတွေပဲ ဖြစ်လာဖြစ်လာ သူတို့ဟာ ကျေးဇူးတရားကို တန်ဖိုးထားတတ်ပြီး အဲဒီကျေးဇူးကိုလည်း အခါအားလျော်စွာ ပြန်ဆပ်ဖြစ်အောင် ကြိုးစားတတ်ပါတယ်။
(၄) အကောင်းမြင်သူတွေနဲ့ ပေါင်းတယ်
Photo : Pexels
တူရာတူရာ စုတယ်ဆိုတဲ့ အတိုင်း အကောင်းမြင်စိတ်ရှိသူတွေဟာ အကောင်းမြင်တတ်သူတွေနဲ့ ပိုပြီး အပေါင်းအသင်းလုပ်ပါတယ်။ မကောင်းမြင်သမားတွေနဲ့ ပေါင်းတဲ့သူဟာ တစ်နေ့မှာ အရှုံးသမားအဖြစ်နဲ့ပဲ နိဂုံးချုပ်တတ်ပါတယ်။ အကောင်းမြင်စိတ် များချင်ရင် အဆိုးမြင်သူတွေနဲ့ ဝေးဝေးက နေလိုက်ပါ။
Featured Photo : Pexels
