အကြောလျော့ လေ့ကျင့်ခန်းများ ပြုလုပ်ရခြင်းသည် အချိန်ကုန်ပြီး အကျိုးမရှိဘူးလို့ အချို့လူတွေက သတ်မှတ်ထားကြပါတယ်။ ဒါပေမဲ့ အကြောလျော့ လေ့ကျင့်ခန်းများကို လေ့ကျင့်ခန်း ပြုလုပ်ပြီးတိုင်း ၅ မိနစ်မှ ၁၀ မိနစ် အထိ ပြုလုပ်ပေးခြင်းအားဖြင့် များစွာသော အကျိုးကျေးဇူးများကို ခံစားရနိုင်ပါတယ်။​

အကြောလျော့ လေ့ကျင့်ခန်းများကို တစ်ရက်လျှင် ၅ မိနစ် မှ ၁၀ မိနစ်အထိ၊ တစ်ပတ်လျှင် ၂ ကြိမ်မှ ၃ ကြိမ် ပြုလုပ်ခြင်းအားဖြင့် ကွီးတို့ရဲ့ ကြွက်သားများ နာကျင်ကိုက်ခဲမှုကို လျော့ပါးသက်သာသွားစေမှာဖြစ်ပြီး သွေးလှည့်ပတ်မှုလည်း ကောင်းမွန်လာစေမှာဖြစ်ပါတယ်။ ဒါ့အပြင် ကွီးတို့ရဲ့ နေ့စဥ် လုပ်ငန်းဆောင်တာများကလည်း ပြုလုပ်ရတာ လွယ်ကူသွားပါလိမ့်မယ်။ အဆစ်အမြစ်များလည်း လှုပ်ရှားရတာ ပိုမို လွယ်ကူလာပြီး ခန္ဓာကိုယ်ကလည်း အကြောပျော့သွားမှာဖြစ်ပါတယ်။

အထက်ဖော်ပြပါ အကျိုးကျေးဇူးများ ရရှိခံစားဖို့ ဆိုရင်တော့ အခုဖော်ပြပေးမယ့် အကြောလျော့ လေ့ကျင့်ခန်း များကို အနည်းဆုံး ၅ မိနစ်ခန့် ပြုလုပ်ပေးဖို့ လိုအပ်ပါတယ်။ ကွီးတို့ အချိန်ရမယ်ဆိုရင်တော့ ၁၀ မိနစ်ခန့် ပြုလုပ်ပေးလိုက်ပါ။

လေ့ကျင့်ခန်း (၁)

ဘယ်လက်ဖဝါးကို ကျောပြင် အလယ်တည့်တည့်မှာ ထားပြီး ညာလက်က ဘယ်တံတောင်ကို လှမ်းဆွဲထားပါ။ ထိုအနေအထားအတိုင်း စက္ကန့် ၂၀ မှ ၃၀ အထိ ပြုလုပ်ရပါမယ်။ ကျန်လက်တစ်ဖက်ကိုလည်း ထိုနည်းအတိုင်း ပြုလုပ်ပေးလိုက်ပါ။

လေ့ကျင့်ခန်း (၂)

ခုံတစ်ခုံပေါ်မှာ ပုံပါအတိုင်း ပြုလုပ်နေပါ။ ထိုအနေအထားအတိုင်း စက္ကန့် ၂၀ မှ ၃၀ အထိ ပြုလုပ်ရပါမယ်။ ဒီအကြောလျော့ လေ့ကျင့်ခန်းကတော့ လက်မောင်းနဲ့ ကျောပြင်က အကြောအခြင်တွေကို ပြေလျော့သွားစေမှာပါ။

လေ့ကျင့်ခန်း (၃)

ဘယ်လက်ကို ခုံပေါ်မှာ တင်ထားကာ၊ ညာလက်က လက်ကို တစ်ဆန့်တည်း ဖြောင့်တန်းထားပါ။ ပုံပါအနေအထားအတိုင်း စက္ကန့် ၂၀ မှ ၃၀ အထိ ပြုလုပ်ရပါမယ်။ ကျန်လက်တစ်ဖက်ကိုလည်း ထိုနည်းအတိုင်း ပြုလုပ်ပေးလိုက်ပါ။

လေ့ကျင့်ခန်း (၄)

အရင်ဦးဆုံး ကြမ်းပြင်ပေါ်မှာ လှဲလျောင်းနေပါ။ ထို့နောက် ခန္ဓာကိုယ် အပေါ်ပိုင်းကို တဖြည်းဖြည်းချင်းစီ ကြွပေးပြီး လက်နှစ်ဖက်ကိုလည်း ဆန့်တန်းလိုက်ပါ။ ထိုအနေအထားအတိုင်း စက္ကန့် ၂၀ မှ ၃၀ အထိ ပြုလုပ်ရပါမယ်။

လေ့ကျင့်ခန်း (၅)

ဒီလေ့ကျင့်ခန်းကတော့ ကွီးတို့ရဲ့ ခြေထောက်ကြွက်သားများ ညောင်းညာကိုက်ခဲနေတာကို သက်သာပျောက်ကင်းစေပါလိမ့်မယ်။ ထိုအနေအထားအတိုင်း စက္ကန့် ၂၀ မှ ၃၀ အထိ ပြုလုပ်ရပါမယ်။

လေ့ကျင့်ခန်း (၆)

လက်နှစ်ဖက်ကို စုဆုံပြီးနောက် အရှေ့တည့်တည့်သို့ ဆန့်တန်းလိုက်ပါ။ ထိုအနေအထားအတိုင်း စက္ကန့် ၃၀ လောက် ပြုလုပ်ပေးရပါမယ်။

ဒီအကြောလျော့ လေ့ကျင့်ခန်းများက ကွီးတို့ရဲ့ အကြောအခြင်တွေကို ပြေပျောက်သွားအောင် ကူညီပေးပါလိမ့်မယ်။

ကွီးတို့ရော လေ့ကျင့်ခန်း ပြုလုပ်ပြီးတိုင်းမှာ အကြောလျော့ လေ့ကျင့်ခန်းတွေ ပြုလုပ်ဖြစ်ရဲ့လား။

Source: Mensjournal

Featured Image: Thetimes.co.uk