ထိုင်ခုံပေါ်မှာ တစ်နေကုန်ထိုင်ကာ အလုပ်လုပ်ရတာ ကြာလာတဲ့အခါ ညောင်းညာကိုက်ခဲတတ်ပြီး ကျန်းမာရေးအတွက်လည်း ထိခိုက်စေနိုင်ပါတယ်။ ဒါ့ကြောင့် ကွန်ပျူတာရှေ့၊ အလုပ်စားပွဲရှေ့မှာ တစ်နေကုန်ထိုင်ကာ အလုပ်လုပ်နေရတဲ့ ကွီးတို့အတွက် တစ်ကိုယ်လုံးက အကြောအခြင် တွေကို ပြေလျော့စေမယ့် လေ့ကျင့်ခန်း များကို ဝေမျှပေးသွားချင်ပါတယ်။
လေ့ကျင့်ခန်း (၁)
Photo: Outsideonline
အဆင့် (၁) ခုံပေါ်မှာ ခါးမတ်မတ်ထားပြီးနောက် လည်ပင်ကိုလည်း အရှေ့ကို ငိုက်စိုက်မကျစေဘဲ ပုခုံးနဲ့ တစ်တန်းတည်းဖြစ်အောင် နေပါ။
အဆင့် (၂) ထို့နောက် ဦးခေါင်းကို ဖြည်းဖြည်းချင်းမော့ကာ နောက်စေ့ကို ကျောပြင်နား ကပ်လိုက်ပါ။ ထို့နောက် မူလာအနေအထားအတိုင်း ပြန်နေပါ။
အဆင့် (၃) ထို့နောက် ဦးခေါင်းကို အရှေ့သို့ ဖြည်းဖြည်းချင်းချကာ မေးစေ့ကို ရင်ဘတ်နှင့် ထိကပ်ပေးလိုက်ပါ။ မူလအနေအထားအတိုင်း ပြန်နေပါ။
အဆင့် (၄) ဘယ်ဘက်နားရွက်ကို ဘယ်ဘက်ပုခုံးနဲ့ ထိကပ်ပေးလိုက်ပါ။ ၁၀ စက္ကန့်လောက် ငြိမ်နေပြီးနောက် မူလအနေအထားအတိုင်းပြန်နေပါ။
အဆင့် (၅) ညာဘက်နားရွက်ကိုလည်း ထိုနည်းအတိုင်း ဆက်လက်ပြုလုပ်ပေးရပါမယ်။
လေ့ကျင့်ခန်း (၂)
Source: Outsideonline
အဆင့် (၁) ထိုင်ခုံပေါ်မှာ ခါးမတ်မတ်ထားကာ ထိုင်နေပါ။ လက်နှစ်ဖက်ကို အပေါ်သို့ ဆန့်တန်းလိုက်ပါ။ ၁၀ စက္ကန့်လောက် အကြောဆန့်ထားပါ။
အဆင့် (၂) ထို့နောက် လက်နှစ်ဖက်ကို ဘယ်သို့ ယိမ်းလိုက်ပါ။ ၁၀ စက္ကန့်လောက် အကြောဆန့်ပါ။
အဆင့် (၃) တစ်ဖန် လက်နှစ်ဖက်ကို ညာဘက်သို့ ယိမ်းလိုက်ပါ။ ၁၀ စက္ကန့်လောက် အကြောဆန့်လိုက်ပါ။ ထို့နောက် နောက်ထပ် လေ့ကျင့်ခန်းတစ်ခုကို ဆက်လက်ပြုလုပ်ရပါမယ်။
လေ့ကျင့်ခန်း (၃)
Source: University of Waterloo
အဆင့် (၁) ထိုင်ခုံပေါ်တွင် ခါးမတ်မတ်ထိုင်နေပါ။
အဆင့် (၂) ညာတံတောင်ကို အနောက်သို့ ပို့ထားကာ ဘယ်လက်က ညာတံတောင်ကို လှမ်းကိုင်ထားလိုက်ပါ။
အဆင့် (၃) ထို့နောက် ဘယ်လက်က ညာတံတောင်ကို ဆွဲယူလိုက်ပါ။ ၁၀ စက္ကန့်ကနေ စက္ကန့် ၃၀ အထိ တောင့်ထားလိုက်ပါ။
ထို့နောက် လက်နှစ်ဖက်ကို ဘက်ပြောင်းကာ ထိုနည်းအတိုင်း ဆက်လက်ပြုလုပ်ပေးရမှာဖြစ်ပါတယ်။
လေ့ကျင့်ခန်း (၄)
Source: Readers.com
ဒီလေ့ကျင့်ခန်းလေးကတော့ ထိုင်ခုံမှာ ထိုင်နေရင်း တစ်ကိုယ်လုံးက အကြောအခြင် တွေကို ပြေလျော့ပေးမယ့် လေ့ကျင့်ခန်း တစ်ခုပဲဖြစ်ပါတယ်။ ပြုလုပ်ရမယ့် နည်းလမ်းကလည်း ရိုးရှင်းပါတယ်။ ထိုင်ခုံပေါ်မှာ ထိုင်နေရင်းနဲ့ ပြုလုပ်ရမယ့် လေ့ကျင့်ခန်းတစ်ခုပါ။
အဆင့် (၁) အရင်ဦးဆုံး ထိုင်ခုံပေါ်မှာ မတ်မတ်ထိုင်နေလိုက်ပါ။
အဆင့် (၂) ထို့နောက် လက်နှစ်ဖက်ကို ထိုင်ခုံအနောက်မှာ တစ်ခုနှင့်တစ်ခု လှမ်းချိတ်ထားလိုက်ပါ။
အဆင့် (၃) ထို့နောက် ဦးခေါင်းက မျက်နှာကျက်ပေါ်ကို မော့ကာ လက်နှစ်ဖက်က ခပ်တင်းတင်းလေး ဆွဲနိုင်သမျှ ဆွဲထားပေးလိုက်ပါ။ ၁၀ စက္ကန့်မှ စက္ကန့် ၃၀ ခန့် တောင့်ခံနေရပါမယ်။
လေ့ကျင့်ခန်း (၅)
Source: Readers.com
အဆင့် (၁) ထိုင်ခုံအစွန်းနားမှာ ခြေထောက်နှစ်ဖက်ကို ဖြောင့်တန်းစွာ စဉ်းထားပြီး ခါးမတ်မတ်ထားကာ ထိုင်နေပါ။
အဆင့် (၂) ထို့နောက် ခါးကို အရှေ့သို့ ကုန်းလိုက်ကာ ထောင့်ကျဉ်းပုံသဏ္ဍာန်ဖြစ်အောင် ပြုလုပ်ပေးလိုက်ပါ။
တတ်နိုင်သမျှ ကျဉ်းသထက် ကျဉ်းအောင် ပြုလုပ်ကာ အကြောလျော့ပေးရမှာပဲဖြစ်ပါတယ်။ ဒီလေ့ကျင့်ခန်းလေးသည် ထိုင်ခုံမှာ တနေကုန်ထိုင်ရလို့ ခါးတွေ ညောင်းညာတတ်သူများအတွက် သင့်တော်ပြီး ထိရောက်မှုရှိတဲ့ လေ့ကျင့်ခန်းတစ်ခုပဲဖြစ်ပါတယ်။
လေ့ကျင့်ခန်း (၆)
Source: Adhnk
အဆင့် (၁) ထိုင်ခုံပေါ်မှာ ခါးမတ်မတ်ထားကာ ထိုင်နေပါ။ ဘယ်ခြေက ညာခြေပေါ်မှာ ထပ်တင်ထားလိုက်ပါ။
အဆင့် (၂) ဘယ်လက်က ခုံပေါ်မှာ တင်ထားပြီး ညာလက်က ဒူးနှစ်ဖက်ပေါ် တင်ထားပါ။
အဆင့် (၃) ထို့နောက် ခန္ဓာကိုယ်အပေါ်ပိုင်းက ဘယ်ဘက်သို့ လှည့်ပေးလိုက်ရပါမယ်။
ကျန်တစ်ဖက်ကိုလည်း ထိုနည်းအတိုင်း ဆက်လက်ပြုလုပ်ပေးလိုက်ပါ။
လေ့ကျင့်ခန်း (၇)
Source: Readers.com
အဆင့် (၁) ထိုင်ခုံပေါ်တွင် ခါးမတ်မတ်ထားကာ ထိုင်နေပါ။
အဆင့် (၂) ဘယ်လက်က ညာ လက်ကောက်ဝတ်နားကို ဆွဲကိုင်ကာ ဘယ်ဘက်သို့ ဖမ်းဆွဲလိုက်ပါ။ စက္ကန့် ၃၀ ခန့် တောင့်ထားလိုက်ပါ။
အဆင့် (၃) ထိုနည်းအတိုင်းပဲ ညာလက်က ဘယ် လက်ကောက်ဝတ်နားကို ဆွဲကိုင်ကာ ညာဘက်သို့ ဖမ်းဆွဲလိုက်ပါ။ စက္ကန့် ၃၀ ခန့် တောင့်ထားလိုက်ပါ။
လေ့ကျင့်ခန်း (၈)
Source: Pinterest
အဆင့် (၁) ထိုင်ခုံပေါ်တွင် ခါးမတ်မတ်ထားကာ ထိုင်နေပြီး လက်နှစ်ဖက်က အရှေ့သို့ ဆန့်တန်းလိုက်ပါ။
အဆင့် (၂) ထို့နောက် ဦးခေါင်းက အရှေ့သို့ ငိုက်စိုက်လိုက်ပါ တစ်ချိန်တည်းမှာပဲ ခါးအနေအထားသည် ဝိုင်းသွားပါလိမ့်မယ်။ ၁၀ စက္ကန့်မှ စက္ကန့် ၃၀ အထိ တောင့်ထားပေးရပါမယ်။
ဒီလေ့ကျင့်ခန်းများကတော့ ၅ မိနစ်မှ ၁၀ မိနစ်ခန့်သာကြာတဲ့ အကြောအခြင်များကို ပြေလျော့စေတဲ့ လေ့ကျင့်ခန်း များပဲဖြစ်ပါတယ်။
Featured Image: Healthline
