ကောင်းမွန်စွာ အိပ်စက်ခြင်းက လူသားတစ်ယောက်ရဲ့ နေ့စဉ်ဘဝမှာ ဆိုင်ရာကျန်းမာရေး အတွက်သာမက၊ စိတ်ပိုင်းဆိုင်ရာ အတွက်ပါ အရေးပါလှပါတယ်။ ကောင်းမွန်စွာ အိပ်စက်ပြီး နိုးထလာရတဲ့ တစ်နေ့တာမှာ စိတ်ခံစားချက်ကောင်းစေပြီး ခန္ဓာကိုယ် နဲ့ ဦးနှောက်ရဲ့ လုပ်ငန်းဆောင် တာတွေကို ကောင်းမွန်စွာ လုပ်ဆောင်နိုင်စေပါတယ်။ တစ်ရက်တစ်လေ အိပ်ရေးပျက်တာ ပြဿနာမရှိပေမဲ့ နေ့စဉ် ရက်ဆက် အိပ်ပျော်ဖို့ခက်ခဲပြီး ကွီးတို့ရဲ့ အိပ်စက်မှုစက်ဝန်းကို ထိခိုက်လာပြီဆိုရင်တော့ ပြဿနာရှိလာပါပြီ။ နေ့စဉ်ရက်ဆက် အိပ်ပျော်ရခက်ပြီး အိပ်ရေးပျက်လာပါက ကွီးတို့ရဲ့သင်ယူမှု၊ မှတ်ဉာဏ်၊ စိတ်ခံစားမှုနဲ့ ဇီဝဗေဒဆိုင်ရာ လုပ်ဆောင်မှုတွေ အပါအဝင် ခန္ဓာကိုယ်နဲ့ ဦးနှောက်ရဲ့ အစိတ်အပိုင်းများစွာကို ဆိုးကျိုးတွေ ဖြစ်စေနိုင်ပါတယ်။ ဒါကြောင့် ကွီးတို့ကို အမြန်ဆုံး အိပ်ပျော်စေမဲ့ နည်းလမ်းကောင်း လေးတွေကို ဝေမျှပေးချင်ပါတယ်။

(၁) အပူချိန်ကိုလျော့ပါ

Photo : Hitach Century

ကွီးတို့ရဲ့ အခန်းက အနည်းငယ်ပူနေလျှင် အိပ်ပျော်ဖို့ခက်ခဲနိုင်ပါတယ်။ ဒါကြောင့် အခန်းအပူချိန်ကို ကွီးတို့စိတ်ကြိုက် သင့်တော်တဲ့ အေးမြသော အနေအထားမှာ ထားပါ။ ရေနွေးနွေးလေးနဲ့ ရေချိုးပေးခြင်းကလည်း ခန္ဓာကိုယ်အပူချိန်ပြောင်းလဲမှုကို အရှိန်မြှင့်ပေးနိုင်ပါတယ်။ သုံးသပ်ချက်တစ်ခုအရ အိပ်ရာမဝင်မီ ရေနွေးနွေးလေးနဲ သို့မဟုတ် ရေချိုးပေးခြင်းသည် အိပ်ချိန်ထိရောက်မှုနှင့် အိပ်စက်မှုစက်ဝန်းကို တိုးတတ်ကောင်းမွန် လာစေတယ်လို့ ဆိုပါတယ်။ အပူချိန်ကိုလျှော့ချခြင်းကလည်း ကွီးတို့ကို အမြန်ဆုံး အိပ်ပျော်စေမဲ့ နည်းလမ်းကောင်း လေးဖြစ်ပါတယ်။

(၂) ယောဂကျင့်ပါ ၊တရားထိုင်ပါ

Photo : Budda Weekly

တစ်ခါတစ်လေကျရင် လူတွေက စိတ်ဖိစီးမှုကြောင့် အိပ်ပျော်ရခက်ခဲတတ်ပါတယ်။ ယောဂကျင့်ခြင်းနဲ့ တရားထိုင်ခြင်းတို့က စိတ်ကိုတည်ငြိမ်စေပြီး ခန္ဓာကိုယ်ကို ပြေလျော့စေပြီး လျင်လျင်မြန်မြန် အိပ်ပျော်စေပါတယ်။ ယောဂကျင့်ခြင်းက အိပ်စက်မှုစက်ဝန်းကို အပြုသဘောဆောင်သော အကျိုးများ သက်ရောက်စေတယ်လို့ ဆိုပါတယ်။ တရားထိုင်ခြင်းက Melatonin ပမာဏကိုတိုးမြှင့်စေပြီး အိပ်ပျော်ရန်လွယ်ကူသည့် အခြေအနေကိုရောက်ရန် ဦးနှောက်ကိုအထောက်အကူ ပြုပါတယ်။

(၃) နာရီ ခဏခဏ ကြည့်ခြင်းကိုရှောင်ပါ

Photo : SHRM

အိပ်မပျော်တဲ့ သူတွေက နာရီကိုခဏခဏ ကြည့်တတ်ပါတယ်။ “ဘယ်အချိန်ရောက်ပြီ၊ ငါတော့အိပ်မပျော်သေးဘူး၊ အချိန်ဘယ်လောက်ပဲ အိပ်ရတော့မယ်” စသည့်ဖြင့် စိုးရိမ်ပူပန်နေခြင်းက ကွီးတို့ရဲ့ အိပ်မပျော်ခြင်းကို ပိုဆိုးစေပါတယ်။ ဒါ့အပြင် ညသန်းခေါင်မှာ တစ်ရေးနိုးတဲ့လူတွေက နာရီကြည့် ပြီး ပြန်လည်အိပ်ပျော်ဖို့ ခက်တာတွေ ကြုံတွေရတတ်တာမျိုး ရှိတယ်လို့ ဆိုပါတယ်။ ဒါကြောင့် နာရီခဏ ခဏကြည့်ခြင်းကို ရှောင်ပါ။ ဖြစ်နိုင်လျှင် ကွီးတို့အခန်းထဲမှာ နာရီကိုမထားပါနဲ့။

(၄) နေ့ဘက်တွင် ကိုယ်လက်လေ့ကျင့်ခန်းလုပ်ပါ

Photo : Garmin

အိပျော်ဖို့ခက်ခဲတဲ့ ပြဿနာ ဒါမှမဟုတ် အိပ်မပျော်တဲ့ ပြဿနာကို ကိုယ်လက်လေ့ကျင့်ခန်းလုပ်ခြင်းဖြင့် ဖြေရှင်းလို့ရပါတယ်။  ဇီဝကမ္မဖြစ်စဉ်အရ လေ့ကျင့်ခန်းလုပ်ခြင်းက ကွီးတို့ရဲ့ ခန္ဓာကိုယ်ကို အံသြဖွယ်ကောင်းလောက်အောင် အကျိုးရှိစေပြီး အိပ်စက်ခြင်း စက်ဝန်းကို ပိုမိုကောင်းမွန်စေပါတယ်။ စူးစမ်းလေ့လာသူများ၏ အကြံပြုချက်များအရ နေ့စဉ် လေ့ကျင့်ခန်းလုပ်ခြင်းက အိပ်စက်ခြင်းကို မြှင့်တင်ပေးတယ် လို့ဆိုပါတယ်။ ထို့နောက် လေ့ကျင့်ခန်းလုပ်ရာတွင်လည်း လေ့ကျင့်ခန်းလုပ်သည့်နေ့၏ အချိန်သည်လည်း အရေးကြီးပါတယ်။ ပိုမိုကောင်းမွန်သော အိပ်စက်ခြင်းအရည်အသွေးကို မြှင့်တင်ရန်နိုင်ရန် အတွက် နံနက်စောစောတွင် လေ့ကျင့်ခန်းလုပ်ခြင်းက ‌နေ့ခင်းဘက်တွင် လေ့ကျင့်ခန်းလုပ်ခြင်း ထက်ပို ထိရောက်တယ်လို့ ဆိုပါတယ်။ ကွီးတို့ ညဘက်တွင် အမြန်ဆုံး အိပ်ပျော်ဖို့အတွက် နေ့ဘက်တွင် အချိန်တစ်ခုသတ်မှတ်ပြီး လမ်းလျှောက်ခြင်း၊ ပြေးခြင်း၊ စက်ဘီးစီးခြင်းနဲ့ တင်းနစ်ကစားခြင်း စသည့် ကွီးတို့ ကြိုက်နှစ်သက်ရာ ကိုယ်လက်လေ့ကျင့်ခန်းတစ်ခုကို လုပ်ပါ။

(၅) စာဖတ်ပါ

Photo : Good e-Reader

ကွီးတို့ကို အမြန်ဆုံး အိပ်ပျော်စေမဲ့ နည်းလမ်းကောင်း လေးတွေထဲက တစ်ခုကတော့ အိပ်ရာမဝင်ခင် စာဖတ်ခြင်းပါပဲ။ အိပ်ရာမဝင်ခင် စာဖတ်ခြင်းက ကောင်းမွန်တဲ့ လုပ်ဆောင်ချက်တစ်ခု ဖြစ်ပါတယ်။ သို့သော်လည်း စာဖတ်ရာမှာ  Phone၊ Laptop ၊ Tablet အစရှိတဲ့ အီလက်ထရောနစ် ပစ္စည်းများနဲ့ စာဖတ်ခြင်းကို ရှောင်ကြဉ်ရပါမယ်။ အီလက်ထရောနစ်ပစ္စည်းများနဲ့ စာဖတ်ခြင်းသည် ထိုပစ္စည်းများမှ ထုတ်လွှတ်သော အပြာရောင်အလင်းတန်းများက မယ်လာတိုနင် (Melatonin) ထွက်နှုန်းကို လျှော့ချပေးလိုက်ပါတယ်။ မက်လာတိုနင် ပမာဏ ကျဆင်းခြင်းသည် ကွီးတို့အား အိပ်ပျော်ရန် ခက်ခဲစေပြီး နောက်နေ့တွင် မောပန်းနွမ်းနယ်စေပါတယ်။ ထိုကြောင့် ကွီးတို့အနေနဲ့ အိပ်ရာမဝင်ခင် စာဖတ်လျှင် သမားရိုးကျ စာအုပ်ကိုသာရွေးချယ်ဖို့ အရေးကြီးပါတယ်။

(၆) ရနံ့ကုထုံးကို စမ်းကြည့်ပါ

Photo : Goodmart

အခုနောက်ပိုင်းမှာ အိပ်ပျော်ရန် အခက်အခဲရှိသူများဟာ ရနံ့ကုထုံးများကို အသုံးပြုလာတာ တွေ့ရပါတယ်။ လေ့လာချက်များအရ ရနံ့ကုထုံးအသုံးပြုခြင်းက အိပ်စက်ခြင်း အရည်အသွေးကို ပိုမိုကောင်းမွန်စေရန် ထိရောက်မှုရှိလို့ ဆိုပါတယ်။ အိပ်စက်ခြင်းအပေါ် ကောင်းမွန်သော အကျိုးသက်ရောက်မှုရှိပြီး လူကြိုက်များသော ရနံ့များမှာ လာဗင်ဒါနံ့၊ နှင်းဆီနံ့နဲ့ အခြားသင်းပျံ့သောရနံ့များ ဖြစ်ပါတယ်။ ကွီးတို့ အနေနဲ့ နေ့ဘက်မှာ ကိုယ်လက်လှုပ်ရှားမှုလုပ်ဖို့ အချိန်မရှိဘူးဆိုရင် ဒီရနံ့ကုထုံးကို စမ်းကြည့်ပါ။

အခု ဖော်ပြပေးလိုက်တာကတော့ ကွီးတို့အတွက် အမြန်ဆုံး အိပ်ပျော်စေမဲ့ နည်းလမ်းကောင်း လေးတွေပဲ ဖြစ်ပါတယ်။ ညဘက်မှာ အိပ်ပျော်ဖို့ရာ ခက်ခဲနေပြီး အချိန်ကြာမြင့်တဲ့အထိ အိပ်မပျော်တဲ့ ကွီးတို့အတွက် ဒီနည်းလမ်းလေးတွေက အထောက်အကူပြုမယ်လို့ မျှော်လင့်ပါတယ်။

Source : Healthline

Featured Photo : Businessinsider