အောက်ပိုင်း နေ့ဆို Gym ပြေးနေကျ ကွီးတို့အတွက် ဒီတစ်ခေါက်မှာတော့ Lower Body တောင့်တောင့်တင်းတင်းနဲ့ မာဆယ် တည်ဆောက်ဖို့ သိပ်မပြင်းထန်တဲ့ လေ့ကျင့်ခန်း အချို့ကို ဖော်ပြပေးပါမယ်။ ခန္ဓာကိုယ် အောက်ပိုင်းမှာရှိတဲ့ ကြွက်သားတွေကို ကျစ်လစ်သန်မာစေပြီး Lower Body Strength တက်ချင်ရင်တော့ ဒီလေ့ကျင့်ခန်းတွေသာ ကွီးတို့ ဖိကစားပေးပါ။
(၁) Lateral Lunges
Photo : Eat This Not That
Lateral Lunges လေ့ကျင့်ခန်းကတော့ ခန္ဓာကိုယ် အောက်ပိုင်း မှာရှိတဲ့ အဓိက ကြွက်သားအစိတ်အပိုင်းတွေ အားလုံးနီးပါကို ထိရောက်မှု ရှိပါတယ်။ ပေါင်အရှေ့ခြမ်း / အနောက်ခြမ်း ၊ တင်ပါးဆုံ ၊ ခြေသလုံး ၊ တံကောက်ကြော စတဲ့ ကြွက်သားတွေ အားလုံး ပါပါတယ်။ ဒီလေ့ကျင့်ခန်းက တင်ပါးဆုံ ကြွက်သားတွေရဲ့ Mobility ၊ Flexibility နဲ့ Stability ကိုလည်း တိုးစေဖို့ ပံ့ပိုးပေးပါတယ်။
(၂) Side Plank With Leg Raise
Photo : Eat This Not That
Side Plank ကိုတော့ ခါးဘေးလိုင်း ကြွက်သားတွေကို ထိစေတဲ့ လေ့ကျင့်ခန်း လို့ လူသိများပါတယ်။ Side Plank ကိုမှ ခြေထောက်မြှောက်ပြီး ကစားတဲ့ ပုံစံဟာ Obliques ကြွက်သားနဲ့ တဆက်တည်း ပေါင်နဲ့ တင်ပါးဆုံ ကြွက်သားတွေကိုပါ ထိရောက်မှု ရှိစေပါတယ်။ ခြေထောက်တွေကို ဘယ်/ညာ တစ်လှည့်စီ ပြောင်းကစားပေးပါ။
(၃) Cossack Squats
Photo : Eat This Not That
Cossack Squats ကတော့ အောက်ပိုင်း ကြွက်သားတွေကို အကြောလျော့ပေးတဲ့ လေ့ကျင့်ခန်း ပုံစံပါ။ ဒီလေ့ကျင့်ခန်းကလည်း ခြေထောက်တွေကို ဘယ်ညာ တစ်လှည့်စီ ပြောင်းပြီး ကစားပေးရမှာ ဖြစ်ပါတယ်။ Cossack Squats လေ့ကျင့်ခန်းက Quads ၊ Glutes ၊Hamstrings ၊ Adductors နဲ့ Abductors ကြွက်သား အစိတ်အပိုင်းတွေ အားလုံးကို ကျစ်လစ်သန်မာစေပါတယ်။
(၄) Skater Jumps
Photo : Eat This Not That
Skater Jumps လေ့ကျင့်ခန်းကတော့ စကိတ်စီးတဲ့ ကိုယ်ဟန်အနေအထားနဲ့ ပုံစံယူပြီး ဘယ်ညာတစ်လှည့်စီ ခုန်ပေးရတဲ့ ကစားနည်းပုံစံ ဖြစ်ပါတယ်။ ရိုးရှင်းပြီး လွယ်ကူပေမယ့် အောက်ပိုင်း ကြွက်သားအစိတ်အပိုင်းတွေအပေါ် ထိရောက်မှုကတော့ ပြင်းထန်ပါတယ်။ ဒီလေ့ကျင့်ခန်းက Glutes ၊ Hamstrings ၊ Quadriceps ၊ Calves နဲ့ Core ကြွက်သားတွေကိုပါ ကျစ်လစ်သန်မာစေမှာ ဖြစ်ပါတယ်။
Source : Eat This Not That
Featured Photo : The Trend Spotter
