ဒီဘက်ခေတ်မှာ အမျိုးသမီး ရဲ့ ပါဝါက တော်တော်လေး ကြီးထွားလာတာ တွေ့ရမှာပါ။ ယောကျာ်းတွေနဲ့ တန်းတူ ရင်ဘောင်တန်းပြီး အောင်မြင်နေတဲ့ အမျိုးသမီးတွေ ဒုနဲ့ဒေးရှိပါတယ်။ Relationship တစ်ခုမှာ ကွီးတို့ရဲ့ ပါတနာက သိပ်ကိုထက်ပြီး Smart ဖြစ်တဲ့ သူတစ်ယောက် ဆိုရင်တော့ အနည်းငယ် ကိုင်တွယ်ရခက်တဲ့ ပြဿနာလေးတွေ ရှိလာနိုင်ပါတယ်။ ဒီနေ့တော့ ဒီအကြောင်းကို ဆွေးနွေးရအောင်ပါ။
(၁) ကိုယ့်အရည်အချင်းကို ယုံကြည်ပါ
Photo : PureWow
ကွီးတို့ရဲ့ ပါတနာက အရမ်းထက် ၊ အရမ်းတော်တဲ့ သူတစ်ယောက်ဖြစ်နေလို့ သိမ်ငယ်စရာ မလိုပါဘူး။ ကွီးတို့မှာလည်း ကိုယ်ပိုင်ဘဝ လမ်းကြောင်းတစ်ခု ရှိပြီးသား ဖြစ်ပါတယ်။ ကိုယ့်အလုပ် ၊ ကိုယ့်လမ်းကြောင်းကို အာရုံစိုက်ဖို့ပဲ လိုပါတယ်။ လူတိုင်းမှာ ဘယ်သူနဲ့မှမတူတဲ့ အားသာချက် ၊ ကိုယ်ပိုင် အရည်အချင်းတွေ ရှိပြီးသားပါ။ ဒီတော့ ကိုယ့်ကိုယ်ကိုယ် အာရုံစိုက်ပြီး ကိုယ့်အရည်အချင်းကို ယုံကြည်မှုရှိနေဖို့ပဲ အရေးကြီးပါတယ်။
(၂) စိတ်အားထက်သန်မှု ရယူပါ
Photo : slate.com
တကယ်တော့ Smart ဖြစ်တဲ့ လူတွေ ကိုယ့်အနားရှိနေတာဟာ ကံကောင်းခြင်း တစ်ခုပါပဲ။ ယူတက်ရင် ကိုယ့်အတွက် Inspire ဖြစ်စရာချည်းပါ။ ကိုယ့်ပါတနာ အမျိုးသမီးရဲ့ အောင်မြင်မှုကို အမှီအခိုပြုခိုင်းတာ မဟုတ်ပါဘူး။ သူမဆီကနေ ကောင်းမွန်တဲ့ အလေ့အကျင့်တွေ ၊ အတုယူစရာ အချက်တွေကို လေ့လာသင်ယူပြီး ကိုယ့်ဘဝလမ်းကြောင်းအတွက် အကျိုးဖြစ်စေမယ့် စိတ်အားထက်သန်မှုတွေကို ရယူခိုင်းတာ ဖြစ်ပါတယ်။
(၃) သူမအတွက် ဂုဏ်ယူပေးပါ
Photo : Medium
ကိုယ့်ချစ်သူ လက်တွဲဖော်ရဲ့အောင်မြင်မှုကို ဘာအတွက်ကြောင့် ဝမ်းသာမပေးနိုင်ရမှာလဲ ? သူမရဲ့ကြိုးစားမှု ၊ အောင်မြင်မှုတွေအတွက် ကွီးတို့ ကိုယ်တိုင် စိတ်ရင်းနဲ့ ပျော်ရွှင်ဂုဏ်ယူပေးရမှာ ဖြစ်ပါတယ်။ တစ်ယောက်နဲ့တစ်ယောက် အောင်မြင်မှု ၊ ပျော်ရွှင်မှုတွေကို အတူတူမျှဝေ ခံစားတာဟာ Relationship တစ်ခုရဲ့ စစ်မှန်တဲ့ အနှစ်သာရလို့ ပြောမယ်ဆို မမှားနိုင်ပါဘူး။
(၄) ဂရုစိုက်ကြင်နာပါ
Photo : Relationship Rules
ဘယ်လောက်ပဲ အမှီအခိုကင်းတဲ့ အမျိုးသမီး ၊ ထက်မြက်တဲ့ အမျိုးသမီးတစ်ယောက် ဖြစ်နေပါစေ ကိုယ့်ချစ်သူ လက်တွဲဖော်ရဲ့ ဂရုစိုက်ကြင်နာပေးတာကို လိုချင်ကြသူတွေ ချည်းပါပဲ။ အမျိုးသမီးတစ်ယောက်အတွက် စိတ်ပိုင်းဆိုင်ရာ လုံခြုံမှု / ရုပ်ပိုင်းဆိုင်ရာ နွေးထွေးကြင်နာမှုဟာ သိပ်ကို အရေးပါပါတယ်။ ဒါကြောင့် ကွီးတို့အနေနဲ့ ကိုယ့်ချစ်သူကို ကြင်ကြင်နာနာနဲ့ နွေးထွေးတဲ့ ဂရုစိုက်မှုလေးတွေ ပေးပါ။ တစ်ယောက်နဲ့တစ်ယောက် စိတ်ချင်းချိတ်ဆက်မှု ကောင်းကောင်းရအောင် ကြိုးစားပါ။ ပျော်ရွှင်ကျေနပ်စရာ ဆက်ဆံရေးတစ်ခုကို ပိုင်ဆိုင်နိုင်ပါလိမ့်မယ်။
Source : LoveDevani.com
Featured Photo : The List
