နှစ်သစ်ရဲ့ ပထမဆုံးလမှာပဲ စောင့်ဆိုင်း ကြည့်ရှုသွားရမယ့် ရုပ်ရှင်ဇာတ်ကားသစ်တွေကတော့ အများကြီးကို ရှိလို့နေပါတယ်။ ဒီဇာတ်ကားထဲကမှ အက်ရှင်အမျိုးအစားကိုမှ သဘောကျပါတယ်ဆိုတဲ့ ကွီးတို့အတွက် အက်ရှင်ကားအသစ်များအကြောင်းကို ဖော်ပြပေးလိုက်ပါတယ်။

Den of Thieves 2: Pantera

Source : Lionsgate Movies Youtube Channel

Action, Crime, Thriller အမျိုးအစား Den of Thieves 2: Pantera ဇာတ်ကားဟာ လာမယ့် (၁၀)ရက်နေ့မှာပဲ စတင် ပြသသွားတော့မယ့် အက်ရှင်ဇာတ်ကြမ်းရုပ်ရှင် ဖြစ်ပါတယ်။ အရင်ဇာတ်ကားထဲက အဓိက သရုပ်ဆောင်တွေဖြစ်တဲ့ Gerard Butler နဲ့ O’Shea Jackson Jr. တို့လည်း အခု ရုပ်ရှင်ထဲမှာ ပြန်လည် ပါဝင်လာခဲ့ပြီးတော့ ပိုပြီးတော့လည်း စိတ်ဝင်စားစရာကောင်း နိုင်ပါတယ်။

Flight Risk

Source : Lionsgate Movies Youtube Channel

နာမည်ကြီး ဟောလီးဝုဒ် မင်းသားကြီး Mark Wahlberg ရဲ့ ရုပ်ရှင်ကားသစ် Flight Risk ဟာလည်း ဒီလ (၂၄)ရက်နေ့မှာ စတင် ပြသသွားမှာ ဖြစ်ပါတယ်။ တရားခံပြေးတစ်ဦးနဲ့ လေတပ်အရာရှိတစ်ဦးတို့ကို ပို့ဆောင်ပေးရတဲ့ လေယာဉ်မှူးတစ်ဦးအကြောင်း ရိုက်ကူးထားတဲ့ ဒီဇာတ်ကားမှာ ဘယ်လို စိတ်လှုပ်ရှားစရာကောင်းတဲ့ အကြောင်းအရာတွေ အက်ရှင်ဇာတ်ဝင်ခန်းတွေ ပါဝင်ထားမလဲဆိုတာ စောင့်မျှော် ကြည့်ရှုသင့်ပါတယ်။

Valiant One

Source : Movie Trailers Source Youtube Channel

ဒီရုပ်ရှင်က Action type ဆိုတာထက် Political Thriller အမျိုးအစားဖြစ်ပြီး တောင်-မြောက် ကိုရီးယားနှစ်နိုင်ငံ အခြေအနေ တင်းမာမှုကို အခြေခံ ရိုက်ကူးထားတာလည်း ဖြစ်ပါတယ်။ မြောက်ကိုရီးယားဘက်ခြမ်းမှာ ယူအက်စ် ဟယ်လ်လီကော်ပတာတစ်စင်း ပျက်ကျသွားချိန် အသက်ရှင် ကျန်ရစ်သူတွေက အရပ်သား နည်းပညာ ကျွမ်းကျင်သူတစ်ဦးကို အမေရိကန်စစ်တပ်ရဲ့ အကူအညီမပါဘဲ အတူတကွ ပူးပေါင်း ကာကွယ်ပေးတဲ့ အကြောင်းကို ရိုက်ကူးထားတာ ဖြစ်ပါတယ်။ ဒီဇာတ်ကားကတော့ (၃၁)ရက်နေ့မှာ ရုံတင် ပြသသွားပါမယ်။

Source – IMDb

Featured Photo : Bleeding Cool