အရွယ်ရောက်ပြီးသား လူတစ်ယောက်အနေနဲ့ သိပ်မပြင်းထန်ဘဲ အလယ်အလတ်လောက်သာ ပင်ပန်းမယ့် အေရိုးပစ်လေ့ကျင့်ခန်းများကို ၁ ရက်လျှင် မိနစ် ၃၀ ၊ တစ်ပတ်လျှင် ၅ ရက် ပြုလုပ်ရန် (သို့) ပြင်းထန်တဲ့ လေ့ကျင့်ခန်းများကို တစ်ရက်လျှင် မိနစ် ၂၀၊ တစ်ပတ်လျှင် ၃ ရက်ခန့် ပြုလုပ်သင့်ကြောင်း အမေရိကန် အားကစား ဆေးဝါးကောလိပ်က အကြံပေးထားပါတယ်။ ကွီးတို့အနေနဲ့ တစ်ရက်ကို မိနစ် ၂၀ လောက်လေး အချိန်မပေးနိုင်ဘူး ဆိုရင်တော့ ဆော်ကြည် ဖို့ စိတ်မကူးပါနဲ့တော့။
အနာခံမှ အသာစံရမယ်ဆိုတဲ့ စကားအတိုင်းပဲ တစ်ရက်လျှင် မိနစ် ၂၀ လောက် လေ့ကျင့်ခန်း ပြုလုပ်မယ်ဆိုရင်တော့ ကိုယ်လိုချင်တဲ့ ခန္ဓာကိုယ်ကို ရရှိပိုင်ဆိုင်နိုင်ပြီး ဆော်ကြည် ဘဲတစ်ဗွေဖြစ်မှာ အသေအချာပါပဲ။
တစ်ရက်လျှင် မိနစ် ၂၀ ၊ တစ်ပတ်လျှင် ၃ ရက်ခန့် လေ့ကျင့်ခန်း ပြုလုပ်မယ်ဆိုရင်တော့ အခုဖော်ပြပေးမယ့် လေ့ကျင့်ခန်းတွေက အသင့်တော်ဆုံးပါပဲ။
အရင်ဦးဆုံး သွေးပူလေ့ကျင့်ခန်း ပြုလုပ်ပေးလိုက်ပါ။ သွေးပူလေ့ကျင့်ခန်း တစ်ခုကို စက္ကန့် ၃၀ စီဖြင့် သွေးပူလေ့ကျင့်ခန်း (၆) ခု ပြုလုပ်ပေးလိုက်ပါ။
သွေးပူလေ့ကျင့်ခန်း ပြီးသွားရင်တော့ အခုဖော်ပြပေးမယ့် လေ့ကျင့်ခန်းများကို တစ်ခုစီလျှင် စက္ကန့် ၄၀ စီ ပြုလုပ်ပြီး လေ့ကျင့်ခန်း တစ်ခုနှင့် တစ်ခုကြား စက္ကန့် ၂၀ အနားယူနိုင်ပါတယ်။ ထို့နောက် လေ့ကျင့်ခန်း အစအဆုံးကိုတော့ ၃ ကျော့စီ ဆော့ကစားပေးရမှာ ဖြစ်ပါတယ်။
လေ့ကျင့်ခန်း (၁)
ပထမဦးဆုံး လေ့ကျင့်ခန်းကတော့ Leg Scissors ပဲဖြစ်ပါတယ်။ ခြေထောက်နှစ်ဖက်ကို ကတ်ကြေး ပုံသဏ္ဍာန် အပေါ် အောက် လွှဲပေးရမှာဖြစ်ပါတယ်။ ဘယ် ညာ တစ်လှည့်စီ ပြုလုပ်ပြီး စက္ကန့် ၄၀ ပြည့်အောင် ပြုလုပ်ပါ။
လေ့ကျင့်ခန်း (၂)
နောက်လေ့ကျင့်ခန်းကတော့ ဒိုက်ထိုး လေ့ကျင့်ခန်းပဲ ဖြစ်ပါတယ်။ စုစုပေါင်း စက္ကန့် ၄၀ ပြည့်အောင် ပြုလုပ်ဖို့ လိုအပ်ပါတယ်။ ထို့နောက် စက္ကန့် ၂၀ ခန့် အနားယူနိုင်ပါတယ်။
လေ့ကျင့်ခန်း (၃)
တတိယမြောက် လေ့ကျင့်ခန်းကတော့ Squat ထိုင်ရမှာဖြစ်ပါတယ်။ ဒီလေ့ကျင့်ခန်းကတော့ ကွီးတို့ရဲ့ ခန္ဓာကိုယ် အောက်ပိုင်းကြွက်သားများကို သန်မာလာစေမှာပဲ ဖြစ်ပါတယ်။
လေ့ကျင့်ခန်း (၄)
ဒီလေ့ကျင့်ခန်းလေးကတော့ Russian Twists လေ့ကျင့်ခန်းပဲ ဖြစ်ပါတယ်။ ခန္ဓာကိုယ်ကို ဟိုဘက် ဒီဘက် တစ်လှည့်စီ လှည့်ပေးရမှာပဲ ဖြစ်ပါတယ်။ စုစုပေါင်း စက္ကန့် ၄၀ ပြုလုပ်ပေးရပါမယ်။
လေ့ကျင့်ခန်း (၅)
နောက်ထပ်လေ့ကျင့်ခန်းကတော့ Bicycle Crunches လေ့ကျင့်ခန်းပဲ ဖြစ်ပါတယ်။ ကွီးတို့ရဲ့ ဝမ်းဗိုက်နှင့် ခါးက အဆီပိုများကို ဖယ်ရှားပေးမှာပဲ ဖြစ်ပါတယ်။
လေ့ကျင့်ခန်း (၆)
နောက်ဆုံး လေ့ကျင့်ခန်းကတော့ Mountain Climber လေ့ကျင့်ခန်းပဲ ဖြစ်ပါတယ်။ ဒီလေ့ကျင့်ခန်းကိုလည်း စက္ကန့် ၄၀ ပြည့်အောင် ပြုလုပ်ပေးလိုက်ပါ။
လေ့ကျင့်ခန်း (၁) ကနေ (၆) အထိပြည့်တဲ့အခါ ၁ မိနစ် အနားယူနိုင်ပါတယ်။ ထို့နောက် လေ့ကျင့်ခန်း အစကနေ အဆုံးအထိကို ၃ ကျော့ ပြည့်အောင် ပြုလုပ်ပေးရပါမယ်။
တစ်နေ့ကို မိနစ် ၂၀ တည်း အချိန်ပေးရုံနဲ့ ဆော်ကြည် ဘဲတစ်ဗွေ ဖြစ်နိုင်ပြီဆိုတော့ ဘာတွေ စောင့်နေဦးမှာလဲ။
Source: Themanual
Featured Image: Freepik
