ပိန်တယ်ဆိုတာ အကြောင်းအမျိုးမျိုး ရှိပါတယ်။ Skinny လို့ ခေါ်လောက်အောင် ပိန်လွန်းတာကတော့ မျိုးရိုးဗီဇကြောင့်လည်း ဖြစ်နိုင်သလို အသက်အရွယ် ၊ အစားအသောက် နဲ့ ကိုယ်လက်လှုပ်ရှားမှုနည်းတဲ့အချက်တွေကြောင့်လည်း ဖြစ်တတ်ပါတယ်။ Skinny Type ဖြစ်အောင် ပိန်လို့ စိတ်ဓါတ်မကျပါနဲ့။ ပိန်လည်း Muscle Mass တက်အောင် ပုံပြောင်းလို့ ရပါတယ်။
(၁) Resistance Training ကစားပါ
Photo: Unsplash
ကြွက်သားသန်မာမှုနဲ့ ခံနိုင်ရည်ပိုင်း တက်အောင် ကစားတဲ့ Resistance Training လေ့ကျင့်ခန်းဟာ ကြွက်သားအမျှင်တွေကို အရွယ်အစားကြီးစေတဲ့ ဟော်မုန်းနဲ့ ဖွံ့ဖြိုးရေးဘက်လည်း လှုံ့ဆော်ပေးနိုင်ပါတယ်။ ကြွက်သားထု တက်လာအောင် Heavy Weights တွေ မ,တာကို Resistance Training ကစားတယ်လို့ ဆိုနိုင်ပါတယ်။ အခုမှ Weight မမယ့်သူဆိုရင် ပေါ့ပေါ့ပါးပါးက စပြီး ဖြည်းဖြည်းချင်း ကစားတာမျိုး လုပ်နိုင်ပါတယ်။
(၂) အကြိမ်နည်းနည်းနဲ့ ဝိတ်များများ မ,ပါ
Photo: Unsplash
ဝိတ်မ,ရာမှာ ၁၀ ကြိမ် ၁၅ ကြိမ် အကြော့တွေ ကစားတာထက် ဝိတ်များများနဲ့ တစ်ကြိမ်ကို ၅ ကြိမ် ၆ ကြိမ်လောက်ပဲ မ,ဖို့ လုပ်ရမှာ ဖြစ်ပါတယ်။ အကြိမ်ရေနည်းနည်းနဲ့ ပိုလေးတဲ့ Weights တွေ မ,ခြင်းအားဖြင့် ကြွက်သားတက်အောင် ပုံသွင်းတာကို ပိုပြီး အလုပ်ပေးနိုင်ပါတယ်။ Skinny ဖြစ်နေတဲ့ အမျိုးသားတွေအတွက် ဒီနည်းက ထိရောက်မှုရှိတယ်လို့ ညွှန်းထားပါတယ်။
(၃) တစ်ပတ်ကို အနည်းဆုံး ၃ ကြိမ် Training ဆင်းပါ
Photo: Unsplash
ကြွက်သားကြီးထွားဖို့ဆို ကြွက်သား Group တစ်ခုချင်းစီကို တစ်ပတ်ကို ၂ ကြိမ် ၃ ကြိမ် လေ့ကျင့်ပေးဖို့ လိုပါတယ်။ အလုပ်များတဲ့လူဆိုရင် တစ်နေ့တစ်နေ့ သီးသန့် Body Parts အလိုက် ခွဲပြီး အလုပ်လုပ်ရမှာ ဖြစ်ပါတယ်။ တစ်ပတ်မှာ နှစ်ကြိမ်/သုံးကြိမ်လောက် Full-Body Workouts တွေ လုပ်ခြင်းအားဖြင့် ကြွက်သားအစုတွေ သိသိသာသာ ကြီးထွားအားကောင်းလာမှာပါ။
(၄) အာဟာရမှန်ပါစေ
Photo: Unsplash
Muscle ကြီးလာဖို့အတွက် အစားအသောက် အာဟာရလည်း မှန်ကန်ဖို့ လိုပါတယ်။ ကြွက်သားတက်လာဖို့ စားသင့်တဲ့ အာဟာရတွေက ပရိုတိန်း နဲ့ ကာဗွန်ဟိုက်ဒရိတ်တို့က အဓိကပါပဲ။ ပေါင် ၁၆၀ ရှိတဲ့ လူတစ်ယောက်အတွက် တစ်ရက်ကို ပရိုတိန်း ၁၆ ဂရမ်စားပေးဖို့ လိုပါတယ်။ လေ့လာမှုတွေအရ အားကစားလုပ်ပြီးချိန်မှာ ချောကလက်နို့တစ်ခွက် သောက်တာကလည်း ပရိုတိန်း ၊ ကာဗွန်ဟိုက်ဒရိတ်နဲ့ အဆီဓါတ်အတွက် လုံလောက်တယ်လို့ ဆိုပါတယ်။ အချိန်မရသူတွေအတွက် ပန်းသီး ၊ မြေပဲထောပတ် နဲ့ အယ်လမွန် နဲ့ ဒိန်ချဉ် တွေအလွယ်တကူ စားသောက်နိုင်ပါတယ်။
Featured Photo: ontoorthopedics
