ကွီး တို့ရဲ့ ဝမ်းဗိုက် ရှိ အဆီပို များကို ဖယ်ရှားပေးမယ့် Crunches လေ့ကျင့်ခန်း အမျိုးမျိုး

ဝမ်းဗိုက်ရှိ အဆီပို များကြောင့် စိတ်ညစ်နေတဲ့ ကွီး တို့ အတွက် ထိရောက်မှုရှိတဲ့ Crunches လေ့ကျင့်ခန်းများကို ဝေမျှပေးချင်ပါတယ်။ Crunches လေ့ကျင့်ခန်းများ ပြုလုပ်ခြင်းရဲ့ အကျိုးကျေးဇူးများကတော့ ဝမ်းဗိုက် အဆီကျစေခြင်း၊ ကယ်လိုရီများကို လောင်ကျွမ်းစေကာ ဝမ်းဗိုက် ကြွက်သားများ ကျစ်လျစ်စေခြင်း အစရှိတဲ့အကျိုးကျေးဇူးများကို ရရှိပိုင်ဆိုင်စေပါတယ်။အဆင်သင့်ဖြစ်ပြီဆိုရင် ကွီး တို့ရဲ့ ဝမ်းဗိုက် ရှိ အဆီပို များကို ဖယ်ရှားပေးမယ့် Crunches  လေ့ကျင့်ခန်း အမျိုးမျိုး ပြုလုပ်နည်းများကို လေ့လာကြည့်လိုက်ရအောင်။

လေ့ကျင့်ခန်း (၁)

လေ့ကျင့်ခန်းပြုလုပ်တဲ့ဖျာပေါ်တွင် လှဲလျောင်းနေပါ။ ထို့နောက် လက်နှစ်ဖက်က ဦးခေါင်းနား ကပ်ထားပါ။ ခန္ဓာကိုယ်အပေါ်ပိုင်းကို ဝမ်းဗိုက် ကြွက်သားအားအသုံးပြုကာ အပေါ်သို့ ကြွပေးလိုက်ပါ။ စုစုပေါင်း ၁၂ ကြိမ်၊ ၃ ကျော့ ပြုလုပ်ပေးရမှာဖြစ်ပါတယ်။

လေ့ကျင့်ခန်း (၂)

ဒီလေ့ကျင့်ခန်းကတော့ စက်ဘီးနင်းတဲ့ ပုံစံအတိုင်း Bicycle Crunches ပြုလုပ်ရမှာဖြစ်ပါတယ်။ စုစုပေါင်း ၁၂ ကြိမ်၊ ၃ ကျော့ ပြုလုပ်ပေးလိုက်ပါ။

လေ့ကျင့်ခန်း (၃)

ခြေထောက်နှစ်ဖက်ကို အပေါ်သို့ မြှောက်ကာ မျက်နှာကျက်သို့ ပင့်တင်ပေးလိုက်ပါ။ ထို့နောက် ပြန်ချလိုက်ပါ။ စုစုပေါင်း ၁၂ ကြိမ်၊ ၃ ကျော့ ပြုလုပ်ပါ။

လေ့ကျင့်ခန်း (၄)

ကြမ်းပြင်ပေါ်တွင် လှဲလျောင်းပြီးနောက် ခြေထောက်နှစ်ဖက်ကို အပေါ်သို့ အနည်းငယ် ကြွလိုက်ပါ။ ထို့နောက် ဘယ်ခြေကို ညာခြေပေါ်သို့ လွှဲပါ။ တစ်ဖန် ညာခြေကိုလည်း ဘယ်ခြေအပေါ်သို့ လွှဲလိုက်ပါ။ ဘယ်ညာ တစ်ဖက်စီကို တစ်ကြိမ်လို့ သတ်မှတ်ပြီး စုစုပေါင်း ၁၂ ကြိမ်၊ ၃ ကျော့ ပြုလုပ်ရပါမယ်။

လေ့ကျင့်ခန်း (၅)

အရင်ဦးဆုံး ခန္ဓာကိုယ်ကို ဗွီပုံသဏ္ဍာန် ပြုလုပ်ပေးလိုက်ပါ။ ထို့နောက် ခြေထောက်ကို ရင်ဘတ်ဆီသို့ ဆွဲယူလိုက်ပါ။ ဗွီပုံသဏ္ဍာန်အတိုင်း ပြန်နေပါ။ ၁၂ ကြိမ်၊ ၃ ကျော့ ပြုလုပ်ရပါမယ်။

လေ့ကျင့်ခန်း (၆)

ကြမ်းပြင်ပေါ်တွင် လှဲလျောင်းပြီးနောက် ခြေထောက်နှစ်ဖက်ကို အပေါ်သို့ ထောင်ထားပါ။ ထို့နောက် လက်နှစ်ဖက်က အပေါ်သို့ကြွကာ ခန္ဓာကိုယ်ကိုလည်း လက်နဲ့ အလိုက်သင့်လေး လိုက်ကြွပေးရမှာဖြစ်ပါတယ်။ စုစုပေါင်း ၁၂ ကြိမ်၊ ၃ ကျော့ ပြုလုပ်ပါ။

လေ့ကျင့်ခန်း (၇)

လေ့ကျင့်ခန်းဖျာပေါ်တွင် လက်နှစ်ဖက်ထောက်ထားပါ။ ထို့နောက် ဒူးခေါင်းကို ရင်ဘတ်ဆီသို့ ဆွဲယူလိုက်ပါ။ ဘယ်တစ်ဖက် ညာတစ်ဖက် တစ်လှည့်စီပြုလုပ်ပါ။ ဘယ်ညာကို တစ်ကြိမ်လို့ သတ်မှတ်ပြီး စုစုပေါင်း ၁၂ ကြိမ်၊ ၃ ကျော့ ပြုလုပ်ရမှာဖြစ်ပါတယ်။

Source: Fitactiveliving.com

Featured Image: Muscle and Fitness