ကွီး တို့ရဲ့ ပိန်ပိန်ပါးပါး ခန္ဓာကိုယ်ကို ကြည့်ပြီး ဝိတ်တက်လာကာ ကြွက်သား များ နဲ့ ကြည့်ကောင်းဖို့ ကြိုးစားချင်တယ်ဆိုရင်တော့ အခုဖော်ပြပေးမယ့် နည်းလမ်းများကို ကျင့်သုံးနိုင်ပါတယ်။
ပထမနည်းလမ်း
ကွီးတို့ရဲ့ ခန္ဓာကိုယ် ကြွက်သားများ ကို အချိန်တိုအတွင်း တက်လာအောင် ကြိုးစားချင်တယ်ဆိုရင်တော့ ကျန်းမာရေးနဲ့ ညီညွှတ်တဲ့အစားများများစားပေးရပါမယ်။ ပရိုတင်းဓာတ် ကြွယ်ဝသော အစားအစာများကို များများစားပေးရပါမယ်။ အာလူး၊ ထမင်း၊ အုတ်ဂျုံ စတဲ့ အစားအစာများအပြင် သဘာဝအဆီဓာတ် ကြွယ်ဝတဲ့ အစေ့အဆံများကိုလည်း စားသုံးပေးရပါမယ်။ ထိုကျန်းမာရေးနဲ့ ညီညွှတ်တဲ့အစားအစာများကို အကြိမ်ရေများများနဲ့ နည်းနည်းစီ စားပေးမယ်ဆိုရင် ဝိတ်တက်လာမှာဖြစ်ပါတယ်။
ခန္ဓာကိုယ်အတွက် လေ့ကျင့်ခန်း ကောင်းကောင်းပြုလုပ်ပါ
လေ့ကျင့်ခန်းများကို ပြင်းပြင်းထန်ထန်ပြုလုပ်စရာမလိုပါဘူး။ ကွီး တို့ရဲ့ ခန္ဓာကိုယ် ကြွက်သားများ ကြီးထွားမှုကို လှုံ့ဆော်ပေးဖို့ရန်အတွက် လေ့ကျင့်ခန်းများကို ဖြည်းဖြည်းမှန်မှန် ပြုလုပ်ပေးရင် လုံလေက်ပါပြီ။ ဝိတ်တက်ချင်တဲ့ ကွီး တို့က တစ်ပတ်လျှင် သုံးရက်ခန့်နှင့် တစ်ရက်ခြားစီ လေ့ကျင့်ခန်း ပြုလုပ်ပေးရုံနဲ့ လုံလောက်ပါပြီ။
ဘယ်လိုလေ့ကျင့်ခန်းများကို တစ်ပတ်လျှင် သုံးရက်ခန့် ပြုလုပ်ပေးသင့်သလဲဆိုတာကို ကွီး တို့အတွက် ဝေမျှပေးလိုက်ပါတယ်။
လေ့ကျင့်ခန်း (၁)
Source: Menshealth
ခြေထောက်နှစ်ဖက်ကို ပုခုံးအကျယ်အတိုင်း ချဲထားပါ။ လက်နှစ်ဖက်ကို ကွီး တို့ရဲ့ ပုခုံး ကြွက်သားများ ပေါ်တွင် တင်ထားလိုက်ပါ။ ထို့နောက် တင်ပါးကို အနောက်ပစ်ကာ ပေါင်နှစ်ဖက်က ကြမ်းပြင်နဲ့ မျဉ်းပြိုင်ပုံသဏ္ဍာန် ဖြစ်သွားသည်အထိ တစ်ဝက်ထိုင်ချလိုက်ပါ။ ထို့နောက် ဖြည်းဖြည်းပြန်ထပါ။
ထိုင်လိုက် ထလိုက်ဖြင့် တစ်လှည့်စီ ပြုလုပ်ကာ ၅ ကြိမ်၊ ၄ ကျော့စီ ပြုလုပ်ရမှာဖြစ်ပါတယ်။
လေ့ကျင့်ခန်း (၂)
Source: Gifer
လေ့ကျင့်ခန်း ပြုလုပ်တဲ့ ခုံစောင်းမှာ လှဲလျောင်းပြီးနောက် အလေးတန်းကို ရင်အုပ်ရှေ့တည့်တည့်တွင် ကိုင်ထားလိုက်ပါ။ ထို့နောက် လက်နှစ်ဖက်ကို ဆန့်တန်းကာ အပေါ်သို့ ဖြည်းဖြည်းချင်းစီ တွန်းတင်လိုက်ပါ။
တံတောင်ကို ကွေးလိုက် ဆန့်တန်းလိုက်ဖြင့် တစ်လှည့်စီ ပြုလုပ်ရမှာဖြစ်ပါတယ်။ စုစုပေါင်း ၁၀ ကြိမ် ၃ ကျော့စီ ပြုလုပ်ရမှာဖြစ်ပါတယ်။
လေ့ကျင့်ခန်း (၃)
Source: 24Life
လက်နှစ်ဖက်က ပုခုံးအကျယ်ထက် ပိုကားအောင် ချဲထားကာ ဘားတန်းကို ခိုထားလိုက်ပါ။ ထို့နောက် တံတောင်ကို ကွေးကာ ခန္ဓာကိုယ်ကို ဘားတန်းအပေါ်သို့ တွန်းတင်လိုက်ပါ။ ထို့နောက် မူလအနေအထားအတိုင်း ပြန်နေပါ။ စုစုပေါင်း ၁၀ ကြိမ်၊ ၃ ကျော့စီ ပြုလုပ်ရမှာဖြစ်ပါတယ်။
လေ့ကျင့်ခန်း (၄)
Source: Menshealth
ကွီး တို့ရဲ့ တံတောင်နှစ်ဖက်ကို ပုခုံး ကြွက်သားများ အောက်တွင် ထားထားပြီးနောက် တံတောင် ထောက်ထားပါ။ ခန္ဓာကိုယ်က မျဉ်းဖြောင့်ပုံသဏ္ဍာန် ဖြောင့်တန်းထားရပါမယ်။ (လက်ပျဉ်းက အရှေ့သို့ ကိုင်းကျနေတာမျိုး၊ ခါးက ကော့နေတာမျိုး မဖြစ်ရပါဘူး။)
ထိုအနေအထားအတိုင်း ၁ မိနစ်၊ ၃ ကျော့စီ ပြုလုပ်ရမှာဖြစ်ပါတယ်။
လေ့ကျင့်ခန်း (၅)
Source: Flab Fix
ကွီး တို့ရဲ့ခန္ဓာကိုယ်ကို လေ့ကျင့်ခန်းပြုလုပ်တဲ့ဖျာပေါ်မှာ လှဲလျောင်းနေပါ။ လက်နှစ်ဖက်က ခန္ဓာကိုယ် ဘေးတစ်ဖက် တစ်ချက်စီတွင် ချထားပါ။ ထို့နောက် ဒူးနှစ်ဖက်ကို ထောင်ထားကာ ခြေထောက်နှစ်ချောင်းစလုံးကို စုကာ အပေါ်သို့ မြှောက်တင်လိုက်ပါ။ ထို့နောက် ခြေထောက် ပြန်ချပါ။
စုစုပေါင်း ၁၅ ကြိမ်၊ ၃ ကျော့စီ ပြုလုပ်ရမှာဖြစ်ပါတယ်။
လေ့ကျင့်ခန်း (၆)
Source: Menshealth
ခြေထောက်နှစ်ဖက်က စုစုလေးထားကာ မတ်တပ်ရပ်နေပါ။ လက်နှစ်ဖက်က အလေးတုံးနှစ်တုံး ကိုင်ထားပါ။ ထို့နောက် တံတောင်နှစ်ဖက်ကို ဆန့်တန်းကာ အလေးတုံးနှစ်တုံးကို အပေါ်မှာ စုဆုံပေးလိုက်ပါ။
ထိုနည်းအတိုင်း အလေးတုံးနှစ်တုံးကို တွန်းတင်လိုက် ပြန်ချလိုက်ဖြင့် တစ်လှည့်စီ ပြုလုပ်ရမှာဖြစ်ပါတယ်။ စုစုပေါင်း ၅ ကြိမ်၊ ၃ ကျော့စီ ပြုလုပ်ရမှာဖြစ်ပါတယ်။
လေ့ကျင့်ခန်း (၇)
Source: Menshealth
ခြေထောက်နှစ်ဖက်က ပုခုံးအကျယ်အတိုင်း ချဲထားပါ။ ထို့နောက် ဒူးအနည်းငယ်ကွေးကာ ခန္ဓာကိုယ်အပေါ်ပိုင်းကို အရှေ့သို့ ညွှတ်ပြီး အလေးတန်းကို ဆွဲမရပါမယ်။
ပုံပါအတိုင်း အလေးတန်းကို ဆွဲမလိုက် ပြန်ချလိုက်ဖြင့် တစ်လှည့်စီ ပြုလုပ်ပေးလိုက်ပါ။ စုစုပေါင်း ၅ ကြိမ်၊ ၃ ကျော့စီ ပြုလုပ်ပေးရမှာဖြစ်ပါတယ်။
ကွီး တို့အတွက် နောက်ဆုံး အရေးကြီးဆုံးနည်းလမ်းတစ်ခုလည်း ကျန်ပါသေးတယ်။
လုံလုံလောက်လောက် အနားယူပါ
တစ်ရက်လျှင် ၈ နာရီခန့် အိပ်စက်အနားယူဖို့ လိုအပ်ပါတယ်။ ဒါမှသာလျှင် ကွီး တို့ရဲ့ ခန္ဓာကိုယ် ကြွက်သား ကြီးထွားမှုဟော်မုန်းကို လှုံ့ဆော်တဲ့နေရာမှာ ကူညီပေးနိုင်မှာဖြစ်ပါတယ်။ ဒါ့အပြင် နေ့ခင်းဘက်မှာ တရေးတမော အိပ်စက်အနားယူခြင်းသည်လည်း ကွီး တို့ ခန္ဓာကိုယ် ကြွက်သားများ နှင့် သွေးလှည့်ပတ်မှုကို ကောင်းမွန်ဖို့ရန်အတွက် ကူညီပေးပါတယ်။ လုံလုံလောက်လောက် အိပ်စက်အနားယူခြင်းသည် လေ့ကျင့်ခန်း ပြုလုပ်ခြင်းကြောင့် ပင်ပန်းနေတဲ့ ကွီး တို့ရဲ့ ကြွက်သားများ ကို အနားရစေပါတယ်။
Source: Nerdfitness.com
Featured Image: Dynamics Nutrition
