ကွီး တို့ရဲ့ ခန္ဓာကိုယ်ကြွက်သားများကို သန်မာလာအောင် ပြုလုပ်တဲ့နေရာမှာ နောက်ကျောကြွက်သား များအတွက်လည်း လေ့ကျင့်ခန်း များ မမေ့မလျော့ပြုလုပ်သင့်ပါတယ်။
ကွီး တို့ရဲ့ နောက်ကျောကြွက်သား များကို သန်မာကြီးထွားလာအောင် ကူညီပေးမယ့် လေ့ကျင့်ခန်း များ အများအပြားရှိပါတယ်။ မိမိကြိုက်နှစ်သက်ရာ လေ့ကျင့်ခန်းများကို ရွေးချယ်ကာ ပြုလုပ်ပေးလိုက်ရုံပါပဲ။
လေ့ကျင့်ခန်း (၁)
Source: Pinterest
အရင်ဦးဆုံး အလေးတန်းကို အရှေ့မှာ ချထားပါ။ ခြေထောက်နှစ်ဖက်ကို ပုခုံးအကျယ်အတိုင်း ချဲထားပါ။
ထို့နောက် ဒူးအနည်းငယ် ကွေးညွှတ်ကာ အလေးတန်းကို ဆွဲမလိုက်ပါ။ ဒူးညွှတ်တဲ့အချိန်မှာ ခါးက အရမ်းကုန်းမနေရဘဲ မျဉ်းစောင်းစောင်းလေးလို ဖြစ်နေရပါတယ်။
လေ့ကျင့်ခန်း စလုပ်တဲ့ ပထမရက်မှာတော့ အလေးတုံးကို ခပ်ပေါ့ပေါ့အလေးတုံးပဲ ရွေးချယ်ရပါမယ်။ နောက်ကျမှ အလေးတုံးကို နည်းနည်းချင်းစီ တိုးသွားလိုက်ပါ။
လေ့ကျင့်ခန်း (၂)
Source: Gifs.com
ဘားတန်းပေါ်တွင် လက်နှစ်ဖက်ကို ပုခုံးအကျယ်ထက် ပိုကျယ်အောင် ချဲထားကာ ကိုင်ထားရပါမယ်။
ထို့နောက် ကွီး တို့ရဲ့ ခန္ဓာကိုယ် နောက်ကျောကြွက်သား အားကို အသုံးပြုပြီး အပေါ်သို့ ဆွဲတက်ရမယ့် လေ့ကျင့်ခန်း တစ်ခုပဲဖြစ်ပါတယ်။ မိမိလုပ်နိုင်သလောက် အကြိမ်ရေများများ ပြုလုပ်ပေးလိုက်ပါ။ စံသတ်မှတ်အကြိမ်ရေကတော့ ၈ ကြိမ်မှ ၁၂ ကြိမ်၊ ၃ ကျော့ပဲဖြစ်ပါတယ်။
လေ့ကျင့်ခန်း (၃)
Source: Gifer
ခြေထောက်နှစ်ဖက်က ပုခုံးအကျယ်အတိုင်း ချဲထားပါ။ လက်နှစ်ဖက်က အလေးတန်းကို ကိုင်ထားရပါမယ်။ အလေးတန်းက ဒူးနဲ့ တစ်တန်းနဲ့ ဖြစ်နေရပါမယ်။ ခါးကလည်း ခပ်စောင်းစောင်းလေးဖြစ်နေရပါမယ်။
အဆင်သင့်ဖြစ်ပြီဆိုရင်တော့ အလေးတန်းကို ကွီး တို့ရဲ့ နောက်ကျောကြွက်သား အားအသုံပြုကာ ဆွဲမလိုက်ပါ၊ ဒီ လေ့ကျင့်ခန်း ကိုတော့ ၈ ကြိမ်မှ ၁၀ ကြိမ်၊ ၃ ကျော့စီ ပြုလုပ်ရပါမယ်။
လေ့ကျင့်ခန်း (၄)
Source: Gfycat
လေ့ကျင့်ခန်းပြုလုပ်တဲ့ ခုံစောင်းပေါ်မှာ ပုံပါအတိုင်း ဝမ်းလျားမှောက်နေပါ။ လက်နှစ်ဖက်က အလေးတုံးကို ကိုင်ထားပါ။ ထို့နောက် အလေးတုံးကို အပေါ်သို့ ဆွဲမပေးလိုက်ပါ။
သတိထားရမယ့်အချက်ကတော့ ခုံစောင်းက ၄၅ ဒီဂရီဝန်းကျင်ခန့်သာ စောင်းထားရမှာဖြစ်ပါတယ်။ ဒါမှ လေ့ကျင့်ခန်းပြုလုပ်တဲ့အခါ သက်သောင့်သက်သာရှိပြီး ကြွက်သားများအတွက် ထိရောက်မှုရှိမှာဖြစ်ပါတယ်။
လေ့ကျင့်ခန်း (၅)
Source: Quora
ခုံတန်းပေါ်မှာ လက်တစ်ဖက်က အလေးတုံးကိုင်ပြီး အသင့်အနေအထားပြင်ပါ။ (တကယ်လို့ ခုံတန်းမရှိပါကလည်း ဒူးအနည်းငယ် ကွေးညွှတ်ကာ ခါးကို ခပ်စောင်းစောင်းလေး ထားထားရင် ရပါတယ်။)
ထို့နောက် အလေးတုံးကို အပေါ်သို့ ဆွဲမလိုက်ပါ။ ၈ ကြိမ်မှ ၁၀ ကြိမ်ခန့် ပြည့်တဲ့အခါ အလေးတုံးကို ဘက်ပြောင်းကိုင်ကာ စောစောကနည်းအတိုင်း ပုံစံတူပြုလုပ်ပေးလိုက်ပါ။ သတ်မှတ်အကြိမ်ရေ ပြည့်သွားပါက ၁ ကျော့ ပြည့်သွားပြီဖြစ်ပါတယ်။
ကွီး တို့ရဲ့ နောက်ကျောကြွက်သား များ သန်မာဖို့အတွက်ဆိုရင် ဒီ လေ့ကျင့်ခန်းကို ၃ ကျော့ (သို့မဟုတ်) ၄ ကျော့ခန့် ပြုလုပ်ပေးဖို့လိုအပ်ပါတယ်။
လေ့ကျင့်ခန်း (၆)
Source: Menshealth
ဒီလေ့ကျင့်ခန်းပြုလုပ်ဖို့ရန်အတွက် အလေးတန်းကို ခါးအမြှင့်ထက် အနည်းငယ်မြှင့်အောင် ထားထားရပါမယ်။
ဒူးအနည်းငယ် ကွေးကာ လက်နှစ်ဖက်က အလေးတန်းကို ဆွဲကိုင်ထားပါ။ ထို့နောက် ခန္ဓာကိုယ်အပေါ်ပိုင်းကို ကွီး တို့ရဲ့ နောက်ကျောကြွက်သား ကို ဆွဲညှစ်ပြီး အပေါ်သို့ ဆွဲတင်ရမယ့် လေ့ကျင့်ခန်း တစ်ခုဖြစ်ပါတယ်။
၁၀ ကြိမ်မှ ၁၂ ကြိမ်၊ ၃ ကျော့စီ ပြုလုပ်ပေးလိုက်ပါ။
သတိထားရမယ့်တစ်ချက်ကတော့ တံတောင်ကို အကွေး အဆန့်ပဲ ပြုလုပ်ဖို့ပါ။ ဘေးဘက်ကို ယိမ်းပြီး ကားသွားတာမျိုး မဖြစ်မိအောင် တံတောင်ကို ငြိမ်ငြိမ်ထားပေးရပါမယ်။
လေ့ကျင့်ခန်း (၇)
Source: Menshealth
ခါးမတ်မတ်ထားပါ။ ရင်အုပ်ကျယ်ကျယ်ဖွင့်ထားကာ ပုခုံးကိုလည်း ဖြောင့်ထားရပါမယ်။ ဒူးအနည်းငယ် ကွေးထားဖို့လည်း လိုအပ်ပါမယ်။
ထို့နောက် လက်နှစ်ဖက်က ကွင်းကို ကိုင်ကာ ထိုကွင်းကို ရင်အုပ်ဆီ ဆွဲကပ်လိုက်ပါ။ ထိုကဲ့သို့ ဆွဲကပ်တဲ့အချိန်မှာ တံတောင်ကိုပဲ အကွေးအဆန့် ပြုလုပ်ရပါမယ်။ ခန္ဓာကိုယ်က နောက်ရောက်သွားတာမျိုး မဖြစ်ရပါဘူး။
လေ့ကျင့်ခန်း (၈)
Source: Pinterest
ညာလက်က အလေးတန်းကို ကိုင်ထားတဲ့အချိန်မှာ ညာဒူးကို ကွေးထားကာ ဘယ်ဒူးကိုတော့ ထောင်ထားရပါမယ်။ ထောက်ထားတဲ့ ဒူးအောက်မှာ သက်သောင့်သက်သာဖြစ်ဖို့ရန်အတွက် ဆိုဒါ (သို့) ကူရှင်တစ်ခုခု ခံထားပေးလိုက်ပါ။
ထို့နောက် အလေးတန်းကို အပေါ်သို့ ပင့်တင်လိုက်ပါ။ ၁၅ ကြိမ်၊ ၃ ကျော့စီ ပြုလုပ်ပါ။
ပြီးရင်တော့ အလေးတန်းကို ဘယ်လက်ဖြင့် ပြောင်းကိုင်ပြီး ဒူးနှစ်ဖက်ကိုလည်း အနေအထားပြောင်းပေးလိုက်ပါ။ ၁၅ ကြိမ်၊ ၃ ကျော့စီ ဆက်လက်ပြုလုပ်ပါ။
အထက်ဖော်ပြပါ လေ့ကျင့်ခန်းများသည် ကွီး တို့ရဲ့ နောက်ကျောကြွက်သား များကို သန်မာလာအောင် ကူညီပေးမယ့် လေ့ကျင့်ခန်း များပဲဖြစ်ပါတယ်။
Featured Image: Ready Perfromance
