Glee လို့ နာမည်ရတဲ့ တီဗွီစီးရီးတွဲသည် ၂၀၀၉ ခုနှစ်ကတည်းက Season 1 ကို စတင်ထုတ်လွှင့်ခဲ့တာဖြစ်ပြီး အခုဆိုရင် ၁၃ နှစ်နီးပါး ကျော်လွန်ခဲ့ပြီပဲဖြစ်ပါတယ်။ ထိုတီဗွီဇာတ်လမ်းတွဲသည် Musical ပုံစံဖြစ်ပြီး သီချင်းချစ်သူများအကြား ကြိုက်နှစ်သက်ကြတဲ့ ဇာတ်လမ်းတွဲတစ်ခုပဲဖြစ်ပါတယ်။ Glee Musical ဇာတ်ကား ထဲရှိ ပြန်ဆိုတေး များသည်လည်း သီချင်းချစ်သူပရိသတ်များအကြား ရေပန်းစားပါသေးတယ်။
Glee Musical ဇာတ်ကား သည် Season (6) အထိရှိပြီး နာမည်ကြီးသီချင်းများကို Performance ကောင်းကောင်း Cover ပြန်ဆိုထားတာကြောင့် အကောင်းဆုံး ပြန်ဆိုတေးများအဖြစ် လူသိများပါတယ်။ သို့သော် ဝမ်းနည်းစရာကောင်းတာကတော့ Glee သရုပ်ဆောင်အချို့သည် အကြောင်းအမျိုးမျိုးကြောင့် ကြွေလွှင့်သွားခဲ့ကြတာပဲ ဖြစ်ပါတယ်။
Photo: Mirror
Glee Musical ဇာတ်ကား ထဲရှိ ပြန်ဆိုတေး များအနက် လူကြိုက်များ ရေပန်းစားသော သီချင်းများကို သီချင်းချစ်သူပရိသတ်များအတွက် ပြန်လည်စုစည်းတင်ဆက်ပေးလိုက်ရပါတယ်။
Poker Face
Lea Michele ရဲ့ Idina Menzel တို့ရဲ့ အမိုက်စားတွဲဖက်သီဆိုမှုကို တွေ့မြင်ရမယ် သီချင်းလေးပါ။
Teenage Dream
ဒီသီချင်းလေးကိုတော့ Season 2 ရဲ့ အပိုင်း (၆) မှာ နားဆင်နိုင်ပါတယ်။
Some Nights
ဒီသီချင်းထဲမှာတော့ အရံဇာတ်ပို့တွေရဲ့ အရည်အချင်းတွေကို အပြည့်အဝတွေ့မြင်ရမှာဖြစ်ပါတယ်။
Somebody To Love
ကမ္ဘာ့နာမည်အကြီးဆုံး ဂီတအဖွဲ့တစ်ခုဖြစ်တဲ့ Queen အဖွဲ့ရဲ့ Somebody To Love သီချင်းကိုလည်း ရသအသစ်တစ်မျိုးနဲ့ တင်ဆက်ထားတာ တွေ့ရပြန်ပါတယ်။
Defying Gravity
ဒီသီချင်းလေးရဲ့ မူရင်းသီဆိုတဲ့ အဆိုရှင်တွေကတော့ Idina Menzel နဲ့ Kristin Chenoweth တို့ပဲဖြစ်ပါတယ်။
Rumour Has It/ Someone Lie You
၂၀၁၂ တုန်းက Adele ရဲ့ လူကြိုက်အများဆုံး သီချင်းနှစ်ပုဒ်ကို Mashup လုပ်ကာ ပြန်လည်သီဆိုထားတာဖြစ်ပါတယ်။
Thriller/Head Will Roll
Mihael Jackson ရဲ့ Thriller သီချင်းနဲ့ Yeah Yeah Yeahs အဖွဲ့ရဲ့ Heads Will Roll သီချင်းနှစ်ခုကို Mashup လုပ်ထားတာမျိုးကိုမှ ကြိုက်နှစ်သက်တယ်ဆိုရင်တော့ ဒီသီချင်းလေးကို Performance အမိုက်စားနဲ့ နားထောင်ရမှာဖြစ်ပါတယ်။
If I Die Young
ဒီသီချင်းလေးကတော့ Season 5 ရဲ့အပိုင်း (၃) ထဲမှာ တွေ့မြင်နိုင်ပါတယ်။ ဒီသီချင်းကို သီဆိုတဲ့ Naya Rivera သည် ၂၀၂၀ ခုနှစ် ဇူလိုင်လကပဲ ရေနစ်ကာ သေဆုံးသွားခဲ့တာဖြစ်ပါတယ်။ ထိုမတော်တဆမှုကြောင့် ဒီသီချင်းလေးသည် တစ်ဖန်နာမည်ပြန်ကြီးလာခဲ့ပါတယ်။
ဇာတ်လမ်းအရ Cory Monteith ရဲ့ သေဆုံးမှုကြောင့် ဝမ်းနည်းနေတဲ့ Naya Rivera သည် ဒီသီချင်းကို Cory Monteith အတွက် သီဆိုပေးရမှာဖြစ်ပါတယ်။ ဇာတ်ညွှန်းထဲမှာတော့ သူ(မ) ငယ်သံပါအောင် အော်ဟစ်ရမယ်လို့ မပြောခဲ့ပါဘူး။ ဒီအချက်ကတော့ သူ(မ)ရဲ့ လုပ်ဖော်ကိုင်ဖက်တစ်ယောက် ဆုံးရှုံးရတဲ့အတွက် ဘယ်လောက်အထိ နာကျင်ရသလဲဆိုတာ တွေ့မြင်ရမှာပါ။
Make You Feel My Love
Lea Michele နဲ့ Cory Monteith သည် ဇာတ်လမ်းထဲမှာရော အပြင်မှာပါ တွဲနေကြတဲ့ စုံတွဲလေးပဲဖြစပါတယ်။ ဒီသီချင်းလေးကလည်း သူ့ရဲ့ကြွေလွှင့်သွားတဲ့ ချစ်သူ Cory အတွက် ရည်ညွှန်းကာ သီဆိုထားတာဖြစ်ပါတယ်။
Don’t Stop Believin’
ဒီဇာတ်လမ်းတွဲမှာ နာမည်အကြီးဆုံးသီချင်းလေးကိုပြောပါဆိုရင်တော့ Don’t Stop Believin’ သီချင်းလေးပဲဖြစ်ပါတယ်။ ဒီသီချင်းလေးကိုတော့ Season 1 ရဲ့ အပိုင်း (၁) မှာ သီဆိုထားတာတွေ့ရမှာဖြစ်ပါတယ်။
Marry You
Source: MusicOfGlee
Bruno Mars ရဲ့ Marry You သီချင်းလေးကိုလည်း သူတို့ပြန်ဆိုထားတာ အင်မတန်မှ နားထောင်လို့ကောင်းတာတွေ့ရမှာပါ။ ဒီသီချင်းကိုတော့ season 2 ရဲ့ အပိုင်း (၈) မှာ ပါဝင်တာတွေ့ရမှာပါ။
Source: Arc.unsw.edu.au
Featured Image: Screenrant
