ရင်အုပ်ကြွက်သား များ တောင့်တင်းချင်တဲ့ ကွီး တို့အနေနဲ့ ရင်အုပ် လေ့ကျင့်ခန်း များကို တစ်ပတ်လျှင် ၂ ကြိမ်၊ ၃ ကြိမ်ခန့်အထိ ဆော့ကစားပေးဖို့လိုအပ်ပါတယ်။ တစ်ပတ်လျှင် ၂ ကြိမ်၊ ၃ ကြိမ်ခန့် ဆော့ကစားပေးမှသာလျှင် ကိုယ် လိုချင်တဲ့ ရလာဒ်ကို အချိန်တိုအတွင်း လျင်လျင်မြန်မြန်ရရှိနိုင်မှာဖြစ်ပါတယ်။
သို့သော် ရင်အုပ်ကြွက်သား တောင့်တင်းချင်ဇောဖြင့် ကွီး တို့သည် လေ့ကျင့်ခန်း များကို သတ်မှတ်အကြိမ်ရေထက် ပြင်းပြင်းထန်ထန်ပြုလုပ်မိပါကလည်း ကြွက်သားများကို ထိခိုက်နာကျင်စေပြီး အနာတရဖြစ်စေမှာဖြစ်ပါတယ်။ ဒါ့ကြောင့် တန်ဆေးလွန်ဘေးဆိုတဲ့ စကားအတိုင်းပဲ အလယ်အလတ် လမ်းစဉ်ကိုသာ ကျင့်သုံးပေးရမှာဖြစ်ပါတယ်။
ရင်အုပ်ကြွက်သား တောင့်တင်းချင်တဲ့ ကွီး တို့အတွက် ဘယ်လို လေ့ကျင့်ခန်း များကို အချိန်ပေးကာ ပြုလုပ်သင့်သလဲဆိုတော့ …
လေ့ကျင့်ခန်း (၁)
Source: Pinterest
ဒီလေ့ကျင့်ခန်း ပြုလုပ်ဖို့အတွက်ဆိုရင်တော့ အားကစား ကိရိယာ ပစ္စည်းအချို့ လိုအပ်ပါလိမ့်မယ်။
အဆင့် (၁) ခြေထောက်တစ်ဖက်ကို နောက်ပစ်ထား ခန္ဓာကိုယ်ကို အားယူထားလိုက်ပါ။ ခန္ဓာကိုယ်အပေါ်ပိုင်းက အရှေ့သို့ အနည်းငယ် ကွေးထားလိုက်ပါ။
အဆင့် (၂) လက်နှစ်ဖက်က ကြိုးကွင်းကို ကိုင်ထားလိုက်ပါ။
အဆင့် (၃) ထို့နောက် ရင်အုပ်နှင့် လက်မောင်းကြွက်သားအား အသုံးပြုပြီး လက်နှစ်ဖက်ကို အောက်သို့ စိုက်ချလိုက်ပါ။ ပြီးရင်တော့ လက်နှစ်ဖက်ကို မူလအနေအထားအတိုင်း ပြန်ထားပါ။
တစ်ကြိမ် ပြီးသွားပြီဖြစ်ပါတယ်။ စုစုပေါင်း ၁၂ ကြိမ်၊ ၃ ကျော့ (သို့) ၄ ကျော့ခန့် ပြုလုပ်ပေးရမှာဖြစ်ပါတ်ယ။
လေ့ကျင့်ခန်း (၂)
ဒီလေ့ကျင့်ခန်းကတော့ အားလုံးသိပြီးသားဖြစ်တဲ့ ဒိုက်ထိုးလေ့ကျင့်ခန်းပဲဖြစ်ပါတယ်။
အဆင့် (၁) လက်နှစ်ဖက်ကို ပုခုံးအောက်တွင် ထားထားပါ
အဆင့် (၂) တံတောင်ကွေးကာ ရင်အုပ်ကို ကြမ်းပြင်နဲ့ ထိလုနီးပါး နိမ့်ဆင်းလိုက်ပါ။
အဆင့် (၃) လက်နှစ်ဖက်ကို ပြန်လည်ဆန့်တန်းလိုက်ပါ။
မည်သည့်အားကစားကိရိယာမျှ မလိုအပ်တဲ့အတွက်ကြောင့် မိမိအိမ်မှာပဲ အလွယ်တကူ ပြုလုပ်နိုင်တဲ့ လေ့ကျင့်ခန်းတစ်ခုဖြစ်ပါတယ်။
လေ့ကျင့်ခန်း (၃)
ဒီလေ့ကျင့်ခန်းကတော့ စောစောက ဒိုက်ထိုးလေ့ကျင့်ခန်းနဲ့ အတူတူပါပဲ။ ကွာခြားချက်ကတော့ ဒီလေ့ကျင့်ခန်းသည် အားကစားကြိုးအသုံးပြုကာ ပြုလုပ်ရခြင်းဖြစ်ပါတယ်။
အဆင့် (၁) လက်နှစ်ဖက်က အားကစားကြိုးပေါ်မှာ ကိုင်ထားပါ။ ထို့နောက် ခြေထောက်နှစ်ဖက်ကိုလည်း စောစောက ဒိုက်ထိုးမယ့် အနေအထားအတိုင်း ပြင်လိုက်ပါ။
အဆင့် (၂) ရင်အုပ်ကို နိမ့်ချည် မြင့်ချည်ဖြင့် ဒိုက်ထိုးပေးရမှာဖြစ်ပါတယ်။
ဒီလေ့ကျင့်ခန်းကိုတော့ ၁၅ ကြိမ် ၃ ကျော့ (သို့) ၄ ကျော့ ပြုလုပ်ပေးရပါမယ်။
လေ့ကျင့်ခန်း (၄)
ဒီလေ့ကျင့်ခန်း ပြုလုပ်ဖို့ရန်အတွက် ခုံစောင်းရှည်တစ်ခုံနှင့် အလေးတုံးနှစ်တုံး လိုအပ်ပါလိမ့်မယ်။
အရင်ဦးဆုံး အလေးတုံးနှစ်တုံး ကိုင်ထားကာ ခုံစောင်းရှည်ပေါ်မှာ ပုံ (၁) အတိုင်း လှဲလျောင်းနေပါ။
ထို့နောက် လက်နှစ်ဖက်ကို ဆန့်တန်းကာ အလေးတုံးကို အပေါ်သို့ မလိုက်ပါ။
ထိုနည်းအတိုင်း တံတောင်ပြန်ကွေးလိုက် ဆန့်တန်းလိုက်ဖြင့် တစ်လှည့်စီ ပြုလုပ်ပေးရမှာဖြစ်ပါတယ်။
လေ့ကျင့်ခန်း (၅)
ဒီလေ့ကျင့်ခန်း ပြုလုပ်ဖို့ရန်အတွက် အလေးတန်း တစ်ခု လိုအပ်ပါမယ်။
အလေးတန်းကို ကိုင်တဲ့အခါ လက်နှစ်ဖက်ကို ပုခုံးအကျယ်ထက် ပိုကျယ်အောင် ခပ်ကျဲကျဲလေး ချဲထားရပါမယ်။
ထို့နောက် အလေးတန်းကို ရင်ဘတ်ဆီသို့ ဆွဲယူလိုက် အပေါ်မြှောက်လိုက်ဖြင့် တစ်လှည့်စီပြုလုပ်ပေးရမှာဖြစ်ပါတယ်။ စုစုပေါင်း ၁၅ ကြိမ်၊ ၃ ကျော့စီ ပြုလုပ်ပေးလိုက်ပါ။
လေ့ကျင့်ခန်း (၆)
ဒီလေ့ကျင့်ခန်းသည်လည်း စောစောက လေ့ကျင့်ခန်း (၅) နဲ့ အတူတူပဲဖြစ်ပါတယ်။ အလေးတန်းကို အသုံးပြုကာ ပြုလုပ်ပေးရမယ့် လေ့ကျင့်ခန်းပါ။
ကွာခြားချက်တစ်ခုကတော့ အလေးတန်း ကိုင်တဲ့အခါ လက်နှစ်ဖက်ကို အရမ်းချဲမထားဘဲ ပုံထဲကအနေအထားလောက်သာ ချဲထားရမှာဖြစ်ပါတယ်။
ပြီးရင်တော့ အလေးတန်းကို ရင်ဘတ်ဆီသို့ ဆွဲကပ်လိုက် အပေါ်မြှောက်လိုက်ဖြင့် တစ်လှည့်စီ ပြုလုပ်ပေးရမှာဖြစ်ပါတယ်။
လေ့ကျင့်ခန်း (၇)
Source: Tenor
ဒီလေ့ကျင့်ခန်း ပြုလုပ်ဖို့ရန်အတွက် ဘားတန်းနှစ်ခု လိုအပ်ပါလိမ့်မယ်။
ဘားတန်းရဲ့ အမြင့်က သင့်ခါးကျော်ကျော်လောက်သာ ရှိရမှာဖြစ်ပါတယ်။
ထို့နောက် ဘားတန်းပေါ် လက်နှစ်ဖက် တင်ထားကာ ပုံပါအတိုင်း လေ့ကျင့်ခန်း ပြုလုပ်ပေးရမှာဖြစ်ပါတယ်။ ရင်အုပ်ကြွက်သား နှင့် လက်မောင်းကြွက်သားကို ကွီး တို့ အသုံးပြုကာ ပြုလုပ်ရမယ့် လေ့ကျင့်ခန်း တစ်ခုဖြစ်ပါတယ်။
လေ့ကျင့်ခန်း (၈)
Source: Menshealth
ဒီလေ့ကျင့်ခန်း ပြုလုပ်ဖို့အတွက် အလေးပြားတစ်ပြားလိုအပ်ပါမယ်။ လေ့ကျင့်ခန်းကို ထလျက် ပြုလုပ်မယ်ဆိုရင် ခုံတန်းရှည်က မသုံးလည်းရပါတယ်။
အဆင်သင့်ဖြစ်ပြီဆိုရင် အလေးတုံးကို ရင်ဘတ်ရှေ့တည့်တည့်မှာ ထားထားပါ။
ထို့နောက် တံတောင်ကို ဆန့်တန်းကာ အလေးတုံးကို အရှေ့သို့ ဆန့်ထုတ်လိုက်ပါ။
အထက်ဖော်ပြပါ လေ့ကျင့်ခန်းများကို တစ်ပတ်လျှင် ၂ ရက်၊ ၃ ရက်ခန့် ဆော့ကစားပေးရမှာဖြစ်ပါတယ်။
Source: Manofmany
Featured Image: Bodybuilding
