မန်ချက်စတာ စီးတီး ပရိသတ်တစ်ဦးဟာ ချန်ပီယံလိဂ် ဆီမီးဖိုင်နယ်အဆင့်မှာ ၂ ကျော့ပေါင်း ၅-၃ နဲ့ အသာစီးရနေရာကနေ ရီးရဲလ်မက်ဒရစ်အသင်းကို ရှုံးနိမ့်ပြီး မန်စီးတီး အသင်း ပြိုင်ပွဲကနေ ထွက်ခွာခဲ့ရပြီးနောက် နည်းပြ ဂွါဒီယိုလာကို အံ့အားသင့်ဖွယ် ရာထူးကနေ ထုတ်ပယ်ဖို့ တောင်းဆိုခဲ့ပါတယ်။
Photo: The Irish Times
ဂွါဒီယိုလာဟာ မန်ချက်စတာစီးတီးအသင်းကို ၂၀၁၆ ခုနှစ်မှာ စတင်တာဝန်ယူကိုင်တွယ်ခဲ့တဲ့အချိန်ကတည်းက ချန်ပီယံလိဂ်အောင်မြင်မှုကို ရရှိအောင် မစွမ်းဆောင်ပေးနိုင်ခဲ့တာဖြစ်ပါတယ်။ မန်ချက်စတာစီးတီးအသင်းသဟာ ပြီးခဲ့တဲ့နှစ်တွေတုန်းက ဥရောပမှာ အောင်မြင်ဖို့ လက်တစ်ကမ်းအလိုအထိ ရောက်ခဲ့ပေမယ့်လည်း ဗုဒ္ဓဟူးနေ့ညမှာတော့ ဆီမီးဖိုင်နယ်အဆင့်မှာ ဖြုတ်ချခံခဲ့ရတာဖြစ်ပါတယ်။
မန်ချက်စတာစီးတီးအသင်းဟာ ပွဲကစားချိန် မိနစ် ၉၀ အထိ ၂ ကျော့ပေါင်း ၅-၃ နဲ့ ဦးဆောင်ထားနိုင်ခဲ့ပေမယ့်လည်း ရိုဒရီဂိုရဲ့ နောက်ကျသွင်းဂိုး ၂ ဂိုးနဲ့ ဘန်ဇီးမားရဲ့ အချိန်ပိုက ပင်နယ်တီကြောင့် ရှုံးနိမ့်ခဲ့တာဖြစ်ပါတယ်။ မန်ချက်စတာစီးတီးအသင်းအတွက်တော့ နောက်ထပ်တစ်ကြိမ် ဥရောပအောင်မြင်မှုမရဘဲ ရာသီတစ်ခု အဆုံးသတ်ရတော့မှာဖြစ်ပြီး ပရိသတ်တစ်ဦးက ဘုတ်အဖွဲ့ကို ချန်ပီယံလိဂ်မှာ အောင်မြင်မှုရဖို့ ပြန်လည်အကဲဖြတ်ဖို့ လိုအပ်နေပြီလို့ ပြောဆိုခဲ့တာဖြစ်ပါတယ်။
Photo: Voi.id
မန်စီးတီး ဆမ်လို့ အမည်ရတဲ့ ပရိသတ်ဟာ ဂွါဒီယိုလာရဲ့နေရာမှာ အခြား နည်းပြတစ်ဦးနဲ့ အစားထိုးဖို့ လိုအပ်နေပြီဖြစ်တယ်လို့ အံ့အားသင့်ဖွယ် တောင်းဆိုမှု ပြုလုပ်ခဲ့တာဖြစ်ပါတယ်။ “ဘုတ်အဖွဲ့အနေနဲ့ ပြန်လည်အကဲဖြတ်မှုတွေ လုပ်ဖို့လိုနေပါပြီ။ ကျွန်တော်တို့ ဒီလိုအဆင့်အတန်းမျိုးမှာ အနိုင်ယူနိုင်တိဲ့ နည်းပြမျိုး လိုအပ်ပါတယ်။ ကျွန်တော်တို့ ပြည်တွင်းအဆင့်မှာ အားလုံးလုပ်နိုင်ခဲ့ပြီးပြီ။ ဒါပေမယ့် ကျွန်တော်တို့ ချန်ပီယံလိဂ်မှာတော့ အဲဒီလိုမျိုး မလုပ်နိုင်ပါဘူး။ အဲဒီလို လုပ်နိုင်မယ့် နည်းပြတစ်ဦးကို ကျွန်တော်တို့ လိုအပ်ပါတယ်”လို့ ပြောကြားခဲ့ပါတယ်။
Featured Photo: Sportbible
