ကြွက်သား တည်ဆောက်တယ်ဆိုတာ နေ့ချင်းညချင်း လိုချင်တဲ့ Body Goals ကို ရနိုင်တဲ့ အရာတစ်ခု မဟုတ်ပါဘူး။ ရည်မှန်းထားတဲ့ ဘော်ဒီကို ပိုင်ဆိုင်နိုင်ဖို့ အချိန်လိုပါတယ်။ စိတ်ရှည်မှုနဲ့ တစိုက်မတ်မတ် လုပ်ဆောင်ဖို့လည်း လိုပါတယ်။ ဒီတစ်ခေါက်မှာတော့ Muscle တောင့်တင်းတဲ့ ဘော်ဒီကို ပိုင်ဆိုင်ချင်တဲ့ ကွီးတို့အတွက် ကြွက်သားထုကို ပိုမိုထိရောက်မြန်ဆန်စွာ တည်ဆောက်နိုင်ဖို့ လျှို့ဝှက်ချက်တချို့ကို ပြောပြပေးချင်ပါတယ်။
(၁) ရိုးရှင်းတဲ့ လေ့ကျင့်ခန်းအစီအစဉ်တွေနဲ့ သွားပါ
Photo : GQ India
ကြွက်သားတည်ဆောက်တဲ့အခါ လေ့ကျင့်ခန်းအစီအစဉ်တွေက ဆန်းသစ်ပြီး ရှုပ်ထွေးလွန်းတာမျိုး မဖြစ်ပါစေနဲ့။ သင် ကျွမ်းကျင်ပိုင်နိုင်မှုမရှိတဲ့ လေ့ကျင့်ခန်းတွေပြုလုပ်မယ်ဆိုရင် ထိရောက်မှုပိုင်းမှာ အားနည်းသွားတက်ပါတယ်။ အကောင်းဆုံးကတော့ ရိုးရှင်းတဲ့ လေ့ကျင့်ခန်းအစီအစဉ်တွေနဲ့ ပိုကောင်းလာဖို့ကိုပဲ အာရုံစိုက်သင့်ပါတယ်။
(၂) စမတ်ကျကျ မျှတတဲ့ အာဟာရကို မှီဝဲပါ
Photo : Eat This, Not That
Muscle တက်ဖို့ ၇၀ ရာခိုင်နှုန်းက ကျွန်တော်တို့ရဲ့ စားသောက်မှုပုံစံအပေါ်မှာ အခြေခံပါတယ်။ မျှတပြီး အာဟာရပြည့်ဝတဲ့ စားသောက်မှုပုံစံကို ထိန်းသိမ်းထားခြင်းက စွမ်းအင်နဲ့ ကြွက်သား ကြီးထွားသန်မာမှုကို များစွာအထောက်အကူ ဖြစ်စေပါတယ်။ ဒါကြောင့် လေ့ကျင့်ခန်း မလုပ်ခင်နဲ့ လေ့ကျင့်ခန်းလုပ်ပြီးနောက်မှာ ကြွက်သားသန်မာကြီးထွားဖို့ အကျိုးပြုတဲ့ မျှတတဲ့အာဟာရဓာတ်တွေကို စမတ်ကျကျ ရွေးချယ်စားသုံးပေးဖို့ လိုပါတယ်။
(၃) တသမတ်တည်း ဖြစ်ပါစေ
Photo : Verywell Fit
ကြွက်သားတည်ဆောက်ဖို့ ဒါမှမဟုတ် အဆီလောင်ကျွမ်းဖို့ လေ့ကျင့်ခန်းလုပ်တဲ့အခါ တသမတ်တည်း ဖြစ်ဖို့အရေးကြီးပါတယ်။ ဒီနေ့တော့ ပိုလုပ်မယ် ၊ ဒီနေ့တော့ ပျင်းလို့ လျော့လုပ်မယ်ဆိုတာမျိုး လုံးဝ မလုပ်သင့်ပါဘူး။ သင့်ရဲ့ ခံနိုင်ရည်နဲ့ ဘော်ဒီအပေါ် မူတည်ပြီး စနစ်တကျ Plan ဆွဲထားတဲ့ လေ့ကျင့်ရေးပရိုဂရမ်အတိုင်း တစိုက်မတ်မတ် တသတ်မတ်တည်းလုပ်ဖို့ လိုပါတယ်။ ဒါမှလည်း ကြွက်သားထုကို ပိုမိုထိရောက်မြန်ဆန်စွာ တည်ဆောက်နိုင်မှာ ဖြစ်ပါတယ်။
(၄) မနက်စာ ပုံမှန်စားပါ
Photo : Bustle
ဘော်ဒီတည်ဆောက်နေသူတစ်ယောက်အတွက် မနက်စာက လုံးဝအရေးကြီးပါတယ်။ မနက်စာက ခန္ဓာကိုယ်အတွက် လိုအပ်တဲ့ စွမ်းအင်ပမဏကို ထောက်ပံ့ပေးပါတယ်။ လေ့ကျင့်ခန်းလုပ်ရာမှာလည်း စွမ်းအင်နဲ့ ခံနိုင်ရည်ကို တိုးစေတာကြောင့် မနက်တိုင်းကို ကျန်းမာရေးနဲ့ ညီညွတ်
နံနက်စာတစ်ခွက်နဲ့ စတင်ဖို့ လိုပါတယ်။ ကြွက်သားထုထည်တက်ဖို့ ကြိုးစားနေသူအတွက် အကောင်းဆုံး မနက်စာကတော့ ကြက်သား ၊ Omelettes ၊ ပရိုတင်းဖျော်ရည် နဲ့ Cottage Cheese တို့ပဲ ဖြစ်ပါတယ်။
(၅) ပိုလေးတဲ့ ဝိတ်ကို မ,ပါ
Photo : Men’s Health
အလေးမလေ့ကျင့်ခန်းတွေ ကစားတဲ့အခါ သင့်ခံနိုင်ရည်ပေါ်မူတည်ပြီး တစ်ပတ်ထက်တစ်ပတ် ပိုလေးတဲ့ ဝိတ်တွေကို တိုးပြီး မ,ပေးဖို့ လိုပါတယ်။ အလေးချိန်ပိုတိုးပြီး ဝိတ်မခြင်းဟာ အဆီလောင်ကျွမ်းမှုများစေပြီး ကြွက်သားထုထည်ကို ပိုပြီး မြန်မြန်ဆန်ဆန် ထိထိရောက်ရောက်တက်စေဖို့ အထောက်အကူ ပြုပါတယ်။ ဒါကြောင့် သင့်အနေနဲ့ ဝိတ်ကစားတဲ့ အလေးချိန်ကို ပိုတိုးပြီး ကစားပါ။ လိုအပ်ပါက သင့်ရဲ့ ကြံ့ခိုင်ရေးနည်းပြနဲ့ တိုင်ပင်ပြီး အကြံဉာဏ်တောင်းနိုင်ပါတယ်။ နောက်တစ်ခုက ကြွက်သားတည်ဆောက်တယ်ဆိုတာ နေ့ချင်းညချင်းပြောင်းလဲနိုင်တဲ့ အရာတစ်ခု မဟုတ်တာကြောင့် စိတ်ရှည်ရှည်နဲ့ ပုံမှန်လေး ကစားသွားဖို့ အကြံပြုချင်ပါတယ်။
Featured Photo : KAKE
