ကိုယ်လက်လေ့ကျင့်ခန်းလုပ်ခြင်းက ခန္ဓာကိုယ်ကျန်းမာရေး အတွက်သာမက ၊ စိတ်ပိုင်းဆိုင်ရာအတွက် ပါကောင်းမွန်သော အကျိုးများစွာကိုရရှိစေပါတယ်။ ကျန်းမာမှသာ အရာရာကို စွမ်းဆောင်နိုင်မှာပါ။ ယနေ့ခေတ်မှာ လူတော်တော်များများဟာ လုပ်ငန်းဆောင်တာများ၊ အချိန်စာ ရင်းများအပြည့်နဲ့ နေ့တစ်နေ့ရဲ့အချိန် တော်တော်များများကို အလုပ်စားပွဲမှာပဲ ကုန်ဆုံးနေကြပါတယ်။ ကိုယ်လက်လေ့ကျင့်ခန်း လုပ်ဖို့အတွက် အချိန်၊ နေရာ သီးသန့်မပေးနိုင်တဲ့အတွက် လေ့ကျင့်ခန်းမလုပ်ဖြစ်တာ များပါတယ်။ ဒါပေမဲ့ မပူပါနဲ့။ အလုပ်များတဲ့ ကွီးတို့အတွက် နေရာသက်သက်ပေးစရာမလိုဘဲ ကွီးတို့ရဲ့ အလုပ်စားပွဲမှာပဲ လုပ်နိုင်တဲ့ အချိန်လည်းများစွာမလိုအပ်တဲ့ လွယ်ကူရိုးရှင်းတဲ့ Workout များကို ဝေမျှပေးချင်ပါတယ်။
လေ့ကျင့်ခန်း (၁) Seated Leg Extensions
Photo : Spark People
ကွီးတို့ရဲ့ အလုပ်စားပွဲမှာပဲ လုပ်နိုင်တဲ့ ပထမဆုံး Workout တစ်ခုကတော့ Seated Leg Extensions ပဲဖြစ်ပါတယ်။ ဒီလေ့ကျင့်ခန်းကို လုပ်မယ်ရင် ပထမဆုံးအနေနဲ့ ကွီးတို့ထိုင်ခုံကို အလုပ်စားပွဲမှနောက်သို့ ခြေထောက်ဆန့်လျှင်လွတ်သည်အထိ ရွေ့ပါ။ ထို့နောက်ကျောကို မတ်မတ်ထိုင်ပါ။ နောက်တစ်ဆင့်အနေနဲ့ ခြေထောက်တစ်ဖက်ကို ရှေ့တည့်တည့်သို့ ပေါင်ကြွက်သားကို သုံး၍မလိုက်ပါ။ ထိုအနေအထားအတိုင်း စက္ကန့်အနည်းငယ်ထားပါ။ ထို့နောက် ခြေထောက်ကိုပြန်ချပါ။ နောက်ခြေထောက် တစ်ဖက်ကိုလည်း ထိုအတိုင်းလုပ်ပါ။ တစ်ဖက်စီကို အနည်းဆုံး ၁၀ ကြိမ်ခန့်လုပ်ပေးပါ။ (ဒီလေ့ကျင့်ခန်းအတွက် ဘီးမပါတဲ့ ထိုင်ခုံကိုသာ အသုံးပြုပါ။)
လေ့ကျင့်ခန်း (၂) Desk Pushups
Photo : info.activehealth sg
ဒီလေ့ကျင့်ခန်းကို လုပ်မယ်ဆိုရင် အရင်ဆုံး ကွီးတို့ အလုပ်စားပွဲကို မျက်နှာမူပြီး လက်များကို ကွီးတို့ ပခုံးထက် အနည်းငယ်ချဲ့ပြီး စားပွဲပေါ်သို့ ထောက်လိုက်ပါ။ လက်များကို ထောက်လျက် ကွီးတို့ ရင်ဘတ်ကို စားပွဲနားရောက်သည်အထိ နှိမ့်လိုက်ပါ။ ထို့နောက် လက်များကို ပြန်ဆန့်ပြီး ရင်ဘတ်ကို ပြန်လည်မတင်လိုက်ပါ။ ထို့နောက် စတင်သည့် အနေအထားသို့ ပြန်သွားပါ။ ဤကဲ့သို့ အနည်းဆုံး ၁၀ ကြိမ်လုပ်ပါ။
လေ့ကျင့်ခန်း (၃) Calf Raises
Photo : Flab Fix
ကွီးတို့ရဲ့ အလုပ်စားပွဲမှာပဲ လုပ်နိုင်တဲ့ Workout တစ်ခုကတော့ နောက်တစ်ခုကတော့ အရမ်းကို လွယ်ကူတဲ့ Calf Raises ပဲဖြစ်ပါတယ်။ ဒီလေ့ကျင့်ခန်းကို လုပ်မယ်ဆိုရင် ကွီးတို့အနေနဲ့ ပထမဆုံး အလုပ်စားပွဲမှ ထကာ မတ်မတ်ရပ်လိုက်ပါ။ ပြီးနောက် ပုံပါအတိုင်း ခါးထောက်ပြီး ခြေချောင်းများကိုထောက်ကာ (ခြေဖျားထောက်ကာ) ဖြေဖနောင့်ကို ကြမ်းပြင်မှ ကြွပါ။ ထို့နောက်ခြေဖနောင့်ကို ကြမ်းပြင်ပေါ်သို့ ပြန်ချပါ။ နောက်တစ်နည်း အနေနဲ့ ကွီးတို့ရဲ့ ထိုင်ခုံနောက်တွင် မတ်မတ်ရပ်ပြီး ခန္ဓာကိုယ် ဟန်ချက်ညီစေရန် ထိုင်ခုံကို လက်နှစ်ဖက်နဲ့ ကိုင်ထားပြီး ဒီလေ့ကျင့်ခန်းကို လုပ်ရင်လည်းရပါတယ်။ ဤကဲ့သို့ အနည်းဆုံး ၁၀ ကြိမ်လုပ်ပါ။
လေ့ကျင့်ခန်း (၄) Triceps dips
Photo : Warrior Made
ဒီလေ့ကျင့်ခန်း ကိုလုပ်မယ်ဆိုရင် ထိုင်ခုံကို နောက်မှာ ထားပြီး မတ်တပ်ရပ်လိုက်ပါ။ ထို့နောက် လက်ဖဝါးများကို အတည့်အတိုင်း ကုလားထိုင်ပေါ်သို့ ထောက်လိုက်ပါ။ (ဒီလေ့ကျင့်ခန်းကို လုပ်မယ်ဆိုရင် ကွီးတို့ထိုင်ခုံက ဘီးမပါတာ ဖြစ်ရပါမယ်။) ထို့နောက် ထိုင်သည့်ပုံစံ အနေအထား နှင့် ခြေထောက်များကို ကွီးတို့ ရှေ့တည့်တည့်တွင် ဆန့်တန်းထားပါ။ လက်မောင်းများကို အားပြုပြီး တင်ပါးကို ကြမ်းပြင်နဲ့ထိလုနီးပါးအထိ နှိမ့်ချလိုက်ပါ။
အခုဖော်ပြပေး လိုက်တာကတော့ လွယ်ကူပြီး ကွီးတို့ရဲ့ အလုပ်စားပွဲမှာပဲ လုပ်နိုင်တဲ့ Workout များပဲ ဖြစ်ပါတယ်။ ကွီးတို့ရေ တစ်နေ့တာအတွက် အလုပ်ချိန် ၈ နာရီအတွင်းမှာ အနည်းဆုံး ၅ မိနစ် ၁၀မိနစ်လောက်တော့ လုပ်ငန်းခွင်ထဲမှာပဲ ကိုယ်လက်လှုပ်ရှားမှု လေ့ကျင့်ခန်း လုပ်ပေးသင့်ပါတယ်။
Source : Health Line
Featured Photo : Fitandwell
