အလုပ်ခွင်အတွင်း အချိန်ကြာမြင့်စွာ အလုပ်လုပ်ခြင်းက ကိုယ်ခန္ဓာကို ဒါဏ်ဖြစ်စေတတ် ပါတယ်။  လည်ပင်းနှင့်ပခုံးနာကျင်တာ၊ ခါးနာတာ၊ ကြွက်သားနဲ့ အရိုး ပုံမမှန် မသက်မသာဖြစ်တာ၊ စိတ်ဖိစီးမှုနဲ့ အဝလွန်တာတွေ ဖြစ်နိုင်ပါတယ်။  ဒါပေမဲ့ ကွီးတို့အတွက် သတင်းကောင်းအနေနဲ့ ဒီပြဿနာတွေကို ဖြေရှင်းနိုင်တဲ့ နည်းတွေကို ရှာဖွေနိုင်ပါတယ်။ လှုပ်ရှားခြင်းနဲ့ အကြောဆန့်ခြင်း လေ့ကျင့်ခန်းများကို လုပ်ချင်တဲ့ ကွီးအနေနဲ့ အမြန်လျှောက်ခြင်း သို့မဟုတ် ခြေဆန် လက်ဆန့် ခြင်းကို သတ်သတ်မှတ်မှတ် လုပ်ဆောင်ဖို့ပါဘဲ။ လုပ်ငန်းခွင်မှာ အလွယ်တကူ လုပ်လို့ရတဲ့ အကြောဆန့်ခြင်း က လုပ်ရတာ သက်သာပြီး အကျိုးများပါတယ်။

ကဲ ကွီးတို့ရေ လုပ်ငန်းခွင်မှာ လုပ်လို့ရပြီး ရိုးရှင်း လွယ်ကူတဲ့ အကြောဆန့်ခြင်း လေ့ကျင့်ခန်းများကို လုပ်ကြည့်ကြရအောင်။

လေ့ကျင့်ခန်း (၁) လက်မောင်း ပုခုံးအကြောဆန့်ခြင်း လေ့ကျင့်ခန်း

Photo : Cario Weast Magazine

လက်ကို မြှောက်ပြီး ဆန့်ကျင်ဘက်ဆီသို့ ရောက်ရှိသွားစေရန် ကွေးညွတ်လိုက်ပါ၊

• အခြားလက်ကိုသုံး၍ တံတောင်ဆစ်ကို ဦးခေါင်းဆီသို့ ဆွဲတင်ပါ။
• ၁၀ မှ ၃၀ စက္ကန့်ထိထားပါ။
• တစ်ဖက်ကို ပြန်လုပ်ပါ။

လေ့ကျင့်ခန်း (၂) ခေါင်းပေါ် လက်ကို ဆန့်ခြင်း

Photo : Medium

• အပြင်ဘက်သို့ မျက်နှာမူကာ ဦးခေါင်းထက်တွင် ဆန့် လက်ကို ဆန့်ထုတ်ပါ။
• လက်ကို အပေါ်သို့ ဆန့်တန်း၍ တွန်းပါ။
• ကိုယ်ဟန်အနေအထားကို ၁၀ မှ ၃၀ စက္ကန့်ထိထားပါ။
• လက်တစ်ဖက်စီ အလှည့်ကျ လုပ်ပါ။

လေ့ကျင့်ခန်း (၃) ခန္ဓာကိုယ်အပေါ်ပိုင်းနှင့် လက်မောင်းကို ဆန့်ခြင်း

Photo : University of Waterloo

• လက်နှစ်ဖက်ကို အပြင်ဘက်သို့ မျက်နှာမူကာ ဦးခေါင်းထက်တွင် လက်နှစ်ဖက်ကို တွဲကိုင်ပါ။
• လက်နှစ်ဖက်ကို အပေါ်သို့ ဆန့်တန်း၍ တွန်းပါ။
• ကိုယ်ဟန်အနေအထားကို ၁၀ မှ ၃၀ စက္ကန့်ထိထားပါ။

လေ့ကျင့်ခန်း (၄) ပုခုံးနဲ့ ရင်ခေါင်းအရှေ့ဘက် အဓိက ကြွက်သားများဆန့်ထုတ်ခြင်း

Photo : Medium

• ခန္ဓာကိုယ်ကို ဆန့်ထုတ်ပါ။
• ကွီးရဲ့ နောက်ကျောကို လက်နှစ်ဖက်ဖြင့် အုပ်ထားပါ။
• ရင်ဘတ်ကို အပြင်သို့ တွန်းထုတ်ပြီး မေးစေ့ကို မြှင့်ပါ။
• ကိုယ်ဟန်အနေအထားကို ၁၀ မှ ၃၀ စက္ကန့်ထိထားပါ။

လေ့ကျင့်ခန်း (၅) ရှေ့သို့ ဆန့်ထုတ်ခြင်း

Photo : Geaux CrossFit

•  ဒီအကြောဆန့်ခြင်းက အပေါ်ပိုင်းအဆန့် လို့ ခေါ်ပါတယ်။
• ကွီးလက်များကို ရှေ့တွင် ဆန့်ထားပြီး လက်မောင်းများနှင့်အညီ ခေါင်းကို လျှော့ပါ။
• ရှေ့ကို နှိမ့်ပြီး ၁၀ မှ ၃၀ စက္ကန့်အထိ ဖိထားပါ။

ဒါတွေက လုပ်ငန်းခွင်မှာ အလွယ်တကူ လုပ်နိုင်တဲ့ အကြောဆန့်ခြင်း သို့မဟုတ် အကြောလျော့ခြင်း လေ့ကျင့်ခန်းတွေပါ။ ဒါအပြင် ရိုးရှင်းပြီး အလွယ်တကူ လုပ်နိုင်တဲ့ ကိုယ်လုံးပိုင်း အကြောဆန့်တာ၊ တင်ပဆုံပိုင်းနဲ့ ဒူး ကြောလျော့/ဆန့်တာ၊ ဒူးခေါက်ကြောဆန့်တာ တွေကိုလည်း အလုပ်ခွင်ထဲမှာ ကွီးတို့ လုပ်ကြည့်ဖို့ အကြံပြုပါရစေ။

Source : Health Line

Featured Photo : Stretches