အမျိုးသားများသည် သက်လတ်ပိုင်း အရွယ် ရောက်လာတဲ့အခါ ဝမ်းဗိုက် ရှိ အဆီပိုများကို ချေဖျက်ရခက်လာပါတယ်။ ဘာ့ကြောင့်လဲဆိုတော့ သက်လတ်ပိုင်း အရွယ်မှာ လေ့ကျင့်ခန်း စွမ်းဆောင်ရည်သည်လည်း ကျဆင်းသွားတတ်ပြီး အလုပ်တာဝန်၊ အိမ်ထောင်ဦးစီးတာဝန်များနှင့် များပြားလာတဲ့အခါ ကိုယ့်ရဲ့ခန္ဓာကိုယ် ကျန်းမာရေးကိုလည်း ဂရုစိုက်ဖို့ အားနည်းလာပါတော့တယ်။ တဖြည်းဖြည်းနဲ့ ခါးက အဆီပိုတွေက များများလာပြီး စည်ပိုင်းကြီးလို ဖြစ်လာပါတော့မယ်။

ဒီလိုဆိုရင်တော့ သက်လတ်ပိုင်း ကွီးတို့အနေနဲ့ ဝမ်းဗိုက် ရှိ အဆီပိုများကို ချေဖျက်ချင်တယ်ဆိုရင် ရေကူးခြင်း၊ မနက်ခင်းမှာ ပြေးခြင်း၊ ခပ်မြန်မြန်လမ်းလျှောက်ခြင်း အစရှိတဲ့ အေရိုးပစ်လေ့ကျင့်ခန်းများကို ပြုလုပ်နိုင်ပါတယ်။ တကယ်လို့ ထိုအေရိုးပစ်လေ့ကျင့်ခန်းများကို မပြုလုပ်ချင်ပါကလည်း နောက်ထပ် ရွေးချယ်မှုတစ်ခု ရှိပါသေးတယ်။ ဒီလေ့ကျင့်ခန်းများသည်လည်း သက်လတ်ပိုင်း အရွယ်မှာ ချေဖျက်ရခက်တဲ့ ဝမ်းဗိုက် အဆီပိုများကို ထိရောက်စွာ ဖယ်ရှားပေးနိုင်ပါတယ်။

လေ့ကျင့်ခန်း (၁)

Source: Imgur

ဒီလေ့ကျင့်ခန်းလေးကတော့ ကွီးတို့နဲ့ ရင်းနှီးပြီးသားဖြစ်တဲ့ အိပ် ထ မ တင် လေ့ကျင့်ခန်းလေးပဲဖြစ်ပါတယ်။

အဆင့် (၁) အရင်ဦးဆုံး ဒူးနှစ်ဖက်ကို ထောင်ထားကာ ကြမ်းပြင်ပေါ်မှာ လှဲလျောင်းနေပါ။

အဆင့် (၂) လက်နှစ်ဖက်က ဦးခေါင်းနားမှာ ကပ်ထားလိုက်ပါ။

အဆင့် (၃) ရယ်ဒီဖြစ်ပြီဆိုရင်တော့ ဝမ်းဗိုက်ကြွက်သားအားကို အသုံးပြုကာ ခန္ဓာကိုယ်အပေါ်ပိုင်းကို ကြွပေးလိုက်ပါ။ ထို့နောက် မူလအနေအထားအတိုင်း ပြန်နေပါ။

ထိုအဆင့်များကိုပဲ ၁၅ ကြိမ်၊ ၃ ကျော့ ပြုလုပ်ပေးရမှာ ဖြစ်ပါတယ်။

လေ့ကျင့်ခန်း (၂)

Source: Imgur

အဆင့် (၁) ခန္ဓာကိုယ်ကို ဘေးတစောင်းထားကာ လှဲလျောင်းနေပါ။

အဆင့် (၂) ထို့နောက် ညာခြေကို အပေါ်သို့ မြှောက်လိုက်ပါ။ တစ်ချိန်တည်းမှာပဲ ဝမ်းဗိုက်ကြွက်သားများကို ညှစ်ကာ ခန္ဓာကိုယ်အပေါ်ပိုင်းကိုပါ ကြွလိုက်ပါ။

ထို့နောက် ခြေထောက်ပြန်ချပါ။ စုစုပေါင်း ၁၅ ကြိမ် ပြုလုပ်ပါ။

တစ်ဖန် ခန္ဓာကိုယ်ကို ဘက်ပြောင်းကာ လှဲလျောင်းပေးလိုက်ပြီး ဘယ်ခြေကိုလည်း ထိုနည်းအတိုင်း ပြုလုပ်ပေးရပါမယ်။ စုစုပေါင်း ၁၅ ကြိမ် ပြုလုပ်ပါ။

ဒီအဆင့်အထိပြီးသွားပါက တစ်ကျော့ ပြည့်သွားပါက နောက်ထပ် နှစ်ကျော့ကိုလည်း ထိုနည်းအတိုင်း ပြုလုပ်ပေးလိုက်ပါ။

လေ့ကျင့်ခန်း (၃)

Source: Abmsale

ဒီလေ့ကျင့်ခန်းလေးကတော့ ခြေထောက်နှစ်ဖက်ကို အရှေ့တွန်းလိုက် အနောက်တွန်းလိုက်ဖြင့် စက်ဘီးစီးနေသယောင် လေ့ကျင့်ခန်းပြုလုပ်ပေးရမှာပဲဖြစ်ပါတယ်။

စုစုပေါင်း ၁၅ ကြိမ်၊ ၃ ကျော့ ပြုလုပ်ပါ။

လေ့ကျင့်ခန်း (၄)

Source: Menshealth

ဒီလေ့ကျင့်ခန်းလေးကတော့ လေ့ကျင့်ခန်း (၁) နဲ့ ဆင်တူပါတယ်။ သို့သော် လက်အနေအထားကတော့ ဦးခေါင်းပေါ်မှာ ဆန့်တန်းထားရမှာဖြစ်ပါတယ်။ တဖြည်းဖြည်းနဲ့ ခန္ဓာကိုယ်အပေါ်ပိုင်းကို ကြွကာ အိပ် ထ မ တင် ပုံစံ ပြုလုပ်ပေးလိုက်ပါ။

လေ့ကျင့်ခန်း (၅)

Source: Menshealth

ဒီလေ့ကျင့်ခန်းလေးကတော့ ခြေထောက်နှစ်ဖက်ကို အပေါ်မြှောက်လိုက် ပြန်ချလိုက် ပြုလုပ်ပေးရမှာဖြစ်ပါတယ်။

ကွီးတို့အနေနဲ့ အခုမှစလုပ်မယ်ဆိုရင်တော့ ခြေထောက်နှစ်ဖက်စလုံးကို မြှောက်နိုင်ဦးမှာ မဟုတ်ပါဘူး။ ဒါ့ကြောင့် Beginner သမားများအနေနဲ့ ဘယ်ခြေ သပ်သပ်၊ ညာခြေ သပ်သပ်စီ မြှောက်ကာ ပြုလုပ်ပေးလိုက်ပါ။ တစ်ပတ်လောက်ကြာမှ ခြေထောက်တစ်စုံလုံး မြှောက်ပေးရမှာဖြစ်ပါတယ်။

အထက်ဖော်ပြပါ လေ့ကျင့်ခန်းများအပြင် ကျန်းမာရေးနဲ့ ညီညွှတ်တဲ့ Healthy Diet များပါ တွဲဖက်စားသုံးသင့်ပါတယ်။

ကျန်းမာရေးနဲ့ ညီညွှတ်တဲ့ Diet Plan ဆိုတာကတော့ သက်လတ်ပိုင်း အရွယ် အထူးသဖြင့် ဝမ်းဗိုက် နှင့် ခန္ဓာကိုယ်တစ်ခုလုံးရှိ အဆီပိုများကို ဖယ်ရှားချင်သူများအတွက် အရေးအကြီးဆုံးပဲဖြစ်ပါတယ်။

ဘယ်လိုအစားအစာများကို အဓိကထား စားသုံးရမလဲဆိုတော့ သစ်သီးများ၊ ဟင်းသီးဟင်းရွက်များနှင့် ပရိုတင်းဓာတ် ကြွယ်ဝတဲ့ အစားအစာများပဲဖြစ်ပါတယ်။ ကျန်းမာရေးနှင့် မညီညွှတ်တဲ့ ကြာရှည်ခံအစားအစာများ၊ သကြားဓာတ်လွန်ကဲတဲ့ အချိုရည်များ၊ အဆီ အဆိမ့်များပြားလွန်းတဲ့ အစားအစာများကိုလည်း ရှောင်ကြဉ်သင့်ပါတယ်။ ဒီလို ကျန်းမာရေးနှင့် မညီညွှတ်တဲ့အစားအစာများကို ရှောင်ကြဉ်ခြင်းအားဖြင့် သွေးတိုး၊ ဆီးချိုရောဂါနှင့် နှလုံးရောဂါ ဖြစ်ပွားခြင်းတို့မှ ကာကွယ်ပေးနိုင်ပါတယ်။

Source: Styleis

Featured Image: Gq-magazine