လက်မောင်း က အဆီပို တွေက ဘာ့ကြောင့်ဖြစ်ပေါ်လာရသလဲ။ လက်မောင်းက အဆီပိုတွေကြောင့် စိတ်ညစ်နေရတယ်ဆိုရင် ကွီးတို့တစ်ယောက်တည်း မဟုတ်ပါဘူး။ လူတော်တော်များများသည် အသက်အရွယ် ရလာသည်နှင့်အမျှ အဆီပိုတွေ စုပုံလာတတ်တာ ပုံမှန်လိုပါပဲ။ တကယ်လို့ ကွီးတို့ရဲ့ လက်မောင်း က အဆီပို တွေကို ဖယ်ရှားချင်တယ်ဆိုရင်တော့ ထိရောက်မှုရှိတဲ့ Workout များကို ပြုလုပ်ပေးနိုင်ပါတယ်။
လေ့ကျင့်ခန်း (၁)
Source: Tenor
အဆင့် (၁) အရင်ဦးဆုံး ခြေထောက်နှစ်ဖက်ကို အနည်းငယ်ချဲထားပါ။ အလေးတန်းကို အသုံးပြုကာ ပြုလုပ်ရပါမယ်။
အဆင့် (၂) ဒူးကို အနည်းငယ် ကွေးထားပြီးနောက် အလေးတန်းကို ဆွဲကိုင်ထားလိုက်ပါ။
အဆင့် (၃) ထို့နောက် လက်မောင်းအားအသုံးပြုကာ အလေးတန်းကို ဆွဲမပေးရမှာ ဖြစ်ပါတယ်။
စုစုပေါင်း ၁၀ ကြိမ်၊ ၁၂ ကြိမ်၊ ၁၅ ကြိမ်၊ ၃ ကျော့စီ ပြုလုပ်ရမှာပဲ ဖြစ်ပါတယ်။
လေ့ကျင့်ခန်း (၂)
Source: Flab Fix
ဒီလေ့ကျင့်ခန်းကို ပြုလုပ်ဖို့ရန်အတွက် ခုံတစ်လုံး လိုအပ်ပါလိမ့်မယ်။
အဆင့် (၁) လက်နှစ်ဖက်ကို ခုံပေါ်တွင် နောက်ပြန်တင်ထားလိုက်ပါ။
အဆင့် (၂) တံတောင်ကို ကွေးလိုက် ဆန့်လိုက်ဖြင့် တစ်လှည့်စီ ပြုလုပ်ပေးရမှာ ဖြစ်ပါတယ်။
ဒီလေ့ကျင့်ခန်းကိုလည်း ၃ ကျော့ ပြုလုပ်ရမှာဖြစ်ပြီး ပထမတစ်ကျော့အတွက် ၁၀ ကြိမ်၊ ဒုတိယအကျော့တွင် ၁၂ ကြိမ်နှင့် တတိယအကျော့တွင် ၁၅ ကြိမ် ပြုလုပ်ရမှာပဲဖြစ်ပါတယ်။ တကယ်လို့ ကျွမ်းကျင်လာတဲ့အခါ အကြိမ် ၂၀ ၊ ၃ ကျော့စီ ပြုလုပ်ပေးလိုက်ပါ။
လေ့ကျင့်ခန်း (၃)
Source: Pinterest
ဒီလေ့ကျင့်ခန်း ပြုလုပ်ဖို့အတွက် အလေးတန်းတစ်ခု လိုအပ်ပါလိမ့်မယ်။
အဆင့် (၁) ခြေထောက်နှစ်ဖက်ကို အနည်းငယ် ချဲထားပြီး လက်နှစ်ဖက်က အလေးတန်းကို ကိုင်ထားလိုက်ပါ။ အဆင့် (၂) လက်မောင်း ကြွက်သား အသုံးပြုပြီး တံတောင်ကို ကွေးလိုက် ဆန့်လိုက်ဖြင့် အလေးတန်းကို ဆွဲမပေးရမှာ ဖြစ်ပါတယ်။
စုစုပေါင်း ၁၅ ကြိမ်၊ ၃ ကျော့ ပြလုပ်ပေးရပါမယ်။
လေ့ကျင့်ခန်း (၄)
Source: Pinterest
ဒီလေ့ကျင့်ခန်းကလည်း စောစောကလေ့ကျင့်ခန်းနဲ့အတူတူပါပဲ။ အလေးတန်းအစား အလေးတုံး နှစ်တုံး ပြောင်းလဲအသုံးပြုရမှာဖြစ်ပါတယ်။
စောစာကလိုပဲ တံတောင်ကို ကွေးလိုက် ဆန့်လိုက်ဖြင့် လေ့ကျင့်ခန်း ပြုလုပ်ရမှာဖြစ်ပါတယ်။ ၁၅ ကြိမ်၊ ၃ ကျော့ ပြုလုပ်ပေးလိုက်ပါ။
လေ့ကျင့်ခန်း (၅)
Source: Menshealth
ဒီလေ့ကျင့်ခန်းကတော့ ကွီးတို့အားလုံးနဲ့ ရင်းနှီးပြီးသားဖြစ်တဲ့ Push Up လေ့ကျင့်ခန်းလေးပဲဖြစ်ပါတယ်။ လက်မောင်းကြွက်သားအား အသုံးပြုကာ ပြုလုပ်ပေးလိုက်ပါ။ စုစုပေါင်း ၁၅ ကြိမ်မှ အကြိမ် ၂၀၊ ၃ ကျော့ ပြုလုပ်ရမှာပဲ ဖြစ်ပါတယ်။
လေ့ကျင့်ခန်း (၆)
Source: Flab Fix
အဆင့် (၁) အရင်ဦးဆုံး ခန္ဓာကိုယ်ကို ဘေးတစောင်း Plank ပြုလုပ်ပေးလိုက်ပါ။ ထို့နောက် ကျန်လက်တစ်ဖက်က ခါးထောက်ထားလိုက်ပါ။
အဆင့် (၂) ဘယ်ခြေကို အရှေ့လွှဲလိုက် အနောက်လွှဲလိုက်ဖြင့် တစ်လှည့်စီ ပြုလုပ်ပေးရမှာပဲဖြစ်ပါတယ်။
၁၅ ကြိမ် ပြုလုပ်ပြီးတဲ့နောက်မှာတော့ ခန္ဓာကိုယ်ကို ဘက်ပြောင်းကာ ထိုနည်းအတိုင်း ဆက်လက်ပြုလုပ်ပေးရမှာပဲ ဖြစ်ပါတယ်။ ၁၅ ကြိမ် ပြည့်သွားတဲ့အခါမှာတော့ ပထမအကျော့ ပြီးသွားပြီဖြစ်ပါတယ်။ နောက်ထပ် ၂ ကျော့်ကိုလည်း ထိုနည်းအတိုင်း ပြုလုပ်ပေးလိုက်ပါ။
လေ့ကျင့်ခန်း (၇)
Source: Gfycat
အဆင့် (၁) ခန္ဓာကိုယ်ကို အရင်ဦးဆုံး ခုံတန်းရှည်ပေါ်တွင် လှဲလျောင်းနေပါ။ လက်နှစ်ဖက်က အလေးတန်းကို ကိုင်ထားပါ။
အဆင့် (၂) တံတောင်ကို ကွေးလိုက် ဆန့်လိုက်ဖြင့် တစ်လှည့်စီ ပြုလုပ်ပေးရပါမယ်။
လေ့ကျင့်ခန်း (၈)
Source: Pinterest
အဆင့် (၁) ခန္ဓာကိုယ်ကို ခုံတန်းရှည်ပေါ်တွင် လှဲလျောင်းထားပါ။ အလေးတုံး နှစ်တုံးကို ရင်ဘတ်ရှေ့တွင် စုဆုံကာ ကိုင်ထားပါ။
အဆင့် (၂) ထို့နောက် တံတောင်ကို ဆန့်တန်းကာ အလေးတုံးနှစ်တုံးကို အပေါ်သို့ မြှောက်လိုက်ပါ။
တံတောင်ကွေးလိုက် မြှောက်လိုက်ဖြင့် တစ်လှည့်စီ ပြုလုပ်ပေးရပါမယ်။ စုစုပေါင်း ၁၅ ကြိမ်၊ ၃ ကျော့ ပြုလုပ်ပေးလိုက်ပါ။
အထက်ဖော်ပြပါ လေ့ကျင့်ခန်းများအားလုံး ပြီးသွားပါက အကြောလျော့ လေ့ကျင့်ခန်းများကို ၅ မိနစ်မှ ၁၀ မိနစ်ခန့် ပြုလုပ်ပေးလိုက်ပါ။
ဖော်ပြပါ လေ့ကျင့်ခန်းများကို ပြုလုပ်ပေးတဲ့အပြင် မနက်စာ ပုံမှန်စားသုံးခြင်း၊ အဆီ အဆိမ့်နှင့် အချိုများ လျော့စားခြင်း၊ ပရိုတင်းဓာတ်များ များများမှီဝဲစားသုံးခြင်းတို့ကို ပြုလုပ်ပေးရမှာပဲဖြစ်ပါတယ်။ ဒါဆိုရင်တော့ ကွီးတို့ရဲ့ လက်မောင်းကအဆီပိုတွေ တင်မကပါဘူး၊ ခန္ဓာကိုယ်တစ်ခုလုံးရှိ အဆီပိုများ ပျောက်ကွယ်သွားမှာပဲဖြစ်ပါတယ်။
Source: Femina.in
Featured Image: Themanual
