အထိုင်များလို့ပဲ ဖြစ်ဖြစ် ၊ စားသောက်နေထိုင်မှုကြောင့်ပဲ ဖြစ်ဖြစ်၊ ကိုယ်လက်လှုပ်ရှားမှု နည်းပါးလို့ပဲ ဖြစ်ဖြစ် အရင်ဆုံး ဝမ်းဗိုက်မှာ အဆီစုလာတတ်ပါတယ်။ လူတချို့မှာ ခန္ဓာကိုယ်မဝဘဲနဲ့ ဗိုက်မှာပဲ အဆီစုနေတာမျိုး ဖြစ်တတ်ပါတယ်။ ဗိုက်အဆီဆိုတာ ဝမ်းဗိုက်မှာရှိတဲ့ အင်္ဂါအစိတ်အပိုင်းတွေမှာ သိုလှောင်ထားတဲ့ အဆီတွေဖြစ်ပြီး ပိုလျှံနေတဲ့ အဆီတွေဟာ ကိုလက်စထရော မြင့်တာ၊ သွေးတိုးတာ၊ နှလုံးရောဂါ၊ ဆီးချို၊ လေဖြတ်တာမျိုး ဖြစ်တတ်ပါတယ်။ ဒီလို ဗိုက်အဆီ ကို အန္တရာယ်ကင်းကင်းချဖို့အတွက် ဆိုရင် လေ့ကျင့်ခန်း ပုံမှန်လုပ်ခြင်းအပြင် မရှိပါဘူး။ ဒီနေ့မှာတော့ ကွီးတို့အတွက် ဘယ်လိုအကူကိရိယာတွေမှ မလိုဘဲ ဗိုက်အဆီကို အမြန်ဆုံး ကျစေမဲ့ မိမိရဲ့ အိမ် ကြမ်းပြင် ပေါ်မှာ ပြုလုပ်လို့ရတဲ့ လေ့ကျင့်ခန်းတွေကို ဖော်ပြပေးချင်ပါတယ်။
လေ့ကျင့်ခန်း (၁) Hollow Body Hold
Photo : Men’s Health
ဒီလေ့ကျင့်ခန်းကို လုပ်မယ်ဆိုရင် အရင်ဆုံး ကြမ်းပြင်ပေါ်တွင် လှဲလျက် လက်နှစ်ဖက်ကို ဦးခေါင်းနှင့် ခြေဖဝါးပေါ် ဆန့်တန်းထားပြီး ကျောကို ဆန့်ဆန့်ထားပါ။ ပြီးလျှင် ကွီးတို့ရဲ့ အောက်ပိုင်းကို ကြမ်းပြင်ပေါ်သို့ ဖိထားပြီး ကွီးတို့ရဲ့ ခြေထောက်များနဲ့ လက်များကို လေထဲတွင် မြှောက်ထားပါ။ အလွယ်ကူဆုံး ပုံစံဆိုလျှင် ကွီးတို့ရဲ့ ခန္ဓာကိုယ်က ငှက်ပျောသီး ပုံသဏ္ဍာန်ထားရှိပါ။ သတ်မှတ်ထားသော အချိန်အတိုင်းအတာအထိ ထိန်းထားပါ။ စစလုပ်ခြင်းတွင် ကွီးတို့ တတ်နိုင်သလောက် အချိန်အတိုင်းအတာကိုသာ ထိန်းထားပြီး ထိုမှတစ်ဆင့် ဖြည်းဖြည်းချင်း တိုးသွားပါ။
လေ့ကျင့်ခန်း (၂) Lying Leg Raises
Photo : Men’s Health
ဒီလေ့ကျင့်ခန်းကို လုပ်မယ်ဆိုရင် ကွီးတို့ အနေနဲ့ အရင်ဆုံး ဖျာပေါ်တွင် လှဲ အိပ်ပါ။ ထို့နောက် လက်ဖဝါးများကို မှောက်လျက် ကြမ်းပြင်ပေါ်တွင်ချထားပါ။ ခြေထောက်များကို ကြမ်းပြင်မှ ကြွပါ။ ခြေထောက်နှစ်ဖက်စလုံးကို ၉၀ ဒီဂရီအထိမြှင့်ပြီး ဖြေးဖြေးချင်း ပြန်ချပါ။ ခြေထောက်များကို ကြမ်းပြင်အထိမချဘဲ နောက်တစ်ကြိမ် ထပ်ပြီး ၉၀ ဒီဂရီအထိပြန်မြှင့်ပါ။ ထိုသို့ ၁၅ ကြိမ် ၃ ခါလုပ်ပါ။ ခြေထောက်များကို ပြန်ချချိန်တွင် ကြမ်းပြင်နဲ့ လုံးဝမထိပါနဲ့။ ခြေထောက်များ မြှောက်ထားဖို့ တင်ပါးကို လက်နဲ့တွန်းထားပြီး အားယူပါ။
လေ့ကျင့်ခန်း (၃) Reverse Churches
Photo : Healthy and Exercise
ကွီးတို့ရဲ့ ဗိုက်အဆီကို အမြန်ဆုံး ကျစေမဲ့ ကြမ်းပြင် ပေါ်မှာ ပြုလုပ်လို့ရတဲ့ လေ့ကျင့်ခန်းတွေထဲက နောက်တစ်ခုကတော့ Reverse Churches ပဲ ဖြစ်ပါတယ်။ ဒီလေ့ကျင့်ခန်းကို လုပ်ဖို့ဆိုရင် အရင်ဆုံး ကြမ်းပြင်ပေါ်သို့ လှဲလျောင်းခြင်းဖြင့် ဤလှုပ်ရှားမှုကို စတင်ပါ။ ဒီလေ့ကျင့်ခန်းကိုလုပ်မယ်ဆိုရင် ကွီးတို့ရဲ့ အလယ်အူတိုင်ကို တင်းကျပ်ပြီး ကွီးတို့ရဲ့ ခြေထောက်များကို ပုံပါအတိုင်းမြှောက်လျက် ဗိုက်သားကို ပြင်းပြင်းထန်ထန် ဆန့်ထုတ်ပါ။ ထို့နောက် ခြေထောက်များကို ဖြေးညှင်းစွာ ပြန်လည်နှိမ့်ချပါ။ ဒီအတိုင်း ၁၀ ကြိမ်မှ ၁၅ ကြိမ် ၃ စုံခန့် ပြီးအောင်ပြုလုပ်ပါ။
Source : Eat This, Not That
Featured Photo : Fit & Well
